ಮಹತ್ವದ ಟೂರ್ನಿಗೂ ಮುನ್ನಾ ರೋಹಿತ್​​ಗೆ ಎರಡೇ 2 ಚಾನ್ಸ್​.. ಸಂಕಷ್ಟದಲ್ಲಿ ಕ್ಯಾಪ್ಟನ್?

ಇಂಗ್ಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಟೀಮ್ ಇಂಡಿಯಾ ಗೆದ್ದಾಗಿದೆ. ಈ ಗೆಲುವಿನೊಂದಿಗೆ ನಾಯಕ ರೋಹಿತ್ ಶರ್ಮಾಗೆ ಕೊಂಚ ನಿರಾಳ ತರಿಸಿದೆ. ಆದ್ರೆ, ಹಿಟ್​​​ಮ್ಯಾನ್ ರೋಹಿತ್ ಶರ್ಮಾರ ಕಥೆ ಮಾತ್ರ ಬದಲಾಗಿಲ್ಲ. ಅದೇ ಹಳೆ ಕಥೆ ಮುಂದುವರಿಸಿರುವ ರೋಹಿತ್, ಟೀಮ್ ಮ್ಯಾನೇಜ್​ಮೆಂಟ್​​ನ ಟೆನ್ಶನ್ ಹೆಚ್ಚಿಸಿದ್ದಾರೆ.

ರೋಹಿತ್ ಶರ್ಮಾ ನಾಯಕತ್ವದ ಟೀಮ್ ಇಂಡಿಯಾ ಮತ್ತೆ ಗೆಲುವಿನ ಲಯಕ್ಕೆ ಮರಳಿದೆ. ಇಂಗ್ಲೆಂಡ್‌ ವಿರುದ್ಧದ ನಾಗ್ಪುರ ಪಂದ್ಯ ಗೆಲ್ಲುವುದರೊಂದಿಗೆ 6 ಪಂದ್ಯಗಳ ಸರಣಿ ಸೋಲಿಗೆ ಬ್ರೇಕ್​ ಹಾಕಿದ್ದಾರೆ. ಆ ಮೂಲಕ ಏಕದಿನ ಫಾರ್ಮೆಟ್​ನಲ್ಲಿ ಬೆಸ್ಟ್​ ಕ್ಯಾಪ್ಟನ್ ಅನ್ನೋದನ್ನ ಮತ್ತೆ ಪ್ರೂವ್ ಮಾಡಿದ್ದಾರೆ. ಆದ್ರೆ. ನಾಯಕನಾಗಿ ಸಕ್ಸಸ್​ ಕಂಡಿರುವ ರೋಹಿತ್, ಆಟಗಾರನಾಗಿ ಮಾತ್ರ ಮತ್ತೆ ಫೇಲ್ ಆಗಿದ್ದಾರೆ.

ನಾಯಕನಾಗಿ ಪಾಸ್.. ಆಟಗಾರನಾಗಿ ಫೇಲ್..!

ರೋಹಿತ್ ಶರ್ಮಾ ನಾಯಕತ್ವದಲ್ಲಿ ಟೀಮ್ ಇಂಡಿಯಾ, ಏಕದಿನ ಪಂದ್ಯ ಗೆದ್ದಿದೆ. ಆದ್ರೆ, ಆಟಗಾರನಾಗಿ ರೋಹಿತ್ ವೈಫಲ್ಯ ಮಾತ್ರ ಮುಂದುವರೆದಿದೆ. ಇಂಗ್ಲೆಂಡ್ ಎದುರು ಅಬ್ಬರಿಸುತ್ತಾರೆ ಎಂಬ ನಿರೀಕ್ಷೆ ಹುಟ್ಟಿಹಾಕಿದ್ದ ರೋಹಿತ್, ಜಸ್ಟ್​ ಎರಡೇ 2 ರನ್​ಗೆ ವಿಕೆಟ್ ಒಪ್ಪಿಸಿದ್ದಾರೆ. ಇದು ಸಹಜವಾಗೇ ಟೀಮ್ ಮ್ಯಾನೇಜ್​ಮೆಂಟ್ ಟೆನ್ಶನ್ ಹೆಚ್ಚಿಸಿದೆ.

ಟೆಸ್ಟ್​ ಕ್ರಿಕೆಟ್​ನಲ್ಲಿ ರೋಹಿತ್​ ಅಟ್ಟರ್​ ಫ್ಲಾಫ್..!

ಟೆಸ್ಟ್​ ಕ್ರಿಕೆಟ್​ನಲ್ಲಿ ರೋಹಿತ್, ನಿಜಕ್ಕೂ ಡಿಸಾಸ್ಟರ್. ಯಾಕಂದ್ರೆ. ಬಾಂಗ್ಲಾ ಸರಣಿಯುದ್ದಕ್ಕೂ ಸೇರಿ 42 ರನ್ ಗಳಿಸಿದ್ದ ರೋಹಿತ್, ನ್ಯೂಜಿಲೆಂಡ್ ಸರಣಿಯಲ್ಲಿ ಗಳಿಸಿದ್ದು ಜಸ್ಟ್​ 91 ರನ್​.. ಇನ್ನು ಆಸ್ಟ್ರೇಲಿಯಾ ಪ್ರವಾಸದಲ್ಲಾದ್ರೂ ಸಿಡಿಯುತ್ತಾರೆ ಅಂದ್ರೆ, 31 ರನ್​​​ಗೆ ಸುಸ್ತಾಗಿದ್ದು ನಿಜಕ್ಕೂ ಬೇಸರ.

ರಣಜಿ ಟ್ರೋಫಿಯಲ್ಲೂ ಅದೇ ಕಥೆ..! ವ್ಯಥೆ..!

ಆಸ್ಟ್ರೇಲಿಯಾ ಸರಣಿ ಬಳಿಕ ರಣಜಿ ಅಖಾಡಕ್ಕಿಳಿದಿದ್ದ ರೋಹಿತ್ ವಿಫಲ ಆಗಿದ್ದಾರೆ. ಜಮ್ಮು ಕಾಶ್ಮೀರ ಎದುರಿನ ಫಸ್ಟ್ ಇನ್ನಿಂಗ್ಸ್​ನಲ್ಲಿ 19 ಎಸೆತಕ್ಕೆ 3 ರನ್​​​​​​​.. 2ನೇ ಇನ್ನಿಂಗ್ಸ್ 35 ಎಸೆತಕ್ಕೆ 28 ರನ್ ಗಳಿಸಿದ್ದು ಬಿಟ್ರೆ, ಮ್ಯಾಚ್ ವಿನ್ನಿಂಗ್ ಇನ್ನಿಂಗ್ಸ್​ ಆಡಿಲ್ಲ.

ಇದನ್ನೂ ಓದಿ: ವಿರಾಟ್ ಎಂಟ್ರಿ ಆದರೆ ಯಾರಿಗೆ ಕೊಕ್.. ಈ ಸ್ಟೇಡಿಯಂನಲ್ಲಿ ಕೊಹ್ಲಿ ಪರ್ಫಾಮೆನ್ಸ್ ಹೇಗಿದೆ?

ಎರಡೇ ಚಾನ್ಸ್​.. ‘ಟೆಸ್ಟ್’​ ಗೆಲ್ತಾರಾ ಹಿಟ್​ಮ್ಯಾನ್..?

ಬ್ಯಾಕ್ ಟು ಬ್ಯಾಕ್ ವೈಫಲ್ಯ ಕಂಡಿದ್ದ ರೋಹಿತ್​, ನೆಚ್ಚಿನ ಗ್ರೌಂಡ್​​ನಲ್ಲಿ.. ನೆಚ್ಚಿನ ಫಾರ್ಮೆಟ್​​ನಲ್ಲಿ ಅಬ್ಬರಿಸ್ತಾರೆ ಅಂದ್ರೆ, ಅದು ಆಗಲಿಲ್ಲ. ಆದ್ರೆ, ಚಾಂಪಿಯನ್ಸ್​ ಟ್ರೋಫಿಗೂ ಮುನ್ನ ರೋಹಿತ್ ಶರ್ಮಾ ಮುಂದೆ, ಜಸ್ಟ್ ಎರಡೇ ಎರಡು ಪಂದ್ಯಗಳ ಅವಕಾಶ ಇದೆ. ಈ ಎರಡು ಪಂದ್ಯಗಳ ಒಳಗಾಗಿ ಫಾರ್ಮ್​ ಕಂಡುಕೊಳ್ಳಬೇಕಿದೆ. ಹೀಗಾಗಿ ರೋಹಿತ್​ಗೆ, ಮುಂದಿನ ಕಟಕ್ ಹಾಗೂ ಅಹ್ಮದಬಾದ್​ನ ನಮೋ ಸ್ಟೇಡಿಯಂನಲ್ಲಿ ನಡೆಯಲಿರುವ ಎರಡೂ ಏಕದಿನ ಪಂದ್ಯಗಳು ಅಗ್ನಿಪರೀಕ್ಷೆಯ ಕಣಗಳಾಗಿವೆ.

ರೋಹಿತ್ ಶರ್ಮಾರ ಸತತ ವೈಫಲ್ಯ ಟೀಮ್ ಮ್ಯಾನೇಜ್​ಮೆಂಟ್ ಟೆನ್ಶನ್ ಹೆಚ್ಚಿಸಿದೆ. ಚಾಂಪಿಯನ್ಸ್​ ಟ್ರೋಫಿ ದೃಷ್ಟಿಯಿಂದ ಫಾರ್ಮ್​ ಕಂಡುಕೊಳ್ಳುವುದು ಅನಿವಾರ್ಯ ಆಗಿದೆ. ಇಲ್ಲ ರೋಹಿತ್ ಶರ್ಮಾನೇ ಟೀಮ್ ಇಂಡಿಯಾ ಪಾಲಿನ ವಿಲನ್ ಆಗೋದ್ರಲ್ಲಿ ಡೌಟೇ ಇಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ