ಕ್ಯಾಪ್ಟನ್ ರೋಹಿತ್ ಕ್ರಿಕೆಟ್​ ಯುಗಾಂತ್ಯಕ್ಕೆ ಮತ್ತೊಂದು ಸೂಚನೆ..

ಬಾಕ್ಸಿಂಗ್​ ಡೇ ಟೆಸ್ಟ್​ನಲ್ಲಾದ್ರೂ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಕಮ್​ಬ್ಯಾಕ್​ ಮಾಡ್ತಾರೆ ಅನ್ನೋ ನಿರೀಕ್ಷೆ ಹುಸಿಯಾಗಿದೆ. ಸಮರಾಭ್ಯಾಸದ ಕಣದಲ್ಲೇ ಹಿಟ್​ಮ್ಯಾನ್​ ಮುಗ್ಗರಿಸಿದ್ದಾರೆ. ಟೀಮ್​ ಇಂಡಿಯಾ ನಾಯಕ ನೆಟ್ಸ್​ನಲ್ಲಿ ಪರದಾಡಿರೋದನ್ನ ನೋಡಿದ್ರೆ ರೋಹಿತ್​ ಕರಿಯರ್​​ ಶೀಘ್ರದಲ್ಲೇ ಅಂತ್ಯ ಅಂತಾ ಅನ್ನಿಸದೇ ಇರಲ್ಲ.

ಇಂಡೋ-ಆಸಿಸ್​​ ಬಾಕ್ಸಿಂಗ್​ ಡೇ ಟೆಸ್ಟ್​​​ಗೆ ಕೌಂಟ್​​​ಡೌನ್​ ಶುರುವಾಗಿದೆ. ಮಹತ್ವದ ಟೆಸ್ಟ್​ ಪಂದ್ಯಕ್ಕೆ ಟೀಮ್​ ಇಂಡಿಯಾ ಸಿದ್ಧತೆ ಜೋರಾಗಿದೆ. ಬಾಕ್ಸಿಂಗ್​ ಡೇ ಟೆಸ್ಟ್​​ ಗೆದ್ದು ಬೀಗಲು ತಯಾರಿ ನಡೆಸಿರೋ ಟೀಮ್​ ಇಂಡಿಯಾಗೆ ನಾಯಕನೇ ದೊಡ್ಡ ತಲೆನೋವಾಗಿದ್ದಾರೆ. ಕ್ಯಾಪ್ಟನ್​ ರೋಹಿತ್​ ಶರ್ಮಾ ಆಟ ಸದ್ಯ ಮ್ಯಾನೇಜ್​ಮೆಂಟ್​​ ತಲೆ ಕೆಡಿಸಿದೆ.

ಮುಂದುವರೆದ ಹಿಟ್​ಮ್ಯಾನ್​ ಪರದಾಟ

3 ಇನ್ನಿಂಗ್ಸ್​. 19 ರನ್. 6.33ರ ಎವರೇಜ್. ಇದು ವಿಶ್ವ ಕ್ರಿಕೆಟ್​ ಲೋಕದ ಒನ್​ ಆಫ್​ ದ ಬೆಸ್ಟ್​ ಬ್ಯಾಟ್ಸ್​ಮನ್​, ಟೀಮ್​ ಇಂಡಿಯಾ ನಾಯಕ, ಹಿಟ್​​ಮ್ಯಾನ್​ ಎಂದೇ ಕರೆಸಿಕೊಳ್ಳೋ ರೋಹಿತ್​ ಶರ್ಮಾರ ಸಾಧನೆ. ಬಾರ್ಡರ್​​-ಗವಾಸ್ಕರ್​​ ಟೆಸ್ಟ್​ ಸರಣಿಯಲ್ಲಿ ಆಸ್ಟ್ರೇಲಿಯಾ ಪಾಲಿಗೆ ವಿಲನ್​ ಆಗ್ತಾರೆ ಅಂದ್ಕೊಂಡಿದ್ದ ರೋಹಿತ್​​ ಇದೀಗ ಟೀಮ್​ ಇಂಡಿಯಾಗೆ ವಿಲನ್​ ಆಗಿದ್ದಾರೆ. ಆಡಿದ ಎರಡೂ ಪಂದ್ಯಗಳಲ್ಲಿ ಫ್ಲಾಪ್​ ಶೋ ನೀಡಿ ತಂಡಕ್ಕೆ ಹೊರೆಯಾಗಿದ್ದಾರೆ.

ಇದನ್ನೂ ಓದಿ:ಕಿಚ್ಚ ಸುದೀಪ್ ಅಭಿಮಾನಿಗಳಿಗೆ ಡಬಲ್ ಸಂಭ್ರಮ.. ಗ್ರ್ಯಾಂಡ್ ಆಗಿ ತೆರೆಗೆ ಅಪ್ಪಳಿಸಿದ MAX

ಆಸಿಸ್​ ಪ್ರವಾಸ ಮಾತ್ರವಲ್ಲ. ಇದಕ್ಕೂ ಮುನ್ನ ತವರಿನಲ್ಲಿ ನಡೆದ ನ್ಯೂಜಿಲೆಂಡ್​, ಬಾಂಗ್ಲಾದೇಶ ಎದುರಿನ ಸರಣಿಗಳಲ್ಲೂ ವೈಫಲ್ಯ ಅನುಭವಿಸಿದ್ರು. ಬಾಕ್ಸಿಂಗ್​ ಡೇ ಕದನದಲ್ಲಿ ರೋಹಿತ್​ ಶರ್ಮಾ ಕಮ್​​ಬ್ಯಾಕ್​ ಮಾಡ್ತಾರೆ ಅನ್ನೋ ನಿರೀಕ್ಷೆ ಅಭಿಮಾನಿಗಳಲ್ಲಿತ್ತು. ಆ ನಿರೀಕ್ಷೆ ಪಂದ್ಯಕ್ಕೂ ಮುನ್ನವೇ ಹುಸಿಯಾಗಿದೆ. ಅಭ್ಯಾಸದ ಕಣದಲ್ಲೇ ಹಿಟ್​​ಮ್ಯಾನ್​ ಪರದಾಟ ಶುರುಮಾಡಿದ್ದಾರೆ.

​ಪಡಿಕ್ಕಲ್​ ಸ್ಪಿನ್​ಗೆ ಕ್ಲೀನ್​ ಬೋಲ್ಡ್​

ಜಸ್​​ಪ್ರಿತ್​ ಬೂಮ್ರಾ, ಸಿರಾಜ್​ ಅಥವಾ ಜಡೇಜಾ ಅಲ್ಲ. ಅನಾನುಭವಿ, ದೇಶಿ ಕ್ರಿಕೆಟ್​​ನಲ್ಲೂ ಬೌಲಿಂಗ್​ ಮಾಡದ ​ಪಡಿಕ್ಕಲ್​ಗೆ ರೋಹಿತ್​ ಶರ್ಮಾ ಕ್ಲೀನ್​ ಕ್ಲೀನ್​ಬೋಲ್ಡ್​ ಆಗಿರೋದು. ಒಂದು ಸಣ್ಣ ಕ್ಲೂ ಕೂಡ ಸಿಗದ ರೀತಿಯಲ್ಲಿ ರೋಹಿತ್​ ಶರ್ಮಾ, ಪಡಿಕ್ಕಲ್​ ಬೌಲಿಂಗ್​ನಲ್ಲಿ ಔಟಾಗಿದ್ದಾರೆ. ಈ ಔಟಾದ ರೀತಿ ರೋಹಿತ್​ ಯುಗಾಂತ್ಯದ ಸೂಚನೆ ನೀಡ್ತಿದೆ.

ರೋಹಿತ್​ ಪರದಾಟ

ನೆಟ್ಸ್​​ನಲ್ಲಿ ದೇವದತ್ತ್​​ ಪಡಿಕ್ಕಲ್​ ಬೌಲಿಂಗ್​ನಲ್ಲಿ ಔಟಾಗಿದ್ದು ಮಾತ್ರವಲ್ಲ. ಈ ವರ್ಷದಲ್ಲಿ ಸ್ಪಿನ್​ ಎದುರು ರೋಹಿತ್​ ವೀಕ್​ನೆಸ್ ಪದೇ ಪದೇ ಎಕ್ಸ್​ಪೋಸ್​ ಆಗಿದೆ. ತವರು ಭಾರತದಲ್ಲಿ ನಡೆದ ಟೆಸ್ಟ್​ ಪಂದ್ಯಗಳೂ ಸೇರಿದಂತೆ ಒಟ್ಟಾರೆ ರೋಹಿತ್​ ಶರ್ಮಾ ಸ್ಪಿನ್​ ಎದುರು ಪರದಾಡಿದ್ದಾರೆ.

ಇದನ್ನೂ ಓದಿ:ಮತ್ತೊಂದು ಐತಿಹಾಸಿಕ ಸಂಭ್ರಮಕ್ಕೆ ಕುಂದಾನಗರಿ ಸಜ್ಜು; ಇದೇ ತಿಂಗಳು ನಡೆಯುಲಿವೆ 3 ಪ್ರಮುಖ ಕಾರ್ಯಕ್ರಮಗಳು

2024ರಲ್ಲಿ ಸ್ಪಿನ್​​ ಎದುರು ರೋಹಿತ್​

2024ರಲ್ಲಿ ಒಟ್ಟು 9 ಬಾರಿ ಸ್ಪಿನ್ನರ್​ಗಳ ಎದುರು ರೋಹಿತ್​ ಔಟಾಗಿದ್ದಾರೆ. ಈ ಪೈಕಿ ತಲಾ 2 ಬಾರಿ ಬೋಲ್ಡ್​ ಹಾಗೂ ಎಲ್​ಬಿ ಬಲೆಗೆ ಬಿದ್ದಿದ್ದಾರೆ. 1 ಬಾರಿ ವಿಕೆಟ್​ ಕೀಪರ್​​ಗೆ ಕ್ಯಾಚ್​ ಕೊಟ್ಟು ನಿರ್ಗಮಿಸಿದ್ರೆ, 4 ಬಾರಿ ಫೀಲ್ಡರ್ಸ್​ಗೆ ಕ್ಯಾಚ್​ ನೀಡಿ ಪೆವಿಲಿಯನ್​ ಸೇರಿದ್ದಾರೆ. ಒಂದೆಡೆ ಸ್ಪಿನ್​ ಎದುರು ಪರದಾಟ ನಡೆಸ್ತಿರೋ ರೋಹಿತ್​ ಶರ್ಮಾ, ರನ್​ಗಳಿಕೆಗಂತೂ ತಿಣುಕಾಟ ನಡೆಸ್ತಿದ್ದಾರೆ. ಕಳೆದ 13 ಟೆಸ್ಟ್​ ಪಂದ್ಯಗಳ ಪರ್ಫಾಮೆನ್ಸ್​ ಅಂತೂ ನೀರಸವಾಗಿದೆ. ಅಂಕಿ-ಅಂಶಗಳನ್ನ ನೋಡಿದ್ರೆ, ರೋಹಿತ್ ಶರ್ಮಾ​ ಟೆಸ್ಟ್​ ಕರಿಯರ್​ಗೆ ಫುಲ್​ ಸ್ಟಾಪ್​ ಇಡೋದು ಬೆಸ್ಟ್​ ಅನ್ನಿಸದೇ ಇರಲ್ಲ.

7 ಟೆಸ್ಟ್​​ಗಳಲ್ಲಿ ರೋಹಿತ್​ ಶರ್ಮಾ

ಕಳೆದ 7 ಟೆಸ್ಟ್​​ ಪಂದ್ಯಗಳಿಂದ 13 ಇನ್ನಿಂಗ್ಸ್​ಗಳಲ್ಲಿ ಬ್ಯಾಟ್​ ಬೀಸಿರುವ ರೋಹಿತ್​ ಶರ್ಮಾ ಕೇವಲ 152 ರನ್​ಗಳಿಸಿದ್ದಾರೆ. ಕೇವಲ 11.69ರ ಹೀನಾಯ ಸರಾಸರಿಯನ್ನ ಹೊಂದಿದ್ದಾರೆ. ಒಟ್ಟಿನಲ್ಲಿ ರನ್​ಗಳಿಕೆಗೆ ತಿಣುಕಾಟ ನಡೆಸ್ತಿರೋ ರೋಹಿತ್​ ಶರ್ಮಾ, ನೆಟ್ಸ್​ನಲ್ಲಿ ಕೂಡ ಬ್ಯಾಟಿಂಗ್​ ಮಾಡಲು ಪರದಾಡಿದ್ದಾರೆ. ಪಾರ್ಟ್​​ ಟೈಮ್​ ಬೌಲರ್​ ದೇವದತ್ತ್ ಪಡಿಕ್ಕಲ್​ಗೇ ಕ್ಲೀನ್​ ಬೋಲ್ಡ್​ ಆಗಿರೋ ರೋಹಿತ್​​ ಶರ್ಮಾ, ಇನ್ನು ಮ್ಯಾಚ್​ನಲ್ಲಿ ಆಸ್ಟ್ರೇಲಿಯಾದ ಮಿಚೆಲ್​ ಸ್ಟಾರ್ಕ್​, ಪ್ಯಾಟ್​​ ಕಮಿನ್ಸ್​, ನಥನ್​ ಲಯನ್​ರಂತ ದಿಗ್ಗಜರನ್ನ ಹೇಗೆ ಎದುರಿಸ್ತಾರೋ.

ಇದನ್ನೂ ಓದಿ:2 ಕೋಟಿ ಚಿನ್ನ ವಂಚನೆ ಕೇಸ್​​ಗೆ ಬಿಗ್​ ಟ್ವಿಸ್ಟ್​​​; ಶ್ವೇತಾ ಗೌಡಗೂ ವರ್ತೂರು ಪ್ರಕಾಶ್​ಗೂ ಏನು ಸಂಬಂಧ?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ