ಸೆಂಚುರಿ ಬಾಲಕ ವೈಭವ್ ಡಕೌಟ್​; ರೋಹಿತ್, ರಯಾನ್, ಸೂರ್ಯ ಅಬ್ಬರ.. ನೆಲ ಕಚ್ಚಿದ ರಾಯಲ್ಸ್​

ತವರಿನಲ್ಲಿ ನಡೆದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ವಿರುದ್ಧ ರಾಜಸ್ಥಾನ್ ರಾಯಲ್ಸ್​ ಹೀನಾಯವಾಗಿ ಸೋಲು ಕಂಡಿದೆ. 218 ರನ್​ಗಳ ದೊಡ್ಡ ಸ್ಕೋರ್​ ಚೇಸ್ ಮಾಡಲಾಗದೇ ರಾಜಸ್ಥಾನ್ 100 ರನ್​ಗಳ ಅಂತರದಿಂದ ತಲೆ ಬಾಗಿದೆ. ಇದರಿಂದ ಪ್ಲೇ ಆಫ್​ನಿಂದಲೂ ರಾಯಲ್ಸ್​ ಹೊರ ಬಿದ್ದಂತೆ ಆಯಿತು.

ಸವಾಯಿ ಮಾನ್ಸಿಂಗ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್​ ತಂಡದ ನಾಯಕ ರಿಯಾನ್ ಪರಾಗ್ ಟಾಸ್ ಗೆದ್ದು ಎದುರಾಳಿ ಮುಂಬೈ ತಂಡವನ್ನು ಬ್ಯಾಟಿಂಗ್​ಗೆ ಆಹ್ವಾನ ಮಾಡಿದರು. ಮುಂಬೈ ಪರ ಓಪನರ್​ಗಳಾಗಿ​ ರೋಹಿತ್ ಶರ್ಮಾ, ರಯಾನ್ ರಿಕೆಲ್ಟನ್​ ಮೈದಾನಕ್ಕೆ ಆಗಮಿಸಿದರು. ಈ ಇಬ್ಬರು ರಾಯಲ್ಸ್​ ಬೌಲರ್​ಗಳ ಮೇಲೆ ಸವಾರಿ ಮಾಡಿದರು. ರಯಾನ್ ರಿಕೆಲ್ಟನ್ ಕೇವಲ 28 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 3 ಸಿಕ್ಸರ್​ಗಳಿಂದ ಅಮೋಘವಾದ ಅರ್ಧಶತಕ ಬಾರಿಸಿದರು.

ಇದನ್ನೂ ಓದಿ:ವೈಭವ್ ಸೂರ್ಯವಂಶಿ ನೋಡಿ MS ಧೋನಿ ಏನು ಹೇಳಿದರು..? ಹಿಂಗಾ ಕಮೆಂಟ್ ಮಾಡೋದು

ರೋಹಿತ್ ಶರ್ಮಾ ಕೂಡ ಪಂದ್ಯದಲ್ಲಿ ತಾಳ್ಮೆಯ ಬ್ಯಾಟಿಂಗ್ ಪ್ರದರ್ಶಿಸಿ 31 ಬಾಲ್​ಗಳಲ್ಲಿ 9 ಬೌಂಡರಿಗಳಿಂದ 50 ರನ್​ ಪೂರೈಸಿದರು. ಕಳೆದ ಪಂದ್ಯದಲ್ಲಿ ವಿಫರಾಗಿದ್ದ ರೋಹಿತ್ ಮತ್ತೆ ಬ್ಯಾಟಿಂಗ್​ ಹಳಿಗೆ ಮರಳಿದರು. ಸೂರ್ಯಕುಮಾರ್ ಸಿಡಿಲಬ್ಬರದ ಬ್ಯಾಟಿಂಗ್ ಮೂಲಕ 48 ರನ್​ಗಳ ಕಾಣಿಕೆ ನೀಡಿದರು. ಕೇವಲ 23 ಎಸೆತ ಎದುರಿಸಿದ ಸೂರ್ಯ, 4 ಬೌಂಡರಿ, 3 ಬಿಗ್ ಸಿಕ್ಸರ್​ನಿಂದ 48 ರನ್​ಗಳಿಂದ ಅಜೇಯರಾಗಿ ಉಳಿದರು. ಇನ್ನು ಕ್ಯಾಪ್ಟನ್ ಹಾರ್ದಿಕ್ ಪಾಂಡ್ಯ ಕೂಡ 23 ಬಾಲ್​ಗಳಲ್ಲಿ 6 ಬೌಂಡರಿ, 1 ಸಿಕ್ಸರ್​ನಿಂದ 48 ರನ್​ ಗಳಿಸಿ ಅಜೇಯರಾದರು. ಹೀಗಾಗಿ ಮುಂಬೈ ಇಂಡಿಯನ್ಸ್ 20 ಓವರ್​ಗಳಲ್ಲಿ ಕೇವಲ 2 ವಿಕೆಟ್​ ನಷ್ಟಕ್ಕೆ 218 ರನ್​ಗಳ ಬಿಗ್ ಟಾರ್ಗೆಟ್​ ನೀಡಿತ್ತು.

ಈ ಗುರಿಯ ಬೆನ್ನು ಬಿದ್ದ ರಾಜಸ್ಥಾನ್ ಆರಂಭದಲ್ಲೇ ಆಘಾತಕ್ಕೆ ಒಳಗಾಯಿತು. ಕಳೆದ ಪಂದ್ಯದಲ್ಲಿ ಸೆಂಚುರಿ ಸಿಡಿಸಿದ್ದ ವೈಭವ್​ ಸೂರ್ಯವಂಶಿ ಡಕೌಟ್ ಆದ್ರೆ ಯಶಸ್ವಿ ಜೈಸ್ವಾಲ್​ 13 ರನ್​ಗೆ ಪೆವಿಲಿಯನ್ ಸೇರಿದರು. ನಿತೀಶ್ ರಾಣ 9, ನಾಯಕ ಪರಾಗ್ 16, ಧೃವ್ ಜುರೆಲ್ 11, ಹೆಟ್ಮರ್​ ಡಕೌಟ್, ಶುಭಂ ದುಬೆ 15, ಹೀಗೆ ರಾಜಸ್ಥಾನ್​ನ ಯಾವ ಆಟಗಾರನೂ ಉತ್ತಮ ಬ್ಯಾಟಿಂಗ್ ಮಾಡಲೇ ಇಲ್ಲ.

ಕೊನೆಯಲ್ಲಿ ರಾಜಸ್ಥಾನ್ ಪರ ಬೌಲರ್​ ಜೋಫ್ರಾ ಆರ್ಚರ್ 27 ಬಾಲ್​ನಲ್ಲಿ 2 ಸಿಕ್ಸರ್​, 2 ಫೋರ್​ನಿಂದ 30 ರನ್​ ಗಳಿಸಿದರು. ಆದರೆ ಆಗಾಲೇ ಸೋಲುವ ಹಂತಕ್ಕೆ ಬಂದಿದ್ದರಿಂದ ತಂಡವನ್ನು ಮೇಲೆತ್ತಲು ಆಗಲಿಲ್ಲ. ಹೀಗಾಗಿ ರಾಜಸ್ಥಾನ್ ರಾಯಲ್ಸ್​ ಕೊನೆದಾಗಿ ತನ್ನೆಲ್ಲಾ ವಿಕೆಟ್​ಗಳನ್ನು ಕಳೆದುಕೊಂಡು 16.1 ಓವರ್​ನಲ್ಲಿ 117 ರನ್​ ಮಾತ್ರ ಗಳಿಸಿ ಸೋಲೋಪ್ಪಿಕೊಂಡಿತು. ಅಲ್ಲದೇ ಈ ಪಂದ್ಯ ಸೋಲುವ ಮೂಲಕ ಚೆನ್ನೈ ನಂತರದಲ್ಲಿ ಆರ್​ಆರ್​ ಪ್ಲೇಆಫ್​​ನಿಂದ ಹೊರ ಬಿದ್ದಂತೆ ಆಗಿದೆ. ​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ