ಬೆರಳು ಮುರಿದಿದೆ, 6 ವಾರ ಆಡಂಗಿಲ್ಲ ಅಂದರೂ ಪಂತ್ ಸುಮ್ಮನಿರಲಿಲ್ಲ.. ಆ ಮೊದಲ ಎರಡು ದಿನ..!

ಮ್ಯಾಂಚೆಸ್ಟರ್​​ ಟೆಸ್ಟ್​ನಲ್ಲಿ ಟೀಮ್​ ಇಂಡಿಯಾ ಗೆಲ್ಲುತ್ತೋ? ಇಲ್ವೋ? ಗೊತ್ತಿಲ್ಲ. ಆದ್ರೆ ಟೀಮ್​​ ಇಂಡಿಯಾದ ವಿಕೆಟ್​ ಕೀಪರ್​ ರಿಷಭ್​ ಪಂತ್​, ಕ್ರಿಕೆಟ್​ ಲೋಕವನ್ನ ಗೆದ್ದಿದ್ದಾರೆ. ಫೈಟರ್​​ ಪಂತ್​ ಪರಾಕ್ರಮಕ್ಕೆ ಕ್ರಿಕೆಟ್​ ಜಗತ್ತು ಶಾಕ್​ ಆಗಿದೆ. ಫ್ಯಾನ್ಸ್​, ಲೆಜೆಂಡ್ಸ್​​ ಎಲ್ಲರೂ ರಿಯಲ್​ ಫೈಟರ್​ ಎಂದು ಫೆಂಟಾಸ್ಟಿಕ್​ ಪಂತ್​ನ ಕೊಂಡಾಡ್ತಿದ್ದಾರೆ.

ಉತ್ತರಾಖಾಂಡದ ರೂರ್ಕಿ ಬಳಿ ನಡೆದ ರಣ ಭೀಕರ ಅಪಘಾತವದು. ಟೀಮ್​ ಇಂಡಿಯಾ ಡೇರ್​​ ಡೆವಿಲ್​ ಬ್ಯಾಟರ್​​ ರಿಷಭ್​ ಪಂತ್​ ಭೀಕರ ಅಪಘಾತಕ್ಕೆ ತುತ್ತಾಗಿದ್ರು. ಬೆಂಜ್​ ಕಾರು ಧಗಧಗನೇ ಹೊತ್ತಿ ಉರಿದಿತ್ತು. ಆ ದೃಶ್ಯವನ್ನ ನೋಡಿದ ಎಲ್ಲರೂ ಹೇಳಿದ್ದು 2 ಮಾತುಗಳನ್ನ. ಒಂದು ಪಂತ್​ ಬದುಕುಳಿದಿದ್ದೇ ಪವಾಡ ಅನ್ನೋದು. ಇನ್ನೊಂದು ಪಂತ್​ ಕಥೆ ಮುಗೀತು ಅನ್ನೋದು. ಆದ್ರೆ ಸಾವನ್ನೇ ಗೆದ್ದು ಬಂದ ಪಂತ್ ನಿರೀಕ್ಷೆಯೂ ಮಾಡದ ರೀತಿಯಲ್ಲಿ ಕ್ರಿಕೆಟ್​ ಫೀಲ್ಡ್​​ಗೆ ಕಮ್​​ಬ್ಯಾಕ್​ ಮಾಡಿದ್ರು. ನಿನ್ನೆ ಮ್ಯಾಂಚೆಸ್ಟರ್​​ನ ಓಲ್ಡ್​ ಟ್ರಾಪರ್ಡ್​​ನಲ್ಲಿ ನಡೆದ ಘಟನೆ ಪಂತ್​ ಎಂತಹ ಹೋರಾಟಗಾರ ಅನ್ನೋದನ್ನು ಮತ್ತೊಮ್ಮೆ ಕ್ರಿಕೆಟ್​ ಜಗತ್ತಿಗೆ ತಿಳಿಸಿದೆ.

ಇದನ್ನೂ ಓದಿ: ಚಿಕ್ಕಮಗಳೂರಲ್ಲಿ ಮಳೆಯಿಂದಾಗಿ ನದಿಗೆ ಪಲ್ಟಿಯಾದ ವಾಹನ.. ರಾಜ್ಯದಲ್ಲಿ ಮಳೆಯಿಂದ ಏನೆಲ್ಲ ಆಗಿದೆ..?

ಮೊದಲ ದಿನ: ನೋವಲ್ಲಿ ನರಳಾಟ, ಮೈದಾನದಿಂದ ಆಸ್ಪತ್ರೆಗೆ

ಮ್ಯಾಂಚೆಸ್ಟರ್​​ ಟೆಸ್ಟ್​ನ ಮೊದಲ ದಿನದಾಟದ ಅಂತ್ಯದ ಹೊತ್ತಲ್ಲಿ ದುರ್ಘಟನೆ ನಡೆದು ಬಿಡ್ತು. ಕ್ರಿಸ್​ವೋಕ್ಸ್​​ ಬೌಲಿಂಗ್​ನಲ್ಲಿ ರಿಷಭ್​ ಪಂತ್​ ಭಾರೀ ಇಂಜುರಿಗೆ ತುತ್ತಾದ್ರು. ಬಾಲ್​ ಪಾದಕ್ಕೆ ರಭಸಕ್ಕೆ ರಕ್ತ ಚಿಮ್ಮಿತು. ಓಡೋದು, ನಡೆಯೋದು ಬಿಡಿ. ಕನಿಷ್ಟ ಕಾಲನ್ನೂರಿ ನಿಲ್ಲಲಾಗದಷ್ಟು ನೋವಲ್ಲಿ ಪಂತ್​ ಒದ್ದಾಡಿದ್ರು. ಗಾಲ್ಫ್​ ಕಾರ್ಟ್​​​ನಲ್ಲಿ ಮೈದಾನ ತೊರೆದ ಪಂತ್​, ಆಂಬುಲೆನ್ಸ್​ ಹತ್ತಿ ನೇರವಾಗಿ ಆಸ್ಪತ್ರೆಗೆ ಹೋದ್ರು.

2ನೇ ದಿನ: ಸಹಿಸಲಸಾಧ್ಯ ನೋವಲ್ಲೂ ಬ್ಯಾಟಿಂಗ್​ಗೆ ಬಂದ ಪಂತ್

ಆ​ ಇಂಜುರಿಯೇ ಪ್ರಮಾಣವೇ ಪಂತ್​ ಸರಣಿಯಿಂದ ಔಟ್​ ಅನ್ನೋದನ್ನ ಸಾರಿ ಸಾರಿ ಹೇಳಿತ್ತು. ಬಿಸಿಸಿಐ ಕೂಡ 6 ವಾರ ಪಂತ್​ ಕ್ರಿಕೆಟ್​ನಿಂದ ಔಟ್​ ಅನ್ನೋದನ್ನ ಕನ್​ಫರ್ಮ್​ ಮಾಡ್ತು. ಶಾರ್ದೂಲ್​ ಠಾಕೂರ್​ ಔಟಾದ ಬಳಿಕ ಎಲ್ಲರಿಗೂ ಅಚ್ಚರಿ ಕಾದಿತ್ತು. ಬ್ಯಾಟ್​ ಹಿಡಿದು ಮೈದಾನಕ್ಕಿಳಿದಿದ್ದು ರಿಷಭ್​ ಪಂತ್​.

ಇದನ್ನೂ ಓದಿ: WWE ದಿಗ್ಗಜ ಹಲ್ಕ್ ಹೋಗಾನ್ ಇನ್ನಿಲ್ಲ.. ಹಠಾತ್ ನಿಧನಕ್ಕೆ ಆಗಿದ್ದೇನು..?

ಕಾಲ್ಬೆರಳು ಮುರಿದಿದೆ. ಅಸಾಧ್ಯ ನೋವಿದೆ. ಡಾಕ್ಟರ್​​ ನೀವು 6 ವಾರ ಕ್ರಿಕೆಟ್​ ಆಡೋಕೆ ಆಗಲ್ಲ ಎಂದಿದ್ದಾರೆ. ತಂಡಕ್ಕಾಗಿ ಹೋರಾಡಲು ಪಂತ್​ ಮೈದಾನಕ್ಕಿಳಿದೇ ಬಿಟ್ರು. ಛಲದಂಕಮಲ್ಲ ಪಂತ್​ ಧೈರ್ಯ, ಕಮಿಟ್​ಮೆಂಟ್​ಗೆ ಕಂಡು ಇಂಗ್ಲೆಂಡ್​ ಫ್ಯಾನ್ಸ್​ ಕೂಡ ಪುಳಕಿರಾದ್ರು.

ತಂಡಕ್ಕಾಗಿ ಹೋರಾಟ, ಅರ್ಧಶತಕ ಸಿಡಿಸಿ ಸಂಭ್ರಮ.!

37 ರನ್​ಗಳೊಂದಿಗೆ 2ನೇ ದಿನದಾಟದಲ್ಲಿ ಬ್ಯಾಟಿಂಗ್​ ಮುಂದುವರೆಸಿದ ಪಂತ್​, ಸಹಿಸಲಾಗದ ನೋವಿನ ನಡುವೆಯೂ ಇಂಗ್ಲೆಂಡ್​​ಗೆ ಬೌಲರ್​​ಗಳಿಗೆ ಕೌಂಟರ್​ ಕೊಟ್ರು. ಜೋಫ್ರಾ ಆರ್ಚರ್​​, ಕ್ರಿಸ್ ವೋಕ್ಸ್​​, ಬೆನ್​ ಸ್ಟೋಕ್ಸ್​ ಪಂತ್​ ಧೈರ್ಯಕ್ಕೆ ಶಾಕ್​ ಆದ್ರು. ಕೆಚ್ಚೆದೆಯ ಹೋರಾಟ ನಡೆಸಿದ ಪಂತ್​ ಹಾಫ್​ ಸೆಂಚುರಿ ಸಿಡಿಸಿ ಸಂಭ್ರಮಿಸಿದ್ರು. ಈ ಹಾಫ್​ ಸೆಂಚುರಿ ನೂರು ಶತಕಕ್ಕೆ ಸಮ.

ಇದನ್ನೂ ಓದಿ: ತ್ರಿವಿಕ್ರಮ್​ ಫ್ಯಾನ್ಸ್​ಗೆ ಗುಡ್​ನ್ಯೂಸ್​.. ಒಂದೇ ಫ್ರೇಮ್​ನಲ್ಲಿ ಬಿಗ್​ಬಾಸ್​ ದೋಸ್ತರು; ವಿಶೇಷ ಏನು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ