ಮುಂಬೈನಲ್ಲಿ ಟೆನ್ನಿಸ್ ಕ್ರಿಕೆಟ್ ಆಡಿದ ಯುಕೆ ಮಾಜಿ ಪ್ರಧಾನಿ; ಫೋಟೋ ಹಂಚಿಕೊಂಡು ಖುಷಿ ಪಟ್ಟ ಭಾರತದ ಅಳಿಯ

ಯುನೈಟೆಡ್ ಕಿಂಗ್​ಡಮ್​ನ ಮಾಜಿ ಪ್ರಧಾನಿ ಹಾಗೂ ಭಾರತದ ಅಳಿಯ ರಿಷಿ ಸುನಕ್​ ಮುಂಬೈಗೆ ಭೇಟಿ ನೀಡಿ ಪಾರ್ಸಿ ಜಿಮ್​ಖಾನಾದಲ್ಲಿ ಟೆನ್ನಿಸ್ ಬಾಲ್ ಕ್ರಿಕೆಟ್ ಆಡಿದ್ದಾರೆ. ಈ ಫೋಟೋವನ್ನು ತಮ್ಮ ಎಕ್ಸ್​ ಖಾತೆಯಲ್ಲಿ ಹಂಚಿಕೊಂಡಿರುವ ರಿಷಿ ಸುನಕ್ ಟೆನ್ನಿಸ್ ಬಾಲ್ ಕ್ರಿಕೆಟ್ ಆಡದೇ ಇದ್ದರೆ ಮುಂಬೈ ಪ್ರವಾಸ ಸಂಪೂರ್ಣ ಆಗುವುದೇ ಇಲ್ಲ ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ:ಹೊಸ ಜೀವನ ಆರಂಭ.. ತನ್ನ ಹೊಸ ಮನೆಗೆ ವಿಶೇಷ ವ್ಯಕ್ತಿಯ ಹೆಸರಿಟ್ಟ ಸಾನಿಯಾ ಮಿರ್ಜಾ; ಏನದು?

ಅವರು ಪೋಸ್ಟ್ ಮಾಡಿರುವ ಫೋಟೋದಲ್ಲಿ ಬ್ಯಾಟ್ ಹಿಡಿದುಕೊಂಡು ಅವರು ಬ್ಯಾಟಿಂಗ್​ ಆಡುತ್ತಿದ್ದರು. ಅವರ ಸುತ್ತಲೂ ಅನೇಕ ಜನರು ಸೇರಿಕೊಂಡಿದ್ದರು. ಇಂಗ್ಲೆಂಡ್​ನ ರಾಜಕಾರಣಿ ಕ್ರೀಡೆಯನ್ನು ಎಷ್ಟು ಪ್ರೀತಿಸುತ್ತಾರೆ ಎಂಬುದಕ್ಕೆ ಇದು ನಿದರ್ಶನವಾಗಿತ್ತು. ಬಿಳಿ ಬಣ್ಣದ ಶರ್ಟ್ ಹಾಗೂ ಕಪ್ಪು ಬಣ್ಣದ ಬ್ಯಾಂಟ್ ಹಾಕಿಕೊಂಡು ಸ್ಪೋರ್ಟ್ಸ್​ ಧರಿಸಿದ್ದ ರಿಷಿ ಸುನಕ್ ಸ್ಟಫ್​ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ.

No trip to Mumbai would be complete without a game of tennis ball cricket. pic.twitter.com/UNe6d96AFE

— Rishi Sunak (@RishiSunak)

No trip to Mumbai would be complete without a game of tennis ball cricket. pic.twitter.com/UNe6d96AFE

— Rishi Sunak (@RishiSunak) February 2, 2025

">February 2, 2025

ಜಿಮ್​ಖಾನಾದ ವಾರ್ಷಿಕೋತ್ಸವಕ್ಕೆ ಆಗಮಿಸಿದ್ದ ರಿಷಿ ಸುನಕ್​ ಇಲ್ಲಿ ಬರುವುದೇ ನಮಗೆ ಒಂದು ಸಂಭ್ರಮ. ಈ ಐತಿಹಾಸಿಕ ಸಂಸ್ಥೆಯ ವಾರ್ಷಿಕೋತ್ಸವದಲ್ಲಿ ಭಾಗಿಯಾಗಿದ್ದು ನಿಜಕ್ಕೂ ಖುಷಿ ನೀಡಿದೆ. ನಿಜಕ್ಕೂ ಇದು ಒಂದು ಅದ್ಭುತ ಇತಿಹಾಸ ಹೊಂದಿರುವ ಸಂಸ್ಥೆ. ಇದು ಇನ್ನಷ್ಟು ಮತ್ತಷ್ಟು ಬೆಳೆಯಲಿ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಮದುವೆಯಲ್ಲಿ ‘ಚೋಲಿ ಕೆ ಪೀಚೆ ಕ್ಯಾ ಹೈ‘ ಹಾಡಿಗೆ ಕುಣಿದು ಕುಪ್ಪಳಿಸಿದ ಮದುಮಗ; ಹುಡುಗಿಯ ತಂದೆ ಮಾಡಿದ್ದೇನು?

ಪಾರ್ಸಿ ಜಿಮ್​ಖಾನಾ 1885ರಲ್ಲಿ ಸ್ಥಾಪನೆಯಾಗಿತ್ತು. ಸರ್​ ಜೆಮಸೆಟ್​ಜೀ ಜೆಜೀಭೋಯ್​ ಇದರ ಮೊದಲ ಅಧ್ಯಕ್ಷರಾಗಿದ್ದರೆ ಜೇಮಸೆಟ್​ಜೀ ಟಾಟಾ ಇದರಚೇರ್​ಮೆನ್ ಆಗಿದ್ದರು. ಈ ಒಂದು ಸಂಸ್ಥೆ ಮುಂಬೈನ ಕ್ರಿಕೆಟ್ ಸಂಸ್ಕೃತಿಯನ್ನು ಬೆಳೆಸಲೆಂದೇ ಸೃಷ್ಟಿಯಾಗಿತ್ತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ