ರೋಹಿತ್ ಶರ್ಮಾಗೆ ಮೋಸ್ಟ್ ಕ್ರೂಶಿಯಲ್ ಮ್ಯಾಚ್.. ಹಿಟ್​​ಮ್ಯಾನ್​ ಟ್ರ್ಯಾಕ್​ಗೆ ಬರದಿದ್ರೆ ಬೆಂಚ್ ಫಿಕ್ಸ್!

ಮುಂಬೈ ಇಂಡಿಯನ್ಸ್, ಗುಜರಾತ್ ಟೈಟನ್ಸ್​ ಬ್ಯಾಟಲ್​ಗೆ ಕೌಂಟ್​ಡೌನ್ ಶುರುವಾಗಿದೆ. ಈ ಎರಡು ತಂಡಗಳ ಹಣಾಹಣಿ ಹಿಟ್​ಮ್ಯಾನ್ ರೋಹಿತ್ ಶರ್ಮಾ ಪಾಲಿಗೆ ಡು ಆರ್ ಡೈ ಮ್ಯಾಚ್​ ಆಗಿ ಪರಿಣಮಿಸಿದೆ. ತಂಡಗಳ ಸೋಲು-ಗೆಲುವಿಗಿಂತ ರೋಹಿತ್​ ಶರ್ಮಾ ಭವಿಷ್ಯವೇ ಎಲ್ಲರ ಕುತೂಹಲಕ್ಕೆ ಕಾರಣವಾಗಿದೆ.

ಮುಂಬೈ ಇಂಡಿಯನ್ಸ್​, ಗುಜರಾತ್ ಟೈಟನ್ಸ್​ ಬಿಗ್ ಬ್ಯಾಟಲ್​ಗೆ ವೇದಿಕೆ ಸಜ್ಜಾಗಿದೆ. ನಮೋ ಸ್ಟೇಡಿಯಂನಲ್ಲಿ ಹೈವೋಲ್ಟೇಜ್​​ ಫೈಟ್ ನಡೆಯಲಿದ್ದು, ಉಭಯ ತಂಡಗಳ ಕಾಳಗ ನೋಡೋಕೆ ಫ್ಯಾನ್ಸ್​ ತುದಿಗಾಲಲ್ಲಿ ನಿಂತಿದ್ದಾರೆ. ಈ ಹೈವೋಲ್ಟೇಜ್​ ಪಂದ್ಯದ ಸೆಂಟರ್ ಆಫ್ ಅಟ್ರಾಕ್ಷನ್ ಹಿಟ್​ಮ್ಯಾನ್ ರೋಹಿತ್ ಶರ್ಮಾ. ಇದಕ್ಕೆ ಕಾರಣ ಕಳೆದ ಪಂದ್ಯದ ಆಟ.

ಚೆನ್ನೈ ವಿರುದ್ಧ ರೋಹಿತ್ ಶರ್ಮಾ ಡಕೌಟ್

ಚಾಂಪಿಯನ್ಸ್​ ಟ್ರೋಫಿ ಫೈನಲ್​ನಲ್ಲಿ ಅಬ್ಬರಿಸಿದ್ದ ರೋಹಿತ್, ಐಪಿಎಲ್​ನಲ್ಲಿ ಸಿಡಿಲಬ್ಬರದ ಪ್ರದರ್ಶನ ನೀಡ್ತಾರೆ ಅನ್ನೋ ಲೆಕ್ಕಾಚಾರ ಇತ್ತು. ಆದ್ರೆ, ಚೆನ್ನೈನ ಚೆಪಾಕ್​ನಲ್ಲಿ ನಿರೀಕ್ಷೆ ಹುಸಿಯಾಯ್ತು. ಜಸ್ಟ್​ 4 ಎಸೆತ ಎದುರಿಸಿ ಶೂನ್ಯಕ್ಕೆ ಪೆವಿಲಿಯನ್ ಸೇರಿದ ರೋಹಿತ್, ಭಾರೀ ನಿರಾಸೆ ಮೂಡಿಸಿದರು. ಅಷ್ಟೇ ಅಲ್ಲ, 19ನೇ ಬಾರಿ ಶೂನ್ಯಕ್ಕೆ ಪೆವಿಲಿಯನ್ ಸೇರಿದ ಅಪಖ್ಯಾತಿಗೆ ರೋಹಿತ್ ಗುರಿಯಾದರು.

8 ಪಂದ್ಯ.. 120 ರನ್​.. ವೈಫಲ್ಯದಿಂದ ಹೊರಬರ್ತಾರಾ.?

ಸೀಸನ್​​-18ರ ಮೊದಲ ಪಂದ್ಯದಲ್ಲಿ ಡಕೌಟ್ ಆಗಿದ್ದ ರೋಹಿತ್, ಈ ಸೀಸನ್​ನ ಮೊದಲ ಪಂದ್ಯದಲ್ಲಿ ಮಾತ್ರವೇ ವೈಫಲ್ಯ ಅನುಭವಿಸಿಲ್ಲ. ಈ ಹಿಂದಿನ 8 ಐಪಿಎಲ್​​ ಪಂದ್ಯಗಳಲ್ಲೂ ರನ್ ಗಳಿಸಲು ವಿಫಲರಾಗಿದ್ದಾರೆ. ಎರಂಡಕಿ ಗಡಿ ದಾಟಲು ಹೆಣಗಾಡಿದ್ದಾರೆ. ಹೀಗಾಗಿ ಇವತ್ತಿನ ಪಂದ್ಯದಲ್ಲಿ ಹಿಟ್​ಮ್ಯಾನ್, ವೈಫಲ್ಯದ ಸುಳಿಯಿಂದ ಹೊರ ಬರಬೇಕಾದ ಅನಿವಾರ್ಯತೆಗೆ ಸಿಲುಕಿದ್ದಾರೆ.

ಪರ್ಫಾರ್ಮ್ ಮಾಡಿದ್ರೆ ಬಚಾವ್​.. ಇಲ್ಲ ಬೆಂಚ್ ಫಿಕ್ಸ್..!

ರೋಹಿತ್ ಶರ್ಮಾ ಪಾಲಿಗೆ ಇವತ್ತು ಮೋಸ್ಟ್ ಕ್ರೂಶಿಯಲ್ ಮ್ಯಾಚ್. ವೈಫಲ್ಯದ ಸುಳಿಯಲ್ಲಿ ಸಿಲುಕಿರುವ ರೋಹಿತ್, ಗುಜರಾತ್ ಎದುರು ತನ್ನ ಖದರ್ ತೋರಿಸಬೇಕಿದೆ. ಇಲ್ಲದಿದ್ರೆ, ಮುಂದಿನ ಪಂದ್ಯಗಳಲ್ಲಿ ಬೆಂಚ್ ಕಾಯಬೇಕಾದ ಪರಿಸ್ಥಿತಿ ಎದುರಾದರು ಅಚ್ಚರಿ ಇಲ್ಲ. ಸದ್ಯ ಇಂಪ್ಯಾಕ್ಟ್​ ಪ್ಲೇಯರ್ ಆಗಿ ಆಡ್ತಿರುವ ರೋಹಿತ್, ಇಂಪ್ಯಾಕ್ಟ್​ ಫುಲ್ ಪರ್ಫಾಮೆನ್ಸ್ ನೀಡದಿದ್ದರೆ ಬೆಂಚ್ ಇಲ್ದೇ ಬೇರೆ ಗತಿ ಇಲ್ಲ.

ಯಂಗ್​​ಸ್ಟರ್ಸ್ ಮಿಂಚಿದ್ರೆ ಕಳೆದು ಹೋಗ್ತಾರೆ ರೋಹಿತ್!

ಮುಂಬೈ ತಂಡದಲ್ಲಿ ಯುವ ಆಟಗಾರರ ಬಳಗವೇ ಇದೆ. ಒಂದೇ ಒಂದು ಚಾನ್ಸ್ ಸಿಕ್ಕರೂ ಎನ್​ಕ್ಯಾಶ್ ಮಾಡಿಕೊಳ್ಳವ ಟ್ಯಾಲೆಟೆಂಡ್​ ಆಟಗಾರರು ಇದ್ದಾರೆ. ನಮನ್ ಧೀರ್, ರಾಬಿನ್ ಮಿನ್ಜ್​, ವಿಲ್​ ಜಾಕ್ಸ್​ರಂಥ ಆಟಗಾರರು ಟಾಪ್ ಆರ್ಡರ್​ನಲ್ಲಿ ಆಡೋಕೆ ತುದಿಗಾಲಿನಲ್ಲಿ ನಿಂತಿದ್ದಾರೆ. ಆದ್ರೆ, ರೋಹಿತ್, ಮತ್ತೆ ಮತ್ತೆ ವೈಫಲ್ಯ ಅನುಭವಿಸಿದ್ದಾರೆ.

ಇದನ್ನೂ ಓದಿ:ಮುಂಬೈಯಲ್ಲಿ ಹಿಟ್​ಮ್ಯಾನ್ ಅಟ್ಯಾಕ್ ಮಾಡ್ತಿಲ್ಲ, ಸೂರ್ಯ ಬೆಳಗ್ತಿಲ್ಲ.. ಗಿಲ್ ತಂಡದಲ್ಲೂ ವೀಕ್ನೆಸ್!

ರೋಹಿತ್ ಈಗ ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್ ಅಲ್ಲ. ಕೇವಲ ಆಟಗಾರನಾಗಿರುವ ರೋಹಿತ್, ಫಿಟ್​ನೆಸ್ ಕೂಡ ಅದ್ಭುತವಾಗಿಲ್ಲ. ಮುಂಬೈ ಪಡೆಯಲ್ಲಿ ರೋಹಿತ್​, ಸ್ಥಾನ ತುಂಬಲು ಯುವ ಆಟಗಾರರ ಬಳಗ ರೆಡಿಯಿದೆ. ಹೀಗಾಗಿ ಮ್ಯಾನೇಜ್​​ಮೆಂಟ್​​ ಖಡಕ್​​ ನಿರ್ಧಾರ ತೆಗೆದುಕೊಂಡ್ರೆ, ರೋಹಿತ್​ ಖೇಲ್​ ಖತಂ ಆಗಲಿದೆ.

ಮುಂಬೈ ಇಂಡಿಯನ್ಸ್​ ಮಾಲೀಕರು, ಪಕ್ಕಾ ಬ್ಯಸಿನೆಸ್ ಮೈಂಡೆಡ್​​ಗಳು. ಇದಕ್ಕೆ ಬೆಸ್ಟ್​ ಎಕ್ಸಾಂಪಲ್​ 2024ರ ಐಪಿಎಲ್. ಈ ಟೂರ್ನಿಗೂ ಮುನ್ನ 5 ಬಾರಿ ಕಪ್​ ಗೆಲ್ಲಿಸಿಕೊಟ್ಟಿದ್ದನ್ನೂ ಮರೆತು ರೋಹಿತ್​ ಶರ್ಮಾನ ನಾಯಕತ್ವದಿಂದ ಕೆಳಗಿಳಿಸಿದರು. ಹಾರ್ದಿಕ್​ ಪಾಂಡ್ಯನ ಗುಜರಾತ್​ನಿಂದ ಕರೆತಂದು ಪಟ್ಟ ಕಟ್ಟಿದ್ದರು. ಇದೀಗ ಆಟಗಾರನಾಗಿ ರೋಹಿತ್, ವೈಫಲ್ಯ ಅನುಭವಿಸ್ತಿದ್ದಾರೆ. ಹಿಂದೆ ನಾಯಕತ್ವದ ವಿಚಾರದಲ್ಲಿ ತೆಗೆದುಕೊಂಡಂತೆ ಬ್ಯಾಟಿಂಗ್​ ವಿಚಾರದಲ್ಲೂ ಖಡಕ್​ ನಿರ್ಧಾರ ತೆಗೆದುಕೊಳ್ಳೋ ಸಾಧ್ಯತೆಯನ್ನ ತಳ್ಳಿ ಹಾಕುವಂತಿಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ