ನೋಡ ನೋಡುತ್ತಿದ್ದಂತೆ ಮತ್ತೊಂದು ಭಯಾನಕ ದರೋಡೆ.. ₹1 ಕೋಟಿ ಮೌಲ್ಯದ ಚಿನ್ನ ದೋಚಿ ಪರಾರಿ; ಆಗಿದ್ದೇನು?

ಇತ್ತೀಚೆಗೆ ಕರ್ನಾಟಕದ ಮಂಗಳೂರಿನಲ್ಲಿ ಹಾಡ ಹಗಲೇ ಬ್ಯಾಂಕಿಗೆ ನುಗ್ಗಿ 12 ಕೋಟಿ ರೂಪಾಯಿ ಮೌಲ್ಯದ ಚಿನ್ನ ಮತ್ತು ನಗದು ಸೇರಿ ದರೋಡೆ ಮಾಡಿದ್ದು ಎಲ್ಲರಿಗೂ ಗೊತ್ತೆ ಇದೆ. ಈಗ ಇಂತಹುದೇ ಘಟನೆ ದೆಹಲಿಯ ಲಕ್ಷ್ಮೀ ಬಾಯಿ ಕಾಲೇಜ್​ನ ಬಳಿನಡೆದಿದೆ. ಗುಲೇಲ್ ಗ್ಯಾಂಗ್​ ಗ್ರೂಪ್​​ನ ಖದೀಮರು ಕಾರಿನ ಗ್ಲಾಸ್ ಒಡೆದು ವ್ಯಕ್ತಿಯ ತೆಗೆದುಕೊಂಡು ಹೋಗುತ್ತಿದ್ದ ಬರೋಬ್ಬರಿ ಒಂದು ಕೋಟಿ ಮೌಲ್ಯದ ಚಿನ್ನಭಾರಣದ ಬ್ಯಾಗ್​ನ್ನು ಕದ್ದುಕೊಂಡು ಹೋಗಿದ್ದಾರೆ.

ಪೊಲೀಸರು ನಡೆಸಿದ ವಿಚಾರಣೆಯ ಪ್ರಕಾರ ವಿಜಯ ವರ್ಮಾ ಎಂಬುವವರು ಕರೋಲ್ ಭಾಗ್ ಬಳಿ ಚಿನ್ನಾಭರಣವನ್ನು ಖರೀದಿಸಿದ್ದರು. ರಾತ್ರಿ ಸುಮಾರು 8.15ರ ವೇಳೆ ಶಿಮಲರ್ ಭಾಗ್​ನಲ್ಲಿರುವ ತಮ್ಮ ಮನೆಯ ಕಡೆಗೆ ತಮ್ಮ ಮಗ ಹಾಗೂ ಡ್ರೈವರ್ ಜೊತೆ ಹೋಗುತ್ತಿದ್ದರು. ಈ ವೇಳೆ ಸ್ಕೂಟರ್​ ಮೇಲೆ ಇಬ್ಬರು ವ್ಯಕ್ತಿಗಳು ಅವರನ್ನು ಹಿಂಬಾಲಿಸಿದ್ದಾರೆ.

ಇದನ್ನೂ ಓದಿ:ಕೋಟೆಕಾರು ಬ್ಯಾಂಕ್‌ ಲೂಟಿ.. ದರೋಡೆಯ ಪ್ರಮುಖ ಆರೋಪಿ ಮೇಲೆ ಶೂಟೌಟ್‌; ಆಗಿದ್ದೇನು?

ಸುಮಾರು 9 ಗಂಟೆ ಸುಮಾರಿಗೆ ವಿಜಯ್ ವರ್ಮ ಪೊಲೀಸರಿಗೆ ಕರೆ ಮಾಡಿ ನನ್ನ ಚಿನ್ನವನ್ನು ದರೋಡೆ ಮಾಡಿದ್ದಾರೆ ಎಂದು ದೂರು ನೀಡಿದ್ದಾರೆ. ದೆಹಲಿಯ ನಾರ್ಥ್​​ ವೆಸ್ಟ್​​ನ ಡೆಪ್ಯೂಟಿ ಪೊಲೀಸ್ ಕಮಿಷನರ್​ ಹೇಳುವ ಪ್ರಕಾರ ನಾವು ಸಿಸಿಟಿವಿ ಚೆಕ್ ಮಾಡಿದಾಗ ಇಬ್ಬರು ವ್ಯಕ್ತಿಗಳು ವಿಜಯ್ ವರ್ಮಾ ಅವರ ಕಾರ್​ನ್ನು ಫಾಲೋವ್ ಮಾಡಿಕೊಂಡು ಬಂದಿರುವು ಕಂಡು ಬಂದಿದೆ. ಲಕ್ಷ್ಮೀ ಬಾಯಿ ಕಾಲೇಜ್ ಹತ್ತಿ ರೆಡ್​ ಲೈಟ್​ ಸಿಗ್ನಲ್ ಬಿದ್ದಾಗ ಇವರ ಕಾರ್ ಸ್ಟಾಪ್ ಆಗಿದೆ. ಈ ವೇಳೆ ಗುಲೇಲ್ ಗ್ಯಾಂಗ್​​ನಿಬ್ಬರು ಕಾರಿನ ಕಿಟಕಿಯ ಗ್ಲಾಸ್ ಒಡೆದು ಬ್ಯಾಗ್​​ನ್ನು ಕಿತ್ತುಕೊಂಡು ಪರಾರಿಯಾಗಿದ್ದಾರೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:ಮೈಕ್ರೋ ಫೈನಾನ್ಸ್ ಕಿರುಕುಳ: ಸಿಬ್ಬಂದಿ ಗಲಾಟೆಗೆ ಬೇಸತ್ತು ಪ್ರಾಣವನ್ನೇ ಬಿಟ್ಟ ಮಹಿಳೆ

ಇತ್ತೀಚೆಗೆ ಈ ಗುಲೇಲ್ ಗ್ಯಾಂಗ್​ ದೆಹಲಿಯಲ್ಲಿ ದೊಡ್ಡ ರೀತಿಯಲ್ಲಿ ಸದ್ದು ಮಾಡುತ್ತಿದೆ. ಇದೇ ಮಾದರಿಯಲ್ಲಿ ಹಲವು ರೀತಿಯ ದರೋಡೆ ಮಾಡಿದೆ. ಸದ್ಯ ಸಿಸಿಟಿವಿ ಫೋಟೇಜ್​ಗಳಲ್ಲಿ ಆರೋಪಿಗಳನ್ನು ಗುರುತಿಸಲಾಗಿದ್ದು ಶೀಘ್ರದಲ್ಲಿಯೇ ಬಂಧನ ಮಾಡಲಾಗುವುದು ಎಂದು ಪೊಲೀಸರು ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ