ಹಿಟ್​ಮ್ಯಾನ್​ ರೋಹಿತ್ ಸ್ಫೋಟಕ, ರಯಾನ್ ಸಿಡಿಲಬ್ಬರ.. ಓಪನರ್ಸ್​ ಇಬ್ಬರೂ ಭರ್ಜರಿ ಅರ್ಧಶತಕ

ರಾಜಸ್ಥಾನ್ ರಾಯಲ್ಸ್​ ವಿರುದ್ಧ ನಡೆಯುತ್ತಿರುವ ಐಪಿಎಲ್ ಪಂದ್ಯದಲ್ಲಿ ಮುಂಬೈ ಓಪನರ್ಸ್​ ಹಿಟ್​​ಮ್ಯಾನ್​ ರೋಹಿತ್ ಶರ್ಮಾ ಹಾಗೂ​ ರಯಾನ್ ರಿಕೆಲ್ಟನ್ ಇಬ್ಬರೂ ಭರ್ಜರಿ ಹಾಫ್​ಸೆಂಚುರಿ ಬಾರಿಸಿದ್ದಾರೆ.

ಜೈಪುರದ ಸವಾಯಿ ಮಾನ್ಸಿಂಗ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ರಾಜಸ್ಥಾನ್ ರಾಯಲ್ಸ್​ ತಂಡದ ನಾಯಕ ರಿಯಾನ್ ಪರಾಗ್ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡರು. ಅದರಂತೆ ಬ್ಯಾಟಿಂಗ್​​ಗೆ ಆಗಮಿಸಿದ ಮುಂಬೈ ಪರ ಓಪನರ್ಸ್​ ಹಿಟ್​​ಮ್ಯಾನ್ ರೋಹಿತ್ ಶರ್ಮಾ ಹಾಗೂ ರಯಾನ್ ರಿಕೆಲ್ಟನ್​ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿದರು. ರಾಯಲ್ಸ್​ ಬೌಲರ್​ಗಳನ್ನು ಮೂಲೆ ಗುಂಪು ಮಾಡಿದರು.

ಇದನ್ನೂ ಓದಿ:ವೈಭವ್ ಸೂರ್ಯವಂಶಿ ನೋಡಿ MS ಧೋನಿ ಏನು ಹೇಳಿದರು..? ಹಿಂಗಾ ಕಮೆಂಟ್ ಮಾಡೋದು

ಮೊದಲಿನಿಂದಲೂ ಅಬ್ಬರದ ಬ್ಯಾಟಿಂಗ್ ಮಾಡಿದ ರಯಾನ್ ರಿಕೆಲ್ಟನ್ ದೊಡ್ಡ ದೊಡ್ಡ ಹೊಡೆತಗಳಿಗೆ ಕೈಹಾಕಿ ಯಶಸ್ವಿಯಾದರು. ಹೀಗಾಗಿಯೇ ಕೇವಲ 28 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 3 ಸಿಕ್ಸರ್​ಗಳಿಂದ ಅಮೋಘವಾದ ಅರ್ಧಶತಕ ದಾಖಲಿಸಿದರು. ರಯಾನ್ ರಿಕೆಲ್ಟನ್ ಐಪಿಎಲ್​ ಟೂರ್ನಿಯಲ್ಲಿ ಉತ್ತಮವಾದ ಪ್ರದರ್ಶನ ನೀಡುತ್ತಿದ್ದಾರೆ.

ಇನ್ನೊಂದೆಡೆ ನಿಧಾನವಾದ ಬ್ಯಾಟಿಂಗ್ ಮಾಡಿದ ರೋಹಿತ್ ಶರ್ಮಾ, ರಾಜಸ್ಥಾನ್​ ಬೌಲರ್​ಗಳನ್ನು ಚೆಂಡಾಡಿದರು. ಪಂದ್ಯದಲ್ಲಿ ಅತ್ಯಂತ ತಾಳ್ಮೆ ಪ್ರದರ್ಶಿಸಿದ ಹಿಟ್​ಮ್ಯಾನ್​ ಹಾಫ್​ಸೆಂಚುರಿ ಬಾರಿಸುವವರೆಗೂ ಒಂದೂ ಸಿಕ್ಸ್​ ಕೂಡ ಹೊಡೆಯಲಿಲ್ಲ. ಪಂದ್ಯದಲ್ಲಿ 31 ಬಾಲ್​ಗಳನ್ನು ಆಡಿದ ರೋಹಿತ್ 9 ಬೌಂಡರಿಗಳಿಂದ 50 ರನ್​ಗಳನ್ನು ಪೂರೈಸಿದರು. ತಂಡದ ಮೊತ್ತ 116 ರನ್​ ಆಗಿದ್ದಾಗ ರಯಾನ್ ವಿಕೆಟ್​ ಒಪ್ಪಿಸಿದ್ರೆ, ತಂಡದ ಮೊತ್ತ 123 ರನ್​ ವೇಳೆ ರೋಹಿತ್ ಶರ್ಮಾ ಕ್ಯಾಚ್ ಔಟ್ ಅದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ