ODI ಕ್ಯಾಪ್ಟನ್ಸಿಯಿಂದ ರೋಹಿತ್ ಔಟ್..? ಆಸ್ಟ್ರೇಲಿಯಾ ಸರಣಿಯಿಂದ ಟೀಂ ಇಂಡಿಯಾಗೆ ಹೊಸ ನಾಯಕ..!

ಅಂತಾರಾಷ್ಟ್ರೀಯ ಏಕದಿನ ಪಂದ್ಯಗಳಿಗೂ ಶುಬ್ಮನ್ ಗಿಲ್ ಅವರೇ ನಾಯಕರಾಗಲಿದ್ದಾರೆ! ಮುಂಬರುವ ಟೂರ್ನಿಗಳಲ್ಲಿ ರೋಹಿತ್ ಬದಲಿಗೆ ಗಿಲ್​ ಅವರು ಮುನ್ನಡೆಸಲಿದ್ದಾರೆ ಎನ್ನಲಾಗುತ್ತಿದೆ. ಪ್ರಸ್ತುತ ಏಕದಿನ ಪಂದ್ಯಗಳಿಗೆ ರೋಹಿತ್ ಶರ್ಮಾ ನಾಯಕರಾಗಿದ್ದಾರೆ. ರೋಹಿತ್​​ ಅವರಿಂದ ಕ್ಯಾಪ್ಟನ್ಸಿ ಪಟ್ಟನ್ನು ಗಿಲ್​ ಟೇಕ್ ಓವರ್​ ಮಾಡಲಿದ್ದಾರೆ ಎಂದು ವರದಿಯಾಗಿದೆ.

ಈಗಾಗಲೇ ರೋಹಿತ್ ಶರ್ಮಾ, ಟಿ-20 ಹಾಗೂ ಟೆಸ್ಟ್​ ಕ್ರಿಕೆಟ್​ಗಳಿಗೆ ವಿದಾಯ ಹೇಳಿದ್ದಾರೆ. ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್​​ಗೆ ಇನ್ನೂ ನಿವೃತ್ತಿ ಘೋಷಣೆ ಮಾಡಿಲ್ಲ. 2027ರಲ್ಲಿ ನಡೆಯುವ ಏಕದಿನ ವಿಶ್ವಕಪ್ ಆಡಬೇಕು ಎಂಬ ಕನಸು ರೋಹಿತ್ ಶರ್ಮಾ ಅವರದ್ದು. ಆದರೆ, ಅಲ್ಲಿಯವರೆಗೆ ರೋಹಿತ್ ಫಿಟ್ನೆಸ್ ಕಾಪಾಡಿಕೊಳ್ಳಬೇಕಾಗಿದೆ.

ವಿಶ್ವಕಪ್​​ಗೂ ಮುನ್ನ ಭಾರತ ತಂಡ ಹಲವು ಏಕದಿನ ಪಂದ್ಯಗಳನ್ನ ಆಡಲಿದೆ. ಈ ಪಂದ್ಯಗಳನ್ನು ರೋಹಿತ್ ಶರ್ಮಾ ಮುನ್ನಡೆಸಲಿದ್ದಾರೆ ಎಂದು ಹೇಳಲಾಗಿತ್ತು. ಕೆಲವು ಮಾಹಿತಿಗಳ ಪ್ರಕಾರ, ಇನ್ಮುಂದೆ ಗಿಲ್ ಅವರು ಟೀಂ ಇಂಡಿಯಾವನ್ನು ಮುನ್ನಡೆಸಲಿದ್ದಾರೆ.

🚨 Shubman Gill will captain India in their next ODI Series. 🚨 @rohitjuglan reports. pic.twitter.com/NzocUXgvPV

— Ahmed Says (@AhmedGT_) July 10, 2025

ಭಾರತ ತಂಡ ಸದ್ಯದಲ್ಲೇ ಏಕದಿನ ಪಂದ್ಯವನ್ನು ಆಡಲು ಆಸ್ಟ್ರೇಲಿಯಾ ಪ್ರವಾಸ ಮಾಡಲಿದೆ. ಅಲ್ಲದೇ ಶ್ರೀಲಂಕಾ ವಿರುದ್ಧವೂ ದ್ವಿಪಕ್ಷೀಯ ಪಂದ್ಯಗಳು ಆಯೋಜನೆಗಳ್ಳಲಿವೆ. ಈ ಸರಣಿಯಲ್ಲಿ ರೋಹಿತ್ ಶರ್ಮಾ ತಂಡದಲ್ಲಿದ್ದರೂ, ಗಿಲ್ ಅವರೇ ನಾಯಕತ್ವ ವಹಿಸಿಕೊಳ್ಳಲಿದ್ದಾರೆ ಅಂತಾ ಹೇಳಲಾಗುತ್ತಿದೆ. ಈ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ದೊಡ್ಡ ಚರ್ಚೆಗಳೇ ನಡೆಯುತ್ತಿವೆ.

Whenever India's next odi series will be - Gill will lead

— Rohit Juglan (@rohitjuglan) July 10, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ