ಎಲ್ಲ ಕ್ರಿಕೆಟರ್​​ಗಳಂತೆ ರಿಷಭ್ ಪಂತ್​​ಗೆ ಇರೋ ನಿಕ್ ನೇಮ್​ ಯಾವುದು.. ಈ ವಿಕೆಟ್​ ಕೀಪರ್​ಗೆ ಏನಂತಾರೆ?

ಪ್ರತಿ ಕ್ರಿಕೆಟರ್​​​​ಗೂ ಒಂದು ನಿಕ್ ನೇಮ್ ಇರುತ್ತೆ. ಸಚಿನ್ ತೆಂಡುಲ್ಕರ್​​ರಿಂದ ಹಿಡಿದು ಈಗಿನ ಶುಭ್​ಮನ್ ಗಿಲ್ ತನಕ ಒಂದಿಲ್ಲೊಂದು ಅಡ್ಡ ಹೆಸರು ಇದ್ದೇ ಇರುತ್ತೆ. ಇದೇ ರೀತಿ ರಿಷಭ್ ಪಂತ್​ಗೂ ಒಂದು ಸ್ಪೆಷಲ್​​ ಅಡ್ಡ ಹೆಸರಿದೆ. ಅದೇನು?. ಅಸಲಿಗೆ ಆ ಅಡ್ಡ ಹೆಸರು ಬಂದಿದ್ದೇಗೆ?.

ಸಚಿನ್ ತೆಂಡುಲ್ಕರ್, ಮಾಸ್ಟರ್​ ಬ್ಲಾಸ್ಟರ್​, ಗಾಡ್ ಆಫ್ ಕ್ರಿಕೆಟ್. ರಾಹುಲ್ ದ್ರಾವಿಡ್, ದಿ ವಾಲ್. ಮಹೇಂದ್ರ ಸಿಂಗ್ ಧೋನಿ ಕ್ಯಾಪ್ಟನ್ ಕೂಲ್. ವಿರಾಟ್ ಕೊಹ್ಲಿ ಕಿಂಗ್ ಕೊಹ್ಲಿ. ರೋಹಿತ್ ಶರ್ಮಾ ಹಿಟ್​ಮ್ಯಾನ್, ಶಿಖರ್ ಧವನ್ ಗಬ್ಬರ್​. ಶುಭ್​ಮನ್ ಗಿಲ್ ದಿ ಪ್ರಿನ್ಸ್​. ಇದು ಟೀಮ್ ಇಂಡಿಯಾ ಆಟಗಾರರ ನಿಕ್​ ನೇಮ್ಸ್​. ಈ ನಿಕ್ ನೇಮ್ಸ್ ಹಿಂದೆ ಒಂದು ಕಥೆ ಇರುತ್ತೆ. ಆಟಗಾರರ ಬ್ಯಾಟಿಂಗ್ ಸ್ಟೈಲ್​, ಬೌಲಿಂಗ್ ಸ್ಟೈಲ್​, ಪರ್ಸನಾಲಿಟಿ ಅನುಗುಣವಾಗಿ ಈ ನಿಕ್ ನೇಮ್ಸ್ ಬರುತ್ತೆ. ಅದೇ ರೀತಿ ಟೀಮ್ ಇಂಡಿಯಾದ ಸೂಪರ್​ ಸ್ಟಾರ್​ ರಿಷಭ್​ ಪಂತ್​ಗೂ ಒಂದು ಅಡ್ಡ ಹೆಸರಿದೆ. ಆ ಹೆಸರೇ ಸ್ಪೈಡರ್.

ರಿಷಭ್​​ ಪಂತ್​ ಅಲ್ಲ..! ‘ಸ್ಪೈಡರ್ ಪಂತ್’..!

ರಿಷಭ್ ಪಂತ್ ಟೀಮ್ ಇಂಡಿಯಾದ ಸೂಪರ್ ಸ್ಟಾರ್​, ರೋರಿಂಗ್ ಸ್ಟಾರ್. ವಿಭಿನ್ನ ಶಾಟ್ಸ್​ಗಳು. ಮ್ಯಾಚ್ ವಿನ್ನಿಂಗ್ ನಾಕ್ಸ್​ಗಳು, ವಿಸ್ಪೋಟಕ ಬ್ಯಾಟಿಂಗ್​ಗೆ ಹೆಸರುವಾಸಿಯಾಗಿರುವ ಪಂತ್​​ನ ಅಭಿಮಾನಿಗಳು ಪಾಲಿಗೆ ಫೈರಿ ಪಂತ್​ ಅಂತಾನೇ ಕರೀತಾರೆ. ಇನ್ನು ಕೆಲವರು ಡೇರ್​ ಡೆವಿಲ್​ ಪಂತ್​ ಅಂತಾರೆ. ಇವೆಲ್ಲವೂ ಈಗ ಬಂದಿರೋ ಹೆಸರುಗಳು. ಆದ್ರೆ, ರಿಷಭ್ ಪಂತ್​ರ ಮೊದಲ ನಿಕ್​ ನೇಮ್ ಸ್ಪೆಡರ್ ಪಂತ್.

ವಿಕೆಟ್ ಕೀಪಿಂಗ್ ಗ್ಲೌಸ್, ಬ್ಯಾಟ್​ ಮೇಲೆ ‘ಸ್ಪೈಡರ್’..!

ನೀವ್​​​​​​​​​​ ವಿಕೆಟ್ ಕೀಪರ್ ರಿಷಭ್ ಪಂತ್, ಗ್ಲೌಸ್​ ನೋಡಿದ್ರೆ. ಖಂಡಿತ, ವಿಕೆಟ್ ಕೀಪಿಂಗ್​ ಗ್ಲೌಸ್ ಮೇಲೆ ಸ್ಪೈಡರ್​ ಚಿತ್ರ ಕಾಣುತ್ತೆ. ರಿಷಭ್, ಬಳಸುವ ಬ್ಯಾಟ್ ಮೇಲೆಯೂ ಸ್ಪೈಡರ್ ಹೆಸರು ಇರುತ್ತೆ. ಇಂಟ್ರೆಸ್ಟಿಂಗ್ ಅಂದ್ರೆ, ಪಂತ್ ರಾಯಭಾರಿಯಾಗಿರುವ ಎಸ್​​ಜಿ ಬ್ಯಾಟ್​​ ಕಂಪನಿ, RP ಸ್ಪೈಡರ್ ಅಂತನೇ ಸ್ಪೆಷಲ್ ಅಡಿಷನ್​​ನ​ ಬ್ಯಾಟ್​ ಅನ್ನೇ ಮಾರುಕಟ್ಟೆಗೆ ಬಿಟ್ಟಿದೆ.

‘ಸ್ಪೈಡಿ’ ಎಂದೇ ನಂಬರ್​ ಸೇವ್ ಮಾಡಿದ್ದಾರೆ ಶುಭ್​ಮನ್..!

ಟೀಮ್​ ಇಂಡಿಯಾದ ಟೆಸ್ಟ್ ಕ್ಯಾಪ್ಟನ್ ಶುಭ್​ಮನ್ ಗಿಲ್ ಸಹ ರಿಷಭ್ ಪಂತ್​ನ ಪ್ರೀತಿಯಿಂದ ಕರಿಯುವುದು ಸ್ಪೈಡಿ ಅಂತಾಲೇ. ತಮ್ಮ ಮೊಬೈಲ್​ನಲ್ಲೂ ಅಷ್ಟೇ, ಪಂತ್ ಹೆಸರನ್ನ ಸ್ಪೈಡಿ ಅಂತಾನೇ ಸೇವ್ ಮಾಡಿಕೊಂಡಿದ್ದಾರೆ. ಸದ್ಯ ತಂಡದಲ್ಲಿರುವ ಸಹ ಆಟಗಾರರಿಗೂ ಪಂತ್, ಸ್ಪೈಡಿಯೇ ಆಗಿದ್ದಾರೆ. ರಿಷಭ್ ಪಂತ್​ ಫ್ರೆಂಡ್ಸ್​ ಸರ್ಕಲ್ ಕೂಡ ಇದೇ ಹೆಸರಿನಿಂದಲೇ ಕರೀತಾರೆ.

‘ಸ್ಪೈಡರ್ ಪಂತ್’ ಹೆಸರು ನಾಮಕರಣ ಮಾಡಿದ್ದೇ ಐಸಿಸಿ!

ಅಂದ್ಹಾಗೆ ಪಂತ್​ಗೆ ಸ್ಪೈಡರ್ ಪಂತ್ ಎಂದು ನಾಮಕರಣ ಮಾಡಿದ್ದು ಐಸಿಸಿ. ಅರೇ ಐಸಿಸಿ, ಯಾಕೆ ಸ್ಪೈಡರ್ ಪಂತ್ ಎಂದು ಕರೀತು ಎಂಬ ಡೌಟ್​ ನಿಮ್ಮಲ್ಲಿ ಮೂಡಿರಬಹುದು. 2021ರ ಆಸ್ಟ್ರೇಲಿಯಾ ಟೂರ್ ಇದಕ್ಕೆ ಉತ್ತರ ಕೊಡ್ತಿದೆ. ಈ ಪ್ರವಾಸದ ಗಾಬಾ​ ಟೆಸ್ಟ್​ನಲ್ಲಿ ಪಂತ್, ಆಸ್ಟ್ರೇಲಿಯಾ ನಾಯಕ ಟಿಮ್​ ಪೈನ್​​ನ ಸ್ಪೈಡರ್ ಮ್ಯಾನ್, ಸ್ಪೈಡರ್ ಮ್ಯಾನ್ ಎಂದು ಹಾಡು ಹಾಡಿ ಕಾಲು ಎಳೆದಿದ್ದರು.

ಇದನ್ನೂ ಓದಿ: ಶಿವಣ್ಣ ಬರ್ತ್​ಡೇಗೆ ಗುಡ್​ನ್ಯೂಸ್​.. ಶಿವರಾಜ್​ ಕುಮಾರ್​ಗೆ ಮತ್ತೆ ದುನಿಯಾ ಸೂರಿ ಡೈರೆಕ್ಷನ್​

ವಿಕೆಟ್ ಹಿಂದೆಯೂ ಸ್ಪೈಡರ್ ಮ್ಯಾನ್​ನಂತೆಯೇ ಪಂತ್​​ ಕ್ಯಾಚ್​ ಹೀಡಿತಾ ಇದ್ರು. ಸಿಕ್ಸ್​ ಹಿಟ್ಟಿಂಗ್​ ಸ್ಟೈಲ್​ ಕೂಡ ಸ್ಪೈಡರ್ ಮ್ಯಾನ್​ರನ್ನೇ ಹೋಲುತ್ತೆ. ಇದೇ ಕಾರಣಕ್ಕೆ ಐಸಿಸಿ ಸ್ಪೈಡರ್ ಪಂತ್ ಎಂದು ಕರೆದು ಟ್ವೀಟ್ ಮಾಡಿತ್ತು. ಈ ಬೆನ್ನಲ್ಲೇ ಸಹ ಆಟಗಾರ ವಾಷಿಂಗ್ಟನ್​ ಸುಂದರ್, ರಿಷಭ್ ಪಂತ್​ರ ಸೂಪರ್ ಮ್ಯಾನ್ ವಾಕ್​ ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದರು.

ಅವತ್ತಿನಿಂದ ಸ್ಪೈಡರ್ ಪಂತ್ ಆಗಿಬಿಟ್ರು. ಮೀಮ್ಸ್, ಕಾರ್ಟೂನ್ಸ್​ನಲ್ಲಿ ಪಂತ್, ಸ್ಪೈಡರ್ ಪಂತ್ ಆಗಿ ಕಾಣಿಸಿಕೊಂಡರು. ಐಪಿಎಲ್​​​ನಲ್ಲಿ ಫ್ರಾಂಚೈಸಿಗಳು ಸಹ ಸ್ಪೈಡರ್ ಮ್ಯಾನ್ ಪಂತ್ ಆಗಿಯೇ ಪ್ರೀತಿಯಿಂದ ಕರೆದ್ವು. ಸ್ಪೈಡರ್ ಮ್ಯಾನ್, ಸೂಪರ್ ಮ್ಯಾನ್ ಇದ್ದಾರೋ ಇಲ್ವೋ. ಆದ್ರೆ, ಟೀಮ್ ಇಂಡಿಯಾ ಸಂಕಷ್ಟಕ್ಕೆ ಸಿಲುಕಿದಾಗ ಪರದೆ ಮೇಲೆ ರಕ್ಷಿಸುವ ಸೂಪರ್ ಮ್ಯಾನ್​ನಂತೆ. ಆನ್​ಫೀಲ್ಡ್​ನಲ್ಲಿ ಸ್ಪೈಡರ್ ಪಂತ್ ರಕ್ಷಿಸುವುದಂತು ಸುಳ್ಳಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ