ಸಿಕ್ಸರ್​ ಮೂಲಕವೇ ಡೀಲ್ ಮಾಡಿದ ಅಯ್ಯರ್, ರಿಂಕು ಸಿಂಗ್.. SRH ಪಡೆಯನ್ನು ಖೆಡ್ಡಾಗೆ ಬೀಳಿಸಿದ್ದು ಹೇಗೆ..?

ನಿನ್ನೆ ಕೊಲ್ಕತ್ತಾ ನೈಟ್​​ ರೈಡರ್ಸ್​​ ತಂಡ ಬೊಂಬಾಟ್​ ಆಟವಾಡಿತು. ಬ್ಯಾಟಿಂಗ್​, ಬೌಲಿಂಗ್​ನಲ್ಲಿ ಸಾಲಿಡ್​​ ಪರ್ಫಾಮೆನ್ಸ್​​ ನೀಡಿದ ಕೆಕೆಆರ್​​, ಸನ್​ರೈಸರ್ಸ್​ ಹೈದ್ರಾಬಾದ್​ಗೆ ಸೋಲಿನ ಶಾಕ್​ ನೀಡ್ತು. ಹೈದ್ರಾಬಾದ್​ ಪಡೆಯ ಸ್ಫೋಟಕ ಬ್ಯಾಟ್ಸ್​ಮನ್​ಗಳ ಕೆಕೆಆರ್​ ಬೌಲರ್ಸ್​ ಖೆಡ್ಡಾಗೆ ಕೆಡವಿದ್ದು ಹೇಗೆ?

ಹೋಮ್​ಗ್ರೌಂಡ್​​ ಈಡನ್​​ ಗಾರ್ಡನ್​​​ನಲ್ಲಿ ಮೊದಲು ಬ್ಯಾಟಿಂಗ್​ಗಿಳಿದ ಕೊಲ್ಕತ್ತಾ ನೈಟ್​ ರೈಡರ್ಸ್​ ಮೇಲೆ ಸನ್​ರೈಸರ್ಸ್​ ಹೈದ್ರಾಬಾದ್​ ಬೌಲರ್ಸ್​ ರೈಡ್​ ಮಾಡಿದ್ರು. ಕೆಕೆಆರ್​​ ಓಪನರ್ಸ್​ಗೆ ಸೆಟಲ್​ ಆಗೋಕೆ ಬಿಡಲಿಲ್ಲ. ಕ್ವಿಂಟನ್​ ಡಿಕಾಕ್​, ಸುನೀಲ್​ ನರೇನ್​​​ ಸೈಲೆಂಟಾಗಿ ಪೆವಿಲಿಯನ್​ ಸೇರಿದ್ರು.

ಇದನ್ನೂ ಓದಿ: ವಿರಾಟ್ ಕೊಹ್ಲಿ ಬೆರಳಿಗೆ ಗಾಯ.. ಅಭಿಮಾನಿಗಳ ಆತಂಕಕ್ಕೆ RCB ಕೋಚ್ ಉತ್ತರ..!

ಕ್ಯಾಪ್ಟನ್​ ಅಂಜಿಕ್ಯಾ ರಹಾನೆ-ಅಂಗ್​​ಕ್ರಿಶ್​ ರಘುವಂಶಿ ಎಚ್ಚರಿಕೆಯ ಆಟದ ಮೊರೆ ಹೋದ್ರು. 4 ಸಿಕ್ಸರ್​ಗಳನ್ನ ಸಿಡಿಸಿದ ರಹಾನೆ ತಂಡಕ್ಕೆ ಚೇತರಿಕೆ ನೀಡಿದ್ರು. ಅಂಗ್​​ಕ್ರಿಶ್​​ ರಹಾನೆಗೆ ಸಾಥ್​ ನೀಡಿದ್ರು. 81 ಜೊತೆಯಾಟವಾಡಿದ ಈ ಜೋಡಿ ಆಘಾತ ಕಂಡಿದ್ದ ತಂಡಕ್ಕೆ ಚೇತರಿಕೆ ನೀಡಿದ್ರು.

ರಹಾನೆ 38 ರನ್​ಗಳಿಸಿ ಔಟಾದ್ರೆ ಅಂಗ್​ಕ್ರಿಶ್​ ಅರ್ಧಶತಕ ಪೂರೈಸಿ ಪೆವಿಲಿಯನ್​ ಸೇರಿದ್ರು, ಆ ಬಳಿಕ ಕ್ರಿಸ್​ನಲ್ಲಿ ಜೊತೆಯಾದ ವೆಂಕಟೇಶ್​ ಅಯ್ಯರ್​, ರಿಂಕು ಸಿಂಗ್​ ಸ್ಪೋಟಕ ಆಟವಾಡಿದ್ರು. ಬೌಂಡರಿ-ಸಿಕ್ಸರ್​ಗಳಲ್ಲೇ ರನ್​ ಡೀಲ್​ ಮಾಡಿದ್ರು. ಹೈದ್ರಾಬಾದ್​ ಬೌಲರ್​ಗಳನ್ನ ನಿರ್ಧಯವಾಗಿ ದಂಡಿಸಿ ಆರ್ಭಟಿಸಿದ್ರು. ವೆಂಕಟೇಶ್​​ ಅಯ್ಯರ್​​ 25 ಎಸೆತಗಳಲ್ಲೇ ಹಾಫ್​ ಸೆಂಚುರಿ ಸಿಡಿಸಿದರು.

7 ಬೌಂಡರಿ, 3 ಸಿಕ್ಸರ್​​ ಸಹಿತ 60 ರನ್​ಗಳಿಸಿ ವೆಂಕಟೇಶ್​ ಅಯ್ಯರ್​ ಔಟಾದ್ರು. 17 ಎಸೆತಗಳಲ್ಲಿ 4 ಬೌಂಡರಿ, 1 ಸಿಕ್ಸರ್​​ ನೆರವಿನಿಂದ 32 ರನ್​ಗಳಿಸಿದ ರಿಂಕು ಸಿಂಗ್​​ ಅಜೇಯರಾಗುಳಿದ್ರು. ಅಂತಿಮ ಹಂತದಲ್ಲಿ ಇವರಿಬ್ಬರು ಆಡಿದ ಸ್ಫೋಟಕ ಆಟದ ನೆರವಿನಿಂದ ಕೆಕೆಆರ್​​ 6 ವಿಕೆಟ್​​ ನಷ್ಟಕ್ಕೆ 200 ರನ್​ಗಳ ಬಿಗ್​ಸ್ಕೋರ್​ ಕಲೆ ಹಾಕಿತು.

ಇದನ್ನೂ ಓದಿ: ಅಬ್​ ಕಿ ಬಾರ್ 300 ಎಂದ ತಂಡಕ್ಕೆ ಹ್ಯಾಟ್ರಿಕ್ ಸೋಲು.. IPL ಇತಿಹಾಸದಲ್ಲಿ ಕೆಟ್ಟ ದಾಖಲೆ..!

201 ರನ್​ಗಳ ಟಾರ್ಗೆಟ್​ ಚೇಸ್​ ಮಾಡಿದ ಹೈದ್ರಾಬಾದ್​ ಪಡೆ ಕೆಕೆಆರ್​ನ ಬೆಂಕಿ ಬೌಲಿಂಗ್​ಗೆ ನಲುಗಿತು. ಸನ್​ರೈಸರ್ಸ್​​ ಹೈದ್ರಾಬಾದ್​ ಪಡೆಯ ಬ್ಯಾಟ್ಸ್​ಮನ್​ಗಳೆಲ್ಲಾ ಸೈಲೆಂಟಾದ್ರು. ವೈಭವ್​ ಅರೋರಾ, ಹರ್ಷಿತ್​ ರಾಣಾ ಪವರ್​ಫುಲ್​ ಸ್ಪೆಲ್​ ಹಾಕಿದ್ರು. ಟ್ರಾವಿಸ್​ ಹೆಡ್​, ಅಭಿಷೇಕ್​ ಶರ್ಮಾ, ಇಶಾನ್​ ಕಿಶನ್​ ಸಿಂಗಲ್​ ಡಿಜಿಟ್​ ಗಡಿಯನ್ನೂ ದಾಟಲಿಲ್ಲ.

ಎಚ್ಚರಿಕೆಯ ಆಟವಾಡ್ತಿದ್ದ ನಿತೀಶ್​ ಕುಮಾರ್​ ರೆಡ್ಡಿ, ಕಮಿಂಡು ಮೆಂಡೀಸ್​ ಆಟಕ್ಕೆ ಕೆರಬಿಯನ್​​ ಕಲಿಗಳು ಬ್ರೇಕ್​ ಹಾಕಿದ್ರು. ರಸೆಲ್​ ನಿತೀಶ್​ ರೆಡ್ಡಿ ವಿಕೆಟ್​ ಕಬಳಿಸಿದ್ರೆ, ಮೆಂಡೀಸ್​​ ನರೇನ್​​ ಮೋಡಿಗೆ ಬಲಿಯಾದ್ರು. ಅನಿಕೇತ್​ ವರ್ಮಾ ಹೀಗೆ ಬಂದು ಹಾಗೆ ಹೋದ್ರು. ಕ್ರಿಸ್​ ಕಚ್ಚಿ ನಿಂತು ಹೋರಾಟ ನಡೆಸಿದ ಹೆನ್ರಿಚ್​ ಕ್ಲಾಸೆನ್​ ಆಟವೂ 33 ರನ್​ಗಳಿಗೆ ಅಂತ್ಯವಾಯ್ತು.

ನಾಯಕ ಪ್ಯಾಟ್​ ಕಮಿನ್ಸ್​, ಸಿಮರ್​ಜೀತ್​ ಸಿಂಗ್​​​ ವರುಣ್​ ಚಕ್ರವರ್ತಿಯ ಸ್ಪಿನ್​ ಖೆಡ್ಡಾಗೆ ಬಿದ್ರು. ಹರ್ಷಲ್​ ಪಟೇಲ್ ಆ್ಯಂಡ್ರೆ ರಸೆಲ್​ಗೆ ಬಲಿಯಾದ್ರು. ಇದ್ರೊಂದಿಗೆ ಹೈದ್ರಾಬಾದ್​ ಆಲೌಟ್​ ಆಯ್ತು. ಕೇವಲ 120 ರನ್​ಗಳಿಗೆ ಆಲೌಟ್​ ಆದ ಸನ್​ರೈಸರ್ಸ್​ ಹೈದ್ರಾಬಾದ್​ ಹೀನಾಯ ಸೋಲಿಗೆ ಶರಣಾಯ್ತು. 80 ರನ್​ಗಳ ಅಂತರದ ಭರ್ಜರಿ ಜಯ ಸಾಧಿಸಿದ ಕೆಕೆಆರ್​​ ಪಾಯಿಂಟ್ಸ್​ ಟೇಬಲ್​ನಲ್ಲಿ 5ನೇ ಸ್ಥಾನಕ್ಕೇರಿದ್ರೆ, ಸನ್​​ರೈಸರ್ಸ್​ ಕೊನೆ ಸ್ಥಾನಕ್ಕೆ ಕುಸಿಯಿತು.

ಇದನ್ನೂ ಓದಿ: ಸುದೀಪ್‌, ಜಗ್ಗೇಶ್ ಜೊತೆ ಕಿರಿಕ್‌.. ಸ್ಯಾಂಡಲ್​ವುಡ್ ನಿರ್ಮಾಪಕ M.N ಕುಮಾರ್ ಬಂಧನ; ಏನಿದು ಕೇಸ್‌?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ