ಐಷಾರಾಮಿ ಮನೆ, ಫಾರಿನ್ ಎಣ್ಣೆ.. 10 ವರ್ಷದಲ್ಲಿ ₹200 ಕೋಟಿ ದೋಖಾ.. ನಯವಂಚಕ ಸಿಕ್ಕಿದ್ದೇ ರೋಚಕ!

ಮನೆಯಲ್ಲೇ ಬಾರ್.. ಮಲೇಷ್ಯಾ ಗರ್ಲ್​.. ಜಾಲಿ ಜಾಲಿ ಪಾರ್ಟಿ. 10 ವರ್ಷದಲ್ಲಿ ₹200 ಕೋಟಿ ದೋಖಾ. ಈತನಿಗೆ ದುಡ್ಡಿರೋ ದೊಡ್ಡ ಕುಳಗಳೇ ಟಾರ್ಗೆಟ್​? ಮಂಗಳೂರಿನ ಮೋಸಗಾರ ಸಿಕ್ಕಿದ್ದೇ ರೋಚದ್ದೇ ರೋಚಕ. ಕೋಟಿ ಕೋಟಿ ಅಂತ ಹೇಳುತ್ತಲೇ ಜನರಿಗೆ ಪಂಗನಾಮ ಹಾಕ್ತಿದ್ದ ನಟೋರಿಯಸ್​.. ಅರಮನೆಯಂತ ಬಂಗಲೆಯನ್ನೆ ಬಂಡವಾಳ ಮಾಡ್ಕೊಂಡಿದ್ದ ಖತರ್ನಾಕ್ ತಿಮಿಂಗಿಲದ ಐಷಾರಾಮಿ ಮನೆ ಕಂಡು ಪೊಲೀಸರು ಕೂಡ ಶಾಕ್ ಆಗೋಗಿದ್ದಾರೆ. ಆದ್ರೆ, ಕಟ್ಟು ಕತೆಗಳನ್ನ ಕಟ್ಟಿ ದುಡ್ಡಿರೋ ದೊಡ್ಡ ಕುಳಗಳನ್ನೆ ಯಾಮಾರಿಸ್ತಿದ್ದ ನಯವಂಚಕ ಲಾಕ್ ಆಗಿದ್ದಾನೆ. 10 ವರ್ಷದಲ್ಲಿ 200 ಕೋಟಿ ವಂಚಿಸಿರೋ ಈ ಇಂಟಲಿಜೆಂಟ್​ ಕ್ರಿಮಿನಲ್ ಸಿಕ್ಕಿದ್ದೇಗೆ? 10 ವರ್ಷದಿಂದ ಕಣ್ಣಾ ಮುಚ್ಚಾಲೆ ಆಟ ಆಡ್ತಿದ್ದ ಮಂಗಳೂರಿನ ಮೋಸಗಾರನ ಪ್ಲ್ಯಾನ್​ಗೆ ಪೊಲೀಸರು ಶಾಕ್ ಆಗಿದ್ದಾರೆ.

ಕಣ್ಣಿಗೆ ಕುಕ್ಕುವಂತ ಬಂಗಲೆಯಲ್ಲಿರೋ ಒಂದೊಂದು ಐಟಂಗಳು ಕಿಮ್ಮತ್ತು ಕೋಟಿ ಕೋಟಿ ಬೆಲೆ ಬಾಳುತ್ತೆ. ಸೋಫಾ, ಕೂರೋ ಕುರ್ಚಿ.. ಟೇಬಲ್.. ಇದನ್ನೂ ನೋಡಿದವರಿಗೆ ಇಂಧ್ರ ದೇವನ ಸ್ವರ್ಗದ ಪ್ರೈವೆಟ್ ರೂಮ್ ಹಿಂಗೆ ಇರುತ್ತೆನೋ ಅಂತ ಅನಿಸುತ್ತೆ. ಈ ಮನೆ ಮೇಲೆ ದಾಳಿ ಮಾಡಿದ್ದ ಪೊಲೀಸರು ಕೂಡ ದಂಗಾಗಿ ಹೋಗಿದ್ರು. ಹೊರಗಡೆ ನಾರ್ಮಲ್​ ಬಂಗಲೆ ಅಂತ ಅನಿಸಿದ್ರೂ, ಒಳಗೆ ಕಾಲಿಟ್ರೆ ಸ್ವರ್ಗಕ್ಕೆ ಕಾಲಿಟ್ಟಂತ ಅನುಭವ. ಅದ್ರಲ್ಲೂ ಮನೆಯಲ್ಲಿದ್ದ ಬಾರ್​ ಸೆಕ್ಷನ್​ ನೋಡಿ ಪೊಲೀಸರು ಗಾಬರಿಯಾಗ್ಬಿಟ್ಟಿದ್ರು. ಯಾಕಂದ್ರೆ ಬಾರ್​ನಲ್ಲಿದ್ದ ಎಣ್ಣೆಗಳಲ್ಲೆ ಫಾರೆನ್​ ಬ್ಯ್ರಾಂಡ್​ಗಳೇ. ಇನ್ನೂ ಬಾರ್​ ಟೇಬಲ್ ನೋಡ್ಬಿಟ್ರೆ ಬಾಯ್ ಮೇಲೆ ಬೆರಳು ಇಟ್ಕೊಂಡು ಬಿಡುತ್ತಿರಾ.

ಇದನ್ನೂ ಓದಿ:ಪದವಿ ಓದಿದವರಿಗೆ ಸಿಹಿ ಸುದ್ದಿ.. 1500 ಅಪ್ರೆಂಟಿಸ್​ ಉದ್ಯೋಗಗಳಿಗೆ ಅರ್ಜಿ ಆಹ್ವಾನ

ಮಂಗಳೂರಿನ ಈ ಮದ್ಯದ ದೊರೆಯ ಹೆಸರು ರೋಹನ್ ಸಲ್ದಾನಾ. ಮಂಗಳೂರು ಹೊರವಲಯದ ಜಪ್ಪಿನಮೊಗರುನಲ್ಲಿ ಈ ರೋಹನ್​ ಬಂಗಲೆಯಿದೆ. ಇದೇ ಬಂಗಲೆ ಮೇಲೆ ‌ಮಂಗಳೂರು ಪೊಲೀಸರು ರೇಡ್ ಮಾಡಿದ್ರು. ರೇಡ್ ಮಾಡಿದಷ್ಟೇ ಮನೆಯೊಳಗಿನ ರೋಹನ್​ ಲೈಫ್​ಸ್ಟೈಲ್​ ಕಂಡು ಪೊಲೀಸರಿಗೆ ಗರ ಬಡಿದಂತಾಗಿದೆ. ಬಂಗಲೆ ಒಳಗಿನ ದೃಶ್ಯ ನೋಡಿ ಪೊಲೀಸರು ದಂಗಾಗಿ ಹೋಗಿದ್ದಾರೆ. ಏನಪ್ಪ ಇವನ ರಾಜವೈಭೋಗ ಅಂತ ದಿಗಿಲು ಬಿದ್ದಿದ್ದಾರೆ.

ರೋಹನ್ ಸಲ್ದಾನಾ.. ಇವನ್ನ ದುಬೈ ರೋಹನ್​ ಅಂತಲೂ ಕರೀತಾರೆ. ಇವನ ಕೆಲಸ ಏನಂದ್ರೆ ದೊಡ್ಡ ದೊಡ್ಡ ಉದ್ಯಮಿಗಳನ್ನ ಟಾರ್ಗೆಟ್ ಮಾಡೋದು.. ಬನ್ನಿ ಸಾರ್ ಒಂದು ಪಾರ್ಟಿ ಮಾಡೋಣ ಅಂತ ತನ್ನ ಐಷಾರಾಮಿ ಬಂಗಲೆಗೆ ಕರೆಸಿ ಹಣೆ ಮೇಲೊಂದು ನಾಮ ಹಾಕಿ ಕಳಿಸೋದು.. ಹೀಗೆ ಈ ಆಸಾಮಿ ಬರೋಬ್ಬರಿ 200 ಕೋಟಿಯನ್ನ ವಂಚಿಸಿರೋ ಬಗ್ಗೆ ಬೆಳಕಿಗೆ ಬಂದಿದೆ. ಈಗ ಈ ರೋಹನ್​​ ಅನ್ನ ಪೊಲೀಸರು ಅರೆಸ್ಟ್ ಮಾಡಿ ಎತ್ತಾಕೊಂಡು ಬಂದಿದ್ದಾರೆ. ಆದ್ರೆ ರೋಹನ್ ಮೋಡ್ ಆಫ್ ಆಪರೆಂಡಿ, ಶ್ರೀಮಂತ ವ್ಯಕ್ತಿಗಳನ್ನ ಬಲೆಗೆ ಬೀಳಿಸ್ತಿದ್ದ ಪ್ಲ್ಯಾನ್​ ಪ್ರಳಾಯಂತಕನ ಅಸಲಿಯತ್ತನ್ನ ಬಿಚ್ಚಿಡ್ತಿದೆ.

ಯಾರು ಈ ರೋಹನ್​ ಸಲ್ದಾನಾ?

ರೋಹನ್​ ಸಲ್ದಾನ್​ ಮನೆಯೊಳಗೆ ಸೀಕ್ರೇಟ್​ ರೂಮ್​, ಮಿನಿ ಬಾರ್, ಅಲ್ಲೇ ಇವನ ಕಾರುಬಾರು ನಡೀತಾ ಇತ್ತು. ಕೋಟಿ ಕೋಟಿ ವಂಚನೆ ಮಾಡಿದವ್ನ ಅಸಲೀಯತ್ತನ್ನ ಮಂಗಳೂರು ಪೊಲೀಸರು ಬಯಲು ಮಾಡಿದ್ದಾರೆ. ಭಾರೀ ವಂಚನೆ ಜಾಲವನ್ನ ಭೇದಿಸಿರೋ ಪೊಲೀಸರು ಉದ್ಯಮಿಗಳಿಗೆ ಸಾಲ ಕೊಡಿಸುವ ನೆಪದಲ್ಲಿ ವಂಚಿಸಿದ್ದ ಖತರ್ನಾಕ್ ಅನ್ನ ಅರೆಸ್ಟ್ ಮಾಡಿದ್ದಾರೆ. ಮನೆ ಮೇಲೆ ದಾಳಿ ನಡೆಸಿ ಆರೋಪಿ ರೋಹನ್ ಸಲ್ದಾನಾ ಅರೆಸ್ಟ್​ ಮಾಡಿದ್ದಾರೆ. ರೋಹನ್ ಐಷಾರಾಮಿ ಜೀವನ ಕಂಡು ಒಮ್ಮೆ ಪೊಲೀಸರೇ ಶಾಕ್ ಆಗಿದ್ದು, ರೋಹನ್ ಅಕೌಂಟ್​​ನಲ್ಲೂ 40 ಕೋಟಿ ರೂಪಾಯಿ ವ್ಯವಹಾರ ಪತ್ತೆಯಾಗಿದೆ.

ಈ ರೋಹನ್ ಅದೆಂಥಾ ಕಿಲಾಡಿ ಅಂದ್ರೆ, ತನ್ನ ಮನೆಗೆ ರಿಮೋಟ್​ ಕಂಟ್ರೋಲ್ ವ್ಯವಸ್ಥೆ ಇಟ್ಕೊಂಡಿದ್ದ.. ಪೊಲೀಸರ ಎಂಟ್ರಿ ಟೈಮ್​ನಲ್ಲೂ ರೋಹನ್ ಮಲೇಷಿಯಾ ಹುಡುಗಿ ಜೊತೆ ಪಾರ್ಟಿ ಮಾಡ್ತಿದ್ದ. ಪೊಲೀಸರು ಬಂದಿದ್ದುಯ ಕಂಡು ಎಸ್ಕೇಪ್ ಆಗೋದಕ್ಕೆ ನೋಡಿದ್ದ. ಆದ್ರೆ ಗೇಟ್​ ಓಪನ್​ ಆಗದೇ ಕಾರಣಕ್ಕೆ ಕಾಂಪೌಂಡ್ ಹಾರಿದ್ದ. ಈ ಟೈಮ್​ನಲ್ಲಿ ಸೀಕ್ರೇಟ್ ರೂಮ್​​ ಸೇರಿ ಅಲ್ಲಿಂದ ಪರಾರಿಯಾಗೋದಕ್ಕೆ ಯತ್ನಿಸಿದ್ದ. ಆದ್ರೆ ಪೊಲೀಸರು ಆ ಸಿಕ್ರೇಟ್​ ರೂಮ್​​ ಪತ್ತೆ ಹಚ್ಚಿ ಒಡೆದು ಹಾಕಿದ್ರು. ಈ ವೇಳೆ ರೋಹನ್ ಮನೆ ಪಕ್ಕದ ಗದ್ದೆಯಲ್ಲಿ ಓಡೋದಕ್ಕೆ ಶುರು ಮಾಡಿದ್ದ. ಆಗ ಪೊಲೀಸರು ತಮ್ಮ ಶೂ ಕಳಚಿ ಗದ್ದೆಯಲ್ಲೇ ರೋಹ್​ನ್ನ ಚೇಸ್ ಮಾಡಿ ಲಾಕ್ ಮಾಡಿದ್ರು. ಕಳೆದ 10 ವರ್ಷಗಳಿಂದೂ ಈ ಪ್ರಳಯಾಂತಕ ಮೋಸ ಮಾಡೋದನ್ನೆ ದಂಧೆ ಮಾಡ್ಕೊಂಡಿದ್ದಾನೆ. 10 ವರ್ಷದಿಂದ ಇಲ್ಲಿತನಕ ಬರೋಬ್ಬರಿ 200 ಕೋಟಿ ವಂಚಿಸಿದ್ದಾನೆ ಎನ್ನಲಾಗಿದೆ. ಆದ್ರೆ ಇಲ್ಲಿತನಕ ಪೊಲೀಸರಿಗೆ ಚಳ್ಳೆಹಣ್ಣು ತಿನ್ನಿಸಿ ಎಸ್ಕೇಪ್ ಆಗ್ತಿದ್ದವನು ಈ ಬಾರಿ ಮಿಸ್ ಆಗಿಲ್ಲ. ಆಂಧ್ರಪ್ರದೇಶದ ಉದ್ಯಮಿ ಒಬ್ಬರು ಕೊಟ್ಟ ದೂರಿನಿಂದ ಈ ಕಿಲಾಡಿ ರೋಹನ್​ ಪೊಲೀಸರಿಗೆ ಸೆರೆ ಸಿಕ್ಕಿದ್ದಾನೆ.

ರಾಂಗ್ ರೂಟ್ ರೋಹನ್ ಲಾಕ್ ಆಗಿದ್ದೇಗೆ?

ಆಂಧ್ರಪ್ರದೇಶ ಮೂಲದ ಉದ್ಯಮಿಗೆ ವಂಚಿಸಿ ಈಗ ರೋಹನ್ ಅರೆಸ್ಟ್ ಆಗಿದ್ದಾನೆ. ಸಿಲ್ಕ್ ಸ್ಯಾರಿ ಕಂಪನಿ ಮಾಲೀಕನಾಗಿರುವ ಆ ಉದ್ಯಮಿ ಬ್ಯುಸಿನೆಸ್ ಡೆವಲಪ್​ಗಾಗಿ ಸಾಲದ ಮೊರೆ ಹೋಗಿದ್ದ. ಈ ಟೈಮ್​ಲ್ಲಿ 2023 ರಲ್ಲಿ ಫೈನಾನ್ಸ್​ ಕನ್ಸಲ್‌ಟೆನ್ಸಿ ನಡೆಸ್ತಿದ್ದ ವಿಮಲೇಶ್ ಎಂಬಾತನ ಸಂಪರ್ಕವಾಗಿತ್ತು. ಈ ಟೈಮ್​ನಲ್ಲಿ ಚಿತ್ರದುರ್ಗದ ಸಾಯಿ ಫೈನಾನ್ಸ್ ಸಾಲ ನೀಡ್ತಾರೆ ಅಂತ ವಿಮಲೇಶ್ ಹೇಳಿದ್ದ. ಆಗ ರೋಹನ್ ಈ ಸಾಯಿ ಫೈನಾನ್ಸ್ ನ ಮ್ಯಾನೇಜಿಂಗ್ ಡೈರೆಕ್ಟರ್ ಆಗಿದ್ದ. ವಿಮಲೇಶ್​ನಿಂದ ರೋಹನ್​ಗೆ ಆ ಉದ್ಯಮಿ ಪರಿಚಯವಾಗಿತ್ತು.. ಫೈನಾನ್ಸ್​ನಿಂದ ಸಾಲ ಮಂಜೂರು ಮಾಡಿಸ್ತೀನಿ ಎಂದಿದ್ದ ರೋಹನ್, ಸ್ಟ್ಯಾಂಪ್ ಡ್ಯೂಟಿಗೆ ಹಣ ಬೇಕು ಅಂತ ಡಿಮ್ಯಾಂಡ್ ಮಾಡಿದ್ದ. ಒಂದು ಸ್ಯಾಂಪ್ ಪೇಪರ್‌ಗೆ 49 ಸಾವಿರ ರೂಪಾಯಿ ಆಗುತ್ತೆ ಅಂತೇಳಿ ಒಟ್ಟು ಎಂಬತ್ತು ಸ್ಟ್ಯಾಂಪ್ ಪೇಪರ್​ಗಳಿಗೆ 39,20,000 ಪಡೆದಿದ್ದ.. ಆಮೇಲೆ 15 ದಿನದಲ್ಲಿ ಸಾಲ ಸಿಗುತ್ತೆ ಎಂದವನು ಜೂಟ್ ಆಗಿದ್ದ. ಈ ಸಂಬಂಧ ಜುಲೈ 16 ಕ್ಕೆ ಚಿತ್ರದುರ್ಗದಲ್ಲಿ ಕೇಸ್ ದಾಖಲಾಗಿತ್ತು.. ಬಳಿಕ ಆ ಕೇಸ್ ಮಂಗಳೂರಿಗೆ ವರ್ಗಾವಣೆಯಾಗಿ, ಖತರ್ನಾಕ್​ ಕಿಲಾಡಿ ರೋಹ್​​ನ್ನ ಪೊಲೀಸರು ಲಾಕ್ ಮಾಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ