Mega Auction; ವೆಸ್ಟ್​ ಇಂಡೀಸ್​ನ ಬಲಿಷ್ಠ ಆಲ್​ರೌಂಡರ್ RCBಗೆ ಎಂಟ್ರಿ.. ಒಂದೂವರೆ ಕೋಟಿ ಅಷ್ಟೇ!

ಸೌದಿ ಅರೇಬಿಯಾದ ಜೆಡ್ಡಾದಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್​ 2025 ರ ಮೆಗಾ ಹರಾಜು ನಡೆಯುತ್ತಿದೆ. 18ನೇ ಋತುವಿಗಾಗಿ 10 ಫ್ರಾಂಚೈಸಿಗಳು ತಂಡಕ್ಕೆ ಕೊಡುಗೆ ನೀಡುವಂತ ಆಟಗಾರರನ್ನ ಬರಮಾಡಿಕೊಂಡಿವೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಕೂಡ ಉತ್ತಮ ಮಟ್ಟದಲ್ಲೇ ಲೆಕ್ಕ ಹಾಕಿ ಪ್ಲೇಯರ್ಸ್ ಅನ್ನು ಖರೀದಿ ಮಾಡಿದೆ. ಇದೀಗ ವೆಸ್ಟ್ ಇಂಡೀಸ್​ನ ಬಲಿಷ್ಠ ಬೌಲರ್ ಕಮ್ ಬ್ಯಾಟ್ಸ್​ಮನ್ ರೊಮಾರಿಯೋ ಶೆಫರ್ಡ್ ಅವರನ್ನು ತಂಡಕ್ಕೆ ಸೇರಿಕೊಂಡಿದೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿಯು ಆಲ್​ರೌಂಡರ್ ರೊಮಾರಿಯೋ ಶೆಫರ್ಡ್ ಅವರಿಗೆ 1.50 ಕೋಟಿ ರೂಪಾಯಿ ನೀಡಿ ಖರೀದಿ ಮಾಡಿದೆ. ಇವರು ಬಲಗೈ ಬೌಲಿಂಗ್, ಬಲಗೈ ಬ್ಯಾಟಿಂಗ್ ಮಾಡುತ್ತಾರೆ. ಈ ಮೊದಲು ಇವರು ಮುಂಬೈ ಇಂಡಿಯನ್ಸ್​ ಟೀಮ್​ನಲ್ಲಿ ಸ್ಥಾನ ಪಡೆದಿದ್ದರು. ಆದರೆ ಅಲ್ಲಿಂದ ಅವರನ್ನು ಕೈಬಿಟ್ಟ ಕಾರಣ ಹರಾಜಿಗೆ ಬಂದಿದ್ದರು. ಇದೀಗ ಆರ್​ಸಿಬಿ ಖರೀದಿ ಮಾಡಿದೆ.

ಇದನ್ನೂ ಓದಿ: Auction; ಸಾಧಾರಣ ಮೊತ್ತ ನೀಡಿ ಕನ್ನಡಿಗನ ಖರೀದಿಸಿದ KKR.. ಮೊದಲ ಶತಕ ಸಿಡಿಸಿದ್ದ ಪಾಂಡೆ

ರೊಮಾರಿಯೋ ಶೆಫರ್ಡ್ ಈ ಮೊದಲು 2022ರಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ಮತ್ತು 2023ರಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ತಂಡದಲ್ಲಿ ಆಡಿದ್ದರು. ಇಲ್ಲಿಂದ ನಂತರ ಮುಂಬೈ ಇಂಡಿಯನ್ಸ್​ ತಂಡ ಸೇರಿಕೊಂಡಿದ್ದರು. ಆದರೆ ಈ ಬಾರಿ ಅವರು ತಂಡದಿಂದ ಕೈಬಿಟ್ಟಿದ್ದರು. ಶೆಫರ್ಡ್ ಉತ್ತಮವಾದ ಬ್ಯಾಟಿಂಗ್ ಹಾಗೂ ಬೌಲಿಂಗ್ ಮಾಡಲಿದ್ದಾರೆ ಎಂದು ಹೇಳಬಹುದು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ