IPLನಲ್ಲಿ ಅಟ್ಟರ್​​ಫ್ಲಾಪ್​​​.. ಮಹತ್ವದ ಟೂರ್ನಿಯಲ್ಲಿ ವೈಫಲ್ಯ ಅನುಭವಿಸಿದ್ರೆ ವಿಕೆಟ್​ ಕೀಪರ್​ಗೆ ಗೇಟ್​ ಪಾಸ್?​

ಪ್ರತಿಷ್ಠಿತ ಇಂಗ್ಲೆಂಡ್​​ ಟೆಸ್ಟ್​ ಸಿರೀಸ್​​​​​​​​​​​​​​​​​​​​​​​​​​​​​​​​​​​​​​​ ಆರಂಭಕ್ಕೆ ಕೆಲವೇ ಕೆಲ ದಿನಗಳು ಮಾತ್ರವೇ ಬಾಕಿಯಿದೆ. ಈ ಟೂರ್​​ ಟೀಮ್​ ಇಂಡಿಯಾದ ವಿಕೆಟ್​​ ಕೀಪರ್​ ರಿಷಭ್​ ಪಾಲಿಗೆ ಅಗ್ನಿಪರೀಕ್ಷೆಯ ಕಣವಾಗಿದೆ. ಉತ್ತಮ ಆಟವಾಡಿದ್ರೆ ಮಾತ್ರ ಉಳಿಗಾಲ. ಇಲ್ಲದಿದ್ರೆ ಪಂತ್​ ಭವಿಷ್ಯ ಅತಂತ್ರಕ್ಕೆ ಸಿಲುಕಲಿದೆ. ಟೀಮ್​ ಇಂಡಿಯಾ ಗೆಲುವಿಗೂ ಅಷ್ಟೇ, ಪಂತ್​ ಆಟವೇ ನಿರ್ಣಾಯಕ.

ಇಂಡೋ- ಇಂಗ್ಲೆಂಡ್​​​ ಟೆಸ್ಟ್​ ಸರಣಿಗೆ ಕೌಂಟ್​ಡೌನ್ ಶುರುವಾಗಿದೆ. ಮದಗಜಗಳ ನಡುವಿನ ಕಾಳಗ ಇದೇ ಜೂನ್​​ 20ರಿಂದ ಆರಂಭವಾಗಲಿದ್ದು, ಈ ಪ್ರತಿಷ್ಠೆಯ ಸರಣಿ ಯಾರ ವಶವಾಗುತ್ತೆ ಎಂಬ ಕ್ಯೂರಿಯಾಸಿಟಿ ವಿಶ್ವ ಕ್ರಿಕೆಟ್​​ನಲ್ಲಿ ಮನೆ ಮಾಡಿದೆ. ಈ ಪ್ರತಿಷ್ಠಿತ ಸರಣಿ ಟೀಮ್ ಇಂಡಿಯಾ ಟೆಸ್ಟ್​​ ತಂಡದ ವೈಸ್ ಕ್ಯಾಪ್ಟನ್​ ರಿಷಭ್ ಪಂತ್ ಪಾಲಿಗೆ ಇದು ಅಗ್ನಿಪರೀಕ್ಷೆಯ ಕಣ.

ಇಂಗ್ಲೆಂಡ್​ನಲ್ಲಿ ವೈಸ್ ಕ್ಯಾಪ್ಟನ್​​ ಮೇಲಿದೆ ಎಲ್ಲರ ಕಣ್ಣು.!

ಅಗ್ರೆಸಿವ್ ಮತ್ತು ಡಾಮಿನೇಟಿಂಗ್ ಬ್ಯಾಟಿಂಗ್ ಮೂಲಕ ಎದುರಾಳಿಗಳ ಮೇಲೆ ಎಗರಿ ಬೀಳುತ್ತಿದ್ದ ಪಂತ್, ಈ ಹಿಂದಿನ ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಫುಲ್ ಸೈಲೆಂಟ್ ಆಗಿದ್ದರು. ಬಾರ್ಡರ್ ಗವಾಸ್ಕರ್ ಟೆಸ್ಟ್​ ಸರಣಿ ಆರಂಭಕ್ಕೂ ಮುನ್ನ ಗೇಮ್ ಚೇಂಜರ್ ಆಗ್ತಾರೆ ಎಂದು ಅನಿಸಿಕೊಂಡಿದ್ದ ಪಂತ್​, ಟೂರ್ನಿಯಲ್ಲಿ ಫುಲ್​​ ಗಪ್​ಚುಪ್ ಆಗಿದ್ದರು.

ಆಸಿಸ್ ಟೆಸ್ಟ್ ಸರಣಿಯಲ್ಲಿ ಪಂತ್

ಆಸ್ಟ್ರೇಲಿಯಾದಲ್ಲಿ ನಡೆದ ಬಾರ್ಡರ್​-ಗವಾಸ್ಕರ್ ಟೆಸ್ಟ್​ ಸರಣಿಯಲ್ಲಿ 5 ಪಂದ್ಯಗಳ 9 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟ್ ಬೀಸಿದ್ದ ಪಂತ್ ಕೇವಲ 28.33 ಸರಾಸರಿಯಲ್ಲಿ 255 ರನ್​ಗಳಿಸಿದ್ದರು. ಕೇವಲ 1 ಅರ್ಧಶತಕ ಸಿಡಿಸಿದ್ದರು.

ಸೀಸನ್​ 18ರ ಐಪಿಎಲ್​ ಟೂರ್ನಿಯಲ್ಲೂ ಅಷ್ಟೇ ಪಂತ್​ ಅಟ್ಟರ್​ಫ್ಲಾಪ್​ ಪರ್ಫಾಮೆನ್ಸ್​ ನೀಡಿದ್ದಾರೆ. ಕೇವಲ 24.45ರ ಸರಾಸರಿಯಲ್ಲಿ ರನ್​ಗಳಿಸಿ ನಿರೀಕ್ಷೆಗಳನ್ನೆಲ್ಲಾ ಹುಸಿಗೊಳಿಸಿದ್ದಾರೆ. ಸತತವಾಗಿ ರನ್​ ಬರ ಎದುರಿಸಿದುವ ಪಂತ್​ ಸದ್ಯ ಅಗ್ನಿಪರೀಕ್ಷೆಯ ಕಣದಲ್ಲಿದ್ದಾರೆ.

ಕಮ್​ಬ್ಯಾಕ್ ಮಾಡಬೇಕಿದೆ​ ರಿಷಭ್ ಪಂತ್..!

ಬಾರ್ಡರ್​ ಗವಾಸ್ಕರ್ ಟೆಸ್ಟ್​ ಸರಣಿಯಲ್ಲಿ ರಿಷಭ್ ಪಂತ್ ಆಟ ಆರಕ್ಕೇರಲಿಲ್ಲ. ಮೂರಕ್ಕಿಳಿಯಲಿಲ್ಲ. ಆ ವೈಫಲ್ಯದ ಹೊರತಾಗಿಯೂ ಪಂತ್​ಗೀಗ ವೈಸ್ ಕ್ಯಾಪ್ಟನ್ ಆಗಿ ಪ್ರಮೋಷನ್ ಸಿಕ್ಕಿದೆ. ಹೀಗಾಗಿ ಇಂಗ್ಲೆಂಡ್​​ನಲ್ಲಿ ಪರ್ಫಾಮ್ ಮಾಡಿ​ ಸಾಮರ್ಥ್ಯ ನಿರೂಪಿಸಬೇಕಾದ ಅನಿವಾರ್ಯತೆಗೆ ಸಿಲುಕಿದ್ದಾರೆ. ಇನ್ನೊಂದೆಡೆ ಪಂತ್​ ಆಟ ಟೀಮ್​ ಇಂಡಿಯಾ ಪಾಲಿಗೂ ಮೋಸ್ಟ್​ ಕ್ರೂಶಿಯಲ್​.

ಯಾಕಂದ್ರೆ, ಇಂಗ್ಲೆಂಡ್​ನ ಚಾಲೆಂಜಿಂಗ್ ಕಂಡೀಷನ್ಸ್​ನಲ್ಲಿ ಪಂತ್ ಒಬ್ಬನೇ ಟೀಮ್ ಇಂಡಿಯಾದ ಪಾಲಿನ ಬಿಗ್ ಗೇಮ್ ಚೇಂಜರ್ ಆಗಬಲ್ಲರು. ಸದ್ಯ ತಂಡದಲ್ಲಿ ಇರುವ ಅನುಭವಿ ಆಟಗಾರರ ಪೈಕಿ ಕೆ.ಎಲ್.ರಾಹುಲ್, ಜಡೇಜಾ ಬಿಟ್ರೆ, ಮತ್ಯಾವ ಆಟಗಾರನೂ ಇಂಗ್ಲೆಂಡ್​ನಲ್ಲಿ ಪಂತ್​ಗಳಿಸಿದಷ್ಟು ರನ್ ಗಳಿಸಿಲ್ಲ. ಇದೇ ಇಂಗ್ಲೆಂಡ್​ನ ದಿ ಓವಲ್ ಹಾಗೂ ಬರ್ಮಿಂಗ್​ಹ್ಯಾಮ್​ನಲ್ಲಿ ಸೆನ್ಸೇಷನ್​ಲ್ ಇನ್ನಿಂಗ್ಸ್​ ಕಟ್ಟಿದ ಇತಿಹಾಸ ಪಂತ್​​ದ್ದು.

ಇದನ್ನೂ ಓದಿ: 500 ರೂಪಾಯಿ ನೋಟು ರದ್ದುಗೊಳಿಸಬೇಕು.. ಕಾರಣ ಕೊಟ್ಟ ಸಿಎಂ ಚಂದ್ರಬಾಬು ನಾಯ್ಡು!

2021ರಿಂದ ಇಂಗ್ಲೆಂಡ್​ನಲ್ಲಿ ರಿಷಭ್​ ಪಂತ್

2021ರಿಂದ ಇಂಗ್ಲೆಂಡ್​ನಲ್ಲಿ 11 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟ್ ಬೀಸಿರುವ ರಿಷಭ್ ಪಂತ್, 394 ರನ್ ಗಳಿಸಿದ್ದಾರೆ. 35.82 ಬ್ಯಾಟಿಂಗ್ ಅವರೇಜ್ ಹೊಂದಿರುವ ಪಂತ್, 1 ಶತಕ, 2 ಅರ್ಧಶತಕ ದಾಖಲಿಸಿದ್ದಾರೆ.

ರಿಷಭ್ ಪಂತ್ ಪಾಲಿಗೆ ಇದು ಸ್ಪೆಷಲ್ ಸಿರೀಸ್..!

ಆಗಸ್ಟ್​ 18, 2018.. ರಿಷಭ್ ಪಂತ್ ಟೆಸ್ಟ್​ ಫಾರ್ಮೆಟ್​​ಗೆ ಡೆಬ್ಯೂ ಮಾಡಿದ ದಿನ​. ಇಂಗ್ಲೆಂಡ್​ನ ನಾಟಿಂಗ್​ಹ್ಯಾಮ್​ನಲ್ಲಿ ಆಟಗಾರನಾಗಿ ಡೆಬ್ಯು ಮಾಡಿದ್ದ ಪಂತ್, ಈಗ ಇಂಗ್ಲೆಂಡ್ ಸರಣಿಯಲ್ಲೇ ಉಪ ನಾಯಕನಾಗಿ ಆಡಲಿದ್ದಾರೆ. ಹೀಗಾಗಿ ರಿಷಭ್ ಪಂತ್ ಪಾಲಿಗೆ ಇಂಗ್ಲೆಂಡ್ ಸರಣಿ ಸ್ಪೆಷಲ್​​​​​​​​​​​​​​​​​​​​​​​​ ಸಿರೀಸ್​. ಇಷ್ಟು ದಿನ ಸೈಲೆಂಟ್ ಆಗಿದ್ದ ರಿಷಭ್​ ಪಂತ್​, ಇಂಗ್ಲೆಂಡ್ ಪ್ರವಾಸದಲ್ಲಿ ವೈಲೆಂಟ್ ಆಗಬೇಕಿದೆ. ಇಲ್ಲದಿದ್ರೆ, ಪಂತ್​​​​​​​ ಭವಿಷ್ಯವೂ ಸಂಕಷ್ಟಕ್ಕೆ ಸಿಲುಕಲಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ