ಆರ್​​ಸಿಬಿಗೆ ಬಂತು ಆನೆಬಲ; ಕೊಹ್ಲಿಗೆ ಹಿಟ್​ಮ್ಯಾನ್​​ ಸಾಥ್​​; ರೋಹಿತ್​​ ಖರೀದಿಗೆ ಎಷ್ಟು ಕೋಟಿ?

author-image
Ganesh Nachikethu
Updated On
IPL Auction: ಈ ಫ್ರಾಂಚೈಸಿ ಪಾಕೆಟ್​​​​ನಲ್ಲೇ ಅತಿ ಹೆಚ್ಚು ಹಣ ಇರೋದು.. ಹಂಗಾದ್ರೆ RCB ಪರ್ಸ್​ ಏನಾಗಿದೆ?
Advertisment
  • 2025ರ ಇಂಡಿಯನ್ ಪ್ರೀಮಿಯರ್ ಲೀಗ್​​​​ ಮೆಗಾ ಹರಾಜು
  • ವರ್ಷದ ಕೊನೆಗೆ ನಡೆಯಲಿರೋ 2025ರ ಮೆಗಾ ಆಕ್ಷನ್​​..!
  • ಅಕ್ಟೋಬರ್ 31 ರೊಳಗೆ ರೀಟೈನ್​ ಲಿಸ್ಟ್​ ಸಲ್ಲಿಕೆಗೆ ಅವಕಾಶ

ಬಹುನಿರೀಕ್ಷಿತ 2025ರ ಇಂಡಿಯನ್ ಪ್ರೀಮಿಯರ್ ಲೀಗ್​​​​ ಮೆಗಾ ಹರಾಜು ವರ್ಷದ ಕೊನೆಗೆ ನಡೆಯಲಿದೆ. ಈಗಾಗಲೇ 6 ಮಂದಿ ಆಟಗಾರರ ರೀಟೈನ್​​ ಮಾಡಿಕೊಳ್ಳಲು ಐಪಿಎಲ್​ ತಂಡಗಳಿಗೆ ಬಿಸಿಸಿಐ ಅವಕಾಶ ನೀಡಿದೆ. ಹಾಗಾಗಿ ಎಲ್ಲಾ ತಂಡಗಳು ಅಕ್ಟೋಬರ್ 31ನೇ ತಾರೀಕಿನ ಒಳಗೆ ರೀಟೈನ್​ ಲಿಸ್ಟ್​ ಬಿಸಿಸಿಐಗೆ ಸಲ್ಲಿಸಬೇಕಿದೆ. ಇದರ ಮಧ್ಯೆ ಆರ್​​ಸಿಬಿಯಿಂದ ಒಂದು ದೊಡ್ಡ ಸುದ್ದಿ ಹೊರಬಿದ್ದಿದೆ.

ಐಪಿಎಲ್ ಮೆಗಾ ಹರಾಜಿಗೂ ಮುನ್ನ ಟೀಮ್​ ಇಂಡಿಯಾದ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಮುಂಬೈ ಇಂಡಿಯನ್ಸ್​ ತೊರೆಯೋದು ಪಕ್ಕಾ ಆಗಿದೆ. ಕಳೆದ ಸೀಸನ್​​ ಸಂದರ್ಭದಲ್ಲಿ ಮುಂಬೈ ಇಂಡಿಯನ್ಸ್​ ಕ್ಯಾಪ್ಟನ್ಸಿ ಕಳೆದುಕೊಂಡು ರೋಹಿತ್​ ಶರ್ಮಾ ಐಪಿಎಲ್​​ ಭವಿಷ್ಯ ಅತಂತ್ರವಾಗಿದೆ. ರೋಹಿತ್ ಶರ್ಮಾ ಮುಂದಿನ ನಡೆ ಏನು ಎಂಬುದು ಭಾರೀ ಕುತೂಹಲ ಮೂಡಿಸಿದೆ.

ಇತ್ತೀಚಿನ ವರದಿಗಳ ಪ್ರಕಾರ ಮುಂಬೈ ಫ್ರಾಂಚೈಸಿ ರೋಹಿತ್ ಅವರನ್ನು ಬಿಡುವ ನಿರ್ಧಾರಕ್ಕೆ ಬಂದಿದೆ ಎಂದು ಹೇಳಲಾಗುತ್ತಿದೆ. ಇಷ್ಟೇ ಅಲ್ಲ ರೋಹಿತ್​ ಮೇಲೆ ಮೆಗಾ ಹರಾಜಿನಲ್ಲಿ ಅನೇಕ ತಂಡಗಳು ಕಣ್ಣಿಟ್ಟಿವೆ. ಈ ಪೈಕಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಕೂಡ ಒಂದು.

ರೋಹಿತ್​​ ಖರೀದಿಗೆ ಎಷ್ಟು ಕೋಟಿ ಬೇಕು?

ಭಾರತದ ಸ್ಟಾರ್ ಆಲ್​​ರೌಂಡರ್​​ ಆರ್​​. ಅಶ್ವಿನ್ ಈ ಬಗ್ಗೆ ಮಾತಾಡಿದ್ದಾರೆ. ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಆರ್​​ಸಿಬಿ ತಂಡದಲ್ಲಿ ಒಟ್ಟಿಗೆ ಆಡಬಹುದು. ಅದಕ್ಕೆ ಆರ್​​ಸಿಬಿ ಮೆಗಾ ಹರಾಜಿನಲ್ಲಿ ರೋಹಿತ್‌ಗಾಗಿ ಕನಿಷ್ಠ 20 ಕೋಟಿ ಮೀಸಲಿಡಬೇಕು ಎಂದಿದ್ದಾರೆ.

ಆರ್‌ಸಿಬಿಗೆ ಚಾಂಪಿಯನ್ ಕ್ಯಾಪ್ಟನ್​ ಬೇಕು

ಐಪಿಎಲ್‌ ಇತಿಹಾಸದಲ್ಲಿ ಅತಿಹೆಚ್ಚು ಅಭಿಮಾನಿಗಳನ್ನು ಹೊಂದಿರೋ ತಂಡ ಆರ್‌ಸಿಬಿ. ಈ ಆರ್​ಸಿಬಿಗೆ ಕಳೆದ 17 ವರ್ಷದಿಂದ ಕಪ್​ ಗೆಲ್ಲಲಿಲ್ಲ ಅನ್ನೋ ಕೊರಗು ಇದೆ. ತಂಡದಲ್ಲಿ ಸ್ಟಾರ್ ಆಟಗಾರರಿದ್ರೂ ಒಮ್ಮೆ ಕೂಡ ಚಾಂಪಿಯನ್​​ ಆಗಿಲ್ಲ. ಹಾಗಾಗಿ 2025ರ ಐಪಿಎಲ್ ಆವೃತ್ತಿಯಲ್ಲಿ ಆರ್‌ಸಿಬಿ ಚಾಂಪಿಯನ್ ಆಗಲು ರೋಹಿತ್​ ಬೇಕಾಗಬಹುದು.

ಇದನ್ನೂ ಓದಿ:ಬೆಂಗಳೂರು ತಂಡಕ್ಕೆ KL​ ರಾಹುಲ್​ ಎಂಟ್ರಿ ಪಕ್ಕಾ; ಸ್ಫೋಟಕ ಸುಳಿವು ಕೊಟ್ಟ RCB

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್

Advertisment