ಕಾಂತಾರ -2 ಬಗ್ಗೆ ಇಲ್ಲಿದೆ ಅಪ್ಡೇಟ್ಸ್​

ಪ್ರೀಕ್ವೆಲ್​ ಶೂಟಿಂಗ್ ಯಾವಾಗ?

ಶೂಟಿಂಗ್​ ನಡೆಯೋದು ಎಲ್ಲಿ?

ಕಾಂತಾರ ಆದ್ಮೇಲೆ ಕಾಂತಾರ 2 ಯಾವಾಗ ಶುರುವಾಗುತ್ತೆ ಅಂತ ಕನ್ನಡ ಕಲಾಭಿಮಾನಿಗಳು ಮಾತ್ರವಲ್ಲ ಪ್ಯಾನ್ ಇಂಡಿಯಾ ಪ್ರೇಕ್ಷಕ ಪ್ರಭುಗಳು ಕೂಡ ಎದುರು ನೋಡುತ್ತಿದ್ದಾರೆ. ಕಳೆದ ವರ್ಷ ಸೆಪ್ಟೆಂಬರ್​ನಲ್ಲಿ ತೆರೆಕಂಡಿದ್ದ ಕಾಂತಾರ ಭಾರತೀಯ ಸಿನಿಮಾ ಪ್ರಪಂಚದಲ್ಲಿ ದೊಡ್ಡ ಪವಾಡನೇ ಸೃಷ್ಟಿಸಿದ್ದನ್ನ ಎಲ್ಲರೂ ನೋಡಿದ್ದೇವೆ. ಭಾಷೆ, ಸಂಸ್ಕೃತಿಯ ಗಡಿದಾಟಿ ಕಾಂತಾರ ಸಿನಿಮಾ ಅತಿ ದೊಡ್ಡ ಸಕ್ಸಸ್​ ಕಂಡಿದ್ದು ನಿಜಕ್ಕೂ ಅಚ್ಚರಿ ಅಂತಾನೇ ಹೇಳ್ಬಹುದು.

ನಮ್ಮ ದೇಶದಲ್ಲಿ ಮಾತ್ರವಲ್ಲ ವಿದೇಶಗಳಲ್ಲೂ ಕಾಂತಾರ ಕಲರವ ಸೃಷ್ಟಸಿತ್ತು. ವಿಶ್ವದ ಪ್ರಧಾನಸಂಸ್ಥೆಯಾಗಿರುವ ವಿಶ್ವಸಂಸ್ಥೆಯ ಸದಸ್ಯರಿಗಾಗಿ ಸ್ಪೆಷಲ್ ಸ್ಕ್ರೀನಿಂಗ್​ ಕಂಡಿದ್ದು ಕಾಂತಾರ ಅತಿ ದೊಡ್ಡ ಗೆಲುವು. ಹೀಗೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮೇಳೈಸಿದ ಕಾಂತಾರ ಸಿನಿಮಾದ ಪ್ರಿಕ್ವೆಲ್​​ ಮೇಲೆ ಈಗ ಸಿನಿ ಇಂಡಸ್ಟ್ರಿಯ ಕಣ್ಣು ಬಿದ್ದಿದೆ. ಕಾಂತಾರ ಪ್ರಿಕ್ವೆಲ್​ ಯಾವಾಗ ಶುರುವಾಗುತ್ತೆ? ಯಾವಾಗ ಶೂಟಿಂಗ್ ಶುರು ಮಾಡ್ತಾರೆ? ಈ ಸಲ ಯಾವೆಲ್ಲ ಕಲಾವಿದರು ಭಾಗಿಯಾಗ್ತಾರೆ ಅನ್ನೋ ಕುತೂಹಲ ಕಾಡೋಕೆ ಶುರುವಾಗಿದೆ.

ಕಾಂತಾರ ಪ್ರೀಕ್ವೆಲ್​ ಶೂಟಿಂಗ್​ಗೂ ಅಖಾಡ ಸಜ್ಜು!

ಕಾಂತಾರ ಸಿನಿಮಾದ ಹಂಡ್ರೆಡ್​ ಪಂಕ್ಷನ್​ನಲ್ಲಿ ಖುದ್ದು ರಿಷಬ್ ಶೆಟ್ಟಿ ಇದು ಸೀಕ್ವೆಲ್​ ಅಲ್ಲ, ಪ್ರಿಕ್ವೆಲ್ ಅಂತ ಘೋಷಿಸಿದರು. ನೀವು ನೋಡಿದ್ದು ಕಾಂತಾರ ಪಾರ್ಟ್​ 2. ಈಗ ನಾನ್ ಮಾಡೋಕೆ ಹೊರಟಿರೋದು ಕಾಂತಾರ ಪಾರ್ಟ್​ 1 ಅಂದಿದ್ರು. ಹಾಗಾಗಿ ಕಾಂತಾರ ಪ್ರೀಕ್ವೆಲ್​ ಮೇಲೆ ಎಕ್ಸ್​ಪೆಕ್ಟೇಶನ್​ ಜಾಸ್ತಿ ಆಗಿತ್ತು. ಅಂದ್ಹಾಗೆ, ಕಳೆದ ನಾಲ್ಕೈದು ತಿಂಗಳಿಂದ ರಿಷಬ್ ಶೆಟ್ಟಿ ಕಾಂತಾರ ಪ್ರಿಕ್ವೆಲ್​ಗಾಗಿ ಕಥೆ ಮಾಡ್ತಿದ್ರು. ಒಂದಿಷ್ಟು ಟ್ಯಾಲೆಂಟೆಡ್​ ಬರಹಗಾರರ ತಂಡ ಕಟ್ಕೊಂಡು ತನ್ನ ಹುಟ್ಟೂರಿನಲ್ಲಿ ಸೆಟಲ್ ಆಗಿದ್ದ ರಿಷಬ್ ಸ್ಕ್ರಿಪ್ಟ್​ ಕೆಲಸದಲ್ಲಿ ಮಗ್ನರಾಗಿದ್ದರು.. ಅಂದುಕೊಂಡಂತೆ ಈಗ ಸ್ಕ್ರಿಪ್ಟ್​​ ಕೆಲಸ ಮುಗಿಸಿದೆ. ಜೊತೆ ಜೊತೆಗೆ ಲೋಕೇಶನ್​ ಹಂಟಿಂಗ್ ಕೂಡ ಆಗಿದೆ. ಈಗೇನಿದ್ರು ಶೂಟಿಂಗ್​ ಅಖಾಡಕ್ಕೆ ಧುಮುಕೊದೊಂದೆ ಬಾಕಿ ಎನ್ನಲಾಗಿದೆ.

ಕಾಂತಾರ ಪ್ರಿಕ್ವೆಲ್​ಗೆ ಸ್ಕ್ರಿಪ್ಟ್​ ಫೈನಲ್ ಮಾಡ್ಕೊಂಡಿರೋ ರಿಷಬ್ ಶೆಟ್ಟಿ, ಸಂಪ್ರದಾಯವಾಗಿ ಚಿತ್ರದ ಮುಹೂರ್ತ ಮಾಡೋಕೆ ಮುಂದಾಗಿದ್ದಾರೆ. ಕಳೆದ ಸಲದಂತೆ ಈ ಸಲವೂ ತನ್ನ ಅದೃಷ್ಟದ ಹಾಗೂ ನಂಬಿಕೆಯ ಆನೆಗುಡಿ ಗಣಪತಿ ದೇವಸ್ಥಾನದಲ್ಲಿಯೇ ಕಾಂತಾರ ಪ್ರಿಕ್ವೆಲ್​ನ ಮುಹೂರ್ತ ಮಾಡೋಕೆ ಸಿದ್ಧತೆ ಮಾಡ್ಕೊಂಡಿದ್ದಾರೆ. ಹಾಗಾದ್ರೆ ಕಾಂತಾರ 2 ಮುಹೂರ್ತ ಯಾವಾಗ ಅನ್ನೋದಕ್ಕೆ ಉತ್ತರ ಆಗಸ್ಟ್.

ಆಗಸ್ಟ್​ನಲ್ಲಿ ಕಾಂತಾರ-2

ಆಗಸ್ಟ್ ಮೂರನೇ ವಾರ ಅಂದ್ರೆ 27ನೇ ತಾರೀಖು ಕಾಂತಾರ ಪ್ರಿಕ್ವೆಲ್​ಗೆ ಅಧಿಕೃತವಾಗಿ ಮುಹೂರ್ತ ಮಾಡ್ಬೇಕು ಅನ್ನೋದು ಸದ್ಯ ಶೆಟ್ರ ನಿರ್ಧಾರ. ವಿಶೇಷ ಅಂದ್ರೆ ಕಾಂತಾರ ಚಿತ್ರದ ಮುಹೂರ್ತವೂ ಆನೆಗುಡಿ ಗಣಪತಿ ದೇವಾಸ್ಥಾನದಲ್ಲೇ, ಅದು ಕೂಡ ಆಗಸ್ಟ್​ ತಿಂಗಳಲ್ಲಿ ಆಗಿತ್ತು ಎನ್ನುವುದು ಗಮನಾರ್ಹ. ಹಾಗಾಗಿ ಇದು ಕಾಕತಾಳಿಯೋ ಅಥವಾ ನಂಬಿಕೆನೋ ಕಾಂತಾರ 2 ಚಿತ್ರದ ಪೂಜಾ ಕಾರ್ಯವೂ ಅದೇ ಸ್ಥಳದಲ್ಲಿ ಅದೇ ತಿಂಗಳು ಜರುಗುವ ಸಾಧ್ಯತೆ ಇದೆ.

ಕೆರಾಡಿ ಸುತ್ತಮುತ್ತವೇ ಶೂಟಿಂಗ್

ಇನ್ನು ಆಗಸ್ಟ್​ನಲ್ಲಿ ಸಿನಿಮಾದ ಮುಹೂರ್ತ ಮಾಡುವ ಯೋಜನೆಯಲ್ಲಿರುವ ರಿಷಬ್ ಶೆಟ್ಟಿ ಮುಂದಿನ ತಿಂಗಳಿಂದಲೇ ಅಂದ್ರೆ ಸೆಪ್ಟೆಂಬರ್ ಎರಡನೇ ವಾರದಿಂದಲೇ ಚಿತ್ರೀಕರಣಕ್ಕೆ ಹೋಗ್ತಾರಂತೆ. ನಿರೀಕ್ಷೆಯಂತೆ ಕಾಂತಾರ ಪ್ರಿಕ್ವೆಲ್​ ಕೂಡ ಕೆರಾಡಿ ಸುತ್ತಮುತ್ತವೇ ಶೂಟಿಂಗ್ ಆಗುವ ಸಾಧ್ಯತೆ ಇದೆ. ಕರಾವಳಿ, ಕಾಡು, ಗುಳಿಗ, ಪಂಜುರ್ಲಿ ಧೈವದ ಸುತ್ತವೇ ಚಿತ್ರಕಥೆ ಇರಲಿದ್ದು, ಬಹುತೇಕ ಶೂಟಿಂಗ್ ಅಲ್ಲೇ ಆಗಲಿದೆಯಂತೆ.

ಕಾಂತಾರ ಚಿತ್ರದ ಮೇಲೆ ದೈವದ ಆಶೀರ್ವಾದ ಇತ್ತು, ದೈವ ಕೃಪತೆಯಿಂದಲೇ ಈ ಸಿನಿಮಾ ಇಷ್ಟು ದೊಡ್ಡ ಯಶಸ್ಸು ಕಾಣೋಕೆ ಕಾರಣವಾಯ್ತು ಅನ್ನೋದು ರಿಷಬ್ ಶೆಟ್ಟಿ ಹಾಗೂ ಚಿತ್ರತಂಡ ನಂಬಿಕೆ. ಈಗ ಅದೇ ನಂಬಿಕೆಯಿಂದ ಸಿನಿಮಾನ ಶುರು ಮಾಡುವ ಹಾದಿಯಲ್ಲಿದ್ದಾರೆ ಶೆಟ್ರು.

ವಿಶೇಷ ಸೂಚನೆ: ಸಿನಿಮಾ ಲೋಕದ ಸ್ಪೆಷಲ್ ಸುದ್ದಿಗಳಿಗಾಗಿ ಪ್ರತಿದಿನ ಸಂಜೆ 6.27ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ಫಿಲ್ಮಿ ಫಸ್ಟ್’ ವೀಕ್ಷಿಸಿ