ಅಭಿಷೇಕ್, ರಿಂಕು ಸಿಂಗ್, ಸುದರ್ಶನ್ ಬ್ಯಾಟಿಂಗ್​ಗೆ ಮುಂಚೆ ಏನ್ ಮಾಡ್ತಾರೆ.. ಹೀಗೆ ಮಾಡೋದು ಯಾಕೆ?

ಕ್ರಿಕೆಟರ್​​ಗಳು ಪಂದ್ಯಕ್ಕೂ ಮುನ್ನ ಒಂದಿಲ್ಲೊಂದು ಡ್ರಿಲ್ ಮಾಡ್ತಾರೆ. ಪಿಚ್ ನೋಡ್ತಾರೆ. ಅದಕ್ಕೆ ತಕ್ಕಂತೆ ಶಾಡೋ ಬ್ಯಾಟಿಂಗ್​​ ಮಾಡ್ತಾರೆ. ಬ್ಯಾಟ್​​, ಬಾಲ್ ಡ್ರಿಲ್ ಮಾಡ್ತಾ ಅಭ್ಯಾಸ ಮಾಡ್ತಾರೆ. ಇದೆಲ್ಲಾ ಕ್ರಿಕೆಟರ್​ಗಳು ಯಾಕ್​ ಮಾಡ್ತಾರೆ?. ಇಂಥದ್ದೊಂದು ಪ್ರಶ್ನೆ ಕಾಡ್ತಿದೆಯಾ ಅಲ್ವಾ..? ಅದಕ್ಕೆ ಉತ್ತರ ಇಲ್ಲಿದೆ.

ಕ್ರಿಕೆಟರ್​ ಒಬ್ಬ ಸಕ್ಸಸಫುಲ್ ಕ್ರಿಕೆಟರ್ ಆಗಬೇಕಾದ್ರೆ, ಕಠಿಣ ಶ್ರಮ, ನೆಟ್ಸ್​ನಲ್ಲಿ ಪ್ರ್ಯಾಕ್ಟೀಸ್ ಮಾತ್ರವೇ ಮುಖ್ಯವಾಗಲ್ಲ. ಆತನ ಡೆಡಿಕೇಷನ್, ಕಮಿಟ್​ಮೆಂಟ್​​​ ಇಂಪಾರ್ಟೆಂಟ್​ ಆಗುತ್ತೆ. ಇದಕ್ಕೆ ಬೆಸ್ಟ್ ಎಕ್ಸಾಂಪಲ್​​ ವಿರಾಟ್​ ಕೊಹ್ಲಿ ಅನ್ನೋದ್ರಲ್ಲಿ ಡೌಟೇ ಇಲ್ಲ. ಆದ್ರೆ, ಡೆಡಿಕೇಷನ್​, ಕಮಿಟ್ಮೆಂಟ್​​ ಜೊತೆಗೆ ಏಕಾಗ್ರತೆ ಬಹುಮುಖ್ಯ. ಇಂಥಹ ಮತ್ತೊಬ್ಬ ಕ್ರಿಕೆಟರ್ ಸಾಯಿ ಸುದರ್ಶನ್.

ಟೆಕ್ನಿಕಲಿ ಹೈ ಸೌಂಡೇಡ್ ಬ್ಯಾಟರ್ ಆಗಿರುವ ಸಾಯಿ ಸುದರ್ಶನ್, ಸದ್ಯ ಇಂಗ್ಲೆಂಡ್ ಪ್ರವಾಸದಲ್ಲಿದ್ದಾರೆ. ಆದ್ರೆ, ಈತನ ಬ್ಯಾಟಿಂಗ್ ಟೆಕ್ನಿಕ್​ ಹಾಗೂ ಐಪಿಎಲ್​​ನಲ್ಲಿ ರನ್​ ಹೊಳೆ ಹರಿಸಿದ ಹಿಂದಿನ ಸೀಕ್ರೆಟ್​, ಬ್ಯಾಟಿಂಗ್​ಗೂ ಮುನ್ನ 22 ಯಾರ್ಡ್​ನಲ್ಲಿ ಮಾಡುವ ಆ ಶಾಡೋ ಪ್ರ್ಯಾಕ್ಟೀಸ್​..

ಸಾಯಿ ಸುದರ್ಶನ್​​ ಶಾಡೋ ಪ್ರ್ಯಾಕ್ಟೀಸ್​​ ಸೀಕ್ರೆಟ್ ಏನು..?

ಮಳೆಯ ನಡುವೆ ಸಾಯಿ ಸುದರ್ಶನ್ ಮೈದಾನದ ಮಧ್ಯೆ ಅಭ್ಯಾಸ ಮಾಡುತ್ತಾರೆ. ಈ ಪ್ರಶ್ನೆ ಸಹಜವಾಗೇ ಕಾಡುತ್ತೆ. ಗಲ್ಲಿ ಕ್ರಿಕೆಟರ್​​​​​ಗಳು ಸಹ ನಡೀಯುವಾಗಲೂ ಈ ರೀತಿ ಮಾಡೋದು ಸಾಮಾನ್ಯ. ಆದ್ರೆ, ಸಾಯಿ ಸುದರ್ಶನ್​​​​​ ಹವ್ಯಾಸ, ನಿನ್ನೆ ಮೊನ್ನೆಯಿಂದಲ್ಲ. ವರ್ಷಗಳಿಂದಲೂ ಇದ್ದೇ ಇದೆ. ಪಿಚ್​​ ಹತ್ತಿರವೇ ಇರುವ ಸಾಯಿ ಸುದರ್ಶನ್, ಎರಡು ಎಂಡ್​​ನಲ್ಲಿ ಶಾಡೋ ಬ್ಯಾಟಿಂಗ್ ಪ್ರ್ಯಾಕ್ಟೀಸ್​​ ಮಾಡಿದ್ದಾರೆ. ಕೆಲ ಬೌನ್ಸರ್​​​ಗಳಿಂದ ತಪ್ಪಿಸಿಕೊಳ್ಳುವುದು. ಫುಲ್ ಶಾಟ್​, ಕವರ್ ಡ್ರೈವ್, ಬ್ಯಾಕ್ ಪೂಟ್, ಸ್ಕ್ವೇರ್​ ಕಟ್​​​​ ಸೇರಿದಂತೆ ಪ್ರತಿ ಶಾಟ್​​ನ ಪ್ಲೇ ಮಾಡಿದ್ದಾರೆ. ಕೆಲ ಕಾಲ ಕಳೆದಿದ್ದಾರೆ. ಇದಕ್ಕೆ ಕಾರಣ ಬ್ಯಾಟಿಂಗ್ ಮೇಲಿನ ಫೋಕಸ್ ಮಾತ್ರವಲ್ಲ. ಕಾನ್ಫಿಡೆನ್ಸ್​ ಹೆಚ್ಚಿಸಿಕೊಳ್ಳುವುದರ ಭಾಗವಾಗಿದೆ.

ಅಭಿಷೇಕ್ ಶರ್ಮಾ ಬ್ಯಾಟ್​​, ಬಾಲ್​ ಡ್ರಿಲ್​​..!

ಅಭಿಷೇಕ್ ಶರ್ಮಾ.. ಐಪಿಎಲ್​ ವೇಳೆ ಬ್ಯಾಟ್​​, ಬಾಲ್ ಡ್ರಿಲ್ ಸಹಜವಾಗೇ ನೋಡಿರ್ತೀರಾ..? ಇದು ಬ್ಯಾಟಿಂಗ್ ಸಕ್ಸಸ್​​​ಗೆ ನೆರವಾಗುತ್ತೆ. ಬ್ಯಾಟಿಂಗ್​​ ಕಂಟ್ರೋಲ್, ಶಾಟ್ ಸೆಲೆಕ್ಷನ್ ಇಂಪ್ರೂವ್ ಆಗುತ್ತೆ. ಚೆಂಡನ್ನ ಮಿಡಲ್ ಮಾಡುವುದಕ್ಕೆ ನೆರವಾಗುತ್ತೆ. ಇದರಿಂದ ಬ್ಯಾಡ್ ಶಾಟ್ ಸೆಲೆಕ್ಷನ್​ ತಪ್ಪಿಸಬಹುದು. ಬಾಲ್ ಫೋಕಸ್​​ನಿಂದಾಗಿ ಏಕಾಗ್ರತೆ ಸಿಗುತ್ತೆ. ಇದು ಆನ್​​​ಫಿಲ್ಡ್​​ನಲ್ಲಿ ಬ್ಯಾಟಿಂಗ್ ರಿಯಾಕ್ಷನ್ ಟೈಮ್​ ಜೊತೆಗೆ ಸ್ಕಿಲ್ಸ್​ನ ಇಂಪ್ರೂಮೆಂಟ್​​ಗೆ ಕಾರಣವಾಗುತ್ತೆ. ಅಷ್ಟೇ ಅಲ್ಲ.! ಉತ್ತಮ ಪ್ರದರ್ಶನ ಹೊರಗಾಕುತ್ತೆ.

ಅಭಿಷೇಕ್​​ಗಿಂತ ಕೊಂಚ ಡಿಫರೆಂಟ್ ರಿಂಕು ಸಿಂಗ್!

ಅಭಿಷೇಕ್ ಶರ್ಮಾ ಎರಡು ಕೈಗಳಿಂದ ಬ್ಯಾಟ್​, ಬಾಲ್ ಡ್ರಿಲ್ ಮಾಡಿದರೂ ಆದ್ರೆ, ರಿಂಕು ಸಿಂಗ್ ಆಗಲ್ಲ. ಒನ್ ಹ್ಯಾಂಡ್​​ನಲ್ಲಿ ಬಾಲ್​, ಬ್ಯಾಟ್ ಡ್ರಿಲ್​​​​​​ ಮಾಡ್ತಾರೆ. ಇದಕ್ಕೆ ಕಾರಣ ಬ್ಯಾಟಿಂಗ್ ಟೈಮಿಂಗ್​​, ಬಾಲ್​ ಮಿಡ್ಲ ಸ್ಕಿಲ್ಸ್​ ಇಂಪ್ರುಮೆಂಟ್​​ಗಾಗಿಯೇ ಆಗಿದೆ.

ಪ್ರಷರ್ ಟೈಮ್​ನಲ್ಲಿ ಬ್ಯಾಟಿಂಗ್ ಇಳಿಯುವ ರಿಂಕು ಸಿಂಗ್​​, ಮೊದಲ ಬಾಲ್​ನಿಂದಲೇ ಬಾಲ್​​ನ ಬೌಂಡರಿ ಗೆರೆದಾಟಿಸಬೇಕಿರುತ್ತೆ. ಇದು ಸಾಧ್ಯವಾಗಬೇಕಾದ್ರೆ, ಬಾಲ್ ಟೈಮಿಂಗ್ ಮೋಸ್ಟ್ ಇಂಪಾರ್ಟೆಂಟ್​. ಈ ವಿಧಾನವೇ ರಿಂಕು, ಕೊನೆ ಓವರ್​ನಲ್ಲಿ 5 ಸಿಕ್ಸರ್​ ಬಾರಿಸಿ ಗೆಲುವಿನ ದಡ ಸೇರಿಸಿದ ಹಿಂದಿನ ಸೀಕ್ರೆಟ್.

ಇದನ್ನೂ ಓದಿ:ಟೀಮ್ ಇಂಡಿಯಾ ಜೊತೆ ರೂಟ್ ಸೆಂಚುರಿ; ಕ್ರಿಕೆಟ್​ ದೇವರ ರೆಕಾರ್ಡ್ ಬ್ರೇಕ್.. ಎಷ್ಟು ಶತಕ ಸಿಡಿಸಿದರು?

ಮಿಥಾಲಿ ರಾಜ್​​​​ಗೆ ಪುಸ್ತಕ ಓದುವ ಹವ್ಯಾಸ..!

ಸಾಯಿ ಸುದರ್ಶನ್​, ಅಭಿಷೇಕ್ ಶರ್ಮಾ, ರಿಂಕು ಸಿಂಗ್ ಹವ್ಯಾಸವೇ ಒಂದಾದ್ರೆ, ಲೇಡಿ ಸಚಿನ್ ಮಿಥಾಲಿ ರಾಜ್ ಹವ್ಯಾಸವೇ ಮತ್ತೊಂದು ಅದೇ ಪುಸ್ತಕ ಓದುವುದು. ಕ್ರಿಕೆಟರ್​​ಗಳು ಪ್ರೀ ಟೈಮ್​ನಲ್ಲಿ ಪುಸ್ತಕ ಓದುವುದು ನಾವ್ ಕೇಳಿರ್ತೀವಿ. ಆದ್ರೆ, ಮಿಥಾಲಿ ರಾಜ್, ಬ್ಯಾಟಿಂಗ್​ಗೂ ಮುನ್ನ ಪುಸ್ತಕ ಓದುತ್ತಾರೆ. ಇದು ಬ್ಯಾಟಿಂಗ್​​ಗೆ ಹೋದಾಗ ಭಯ ಹುಟ್ಟಿಸಲ್ಲ ಅನ್ನೋದು ಮಿಥಾಲಿ ನಂಬಿಕೆ. ಈ ನಂಬಿಕೆಯೇ ಮಿಥಾಲಿ ರಾಜ್​​​, ಯಶಸ್ಸಿನ ಸೀಕ್ರೆಟ್.

ಯಶಸ್ಸು ಅಂದುಕೊಂಡಷ್ಟು ಸುಲಭವಲ್ಲ. ಆದ್ರೆ, ಡೆಡಿಕೆಷನ್, ಕಮಿಟ್ಮೆಂಟ್​​ ಜೊತೆಗೆ ಏಕಾಗ್ರತೆಯೂ ಇದ್ದಲ್ಲಿ, ಸಕ್ಸಸ್​ ಕಾಣಬಹುದು ಅನ್ನೋದಕ್ಕೆ ಇವ್ರೇ ಸಾಕ್ಷಿ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ