RCB ಅಭಿಮಾನಿಗಳಿಗೆ ಮತ್ತೊಂದು ಎಕ್ಸೈಟಿಂಗ್ ನ್ಯೂಸ್.. ಕಳೆದ ಬಾರಿಯಂತೆ ಈ ಸಲವೂ..

ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್)​ 2025ರ ವೇಳಾಪಟ್ಟಿ ಈಗಾಗಲೇ ರಿಲೀಸ್ ಆಗಿದ್ದು ಫ್ರಾಂಚೈಸಿಗಳು ಹೊಸ ಜೋಶ್​ನಲ್ಲಿವೆ. ತಂಡಗಳು ಟ್ರೋಫಿ ಗೆಲ್ಲುವ ಭರವಸೆಯಲ್ಲಿ ಮೈದಾನದಲ್ಲಿ ಕಾದಾಟ ನಡೆಸಲಿವೆ. ಈ ಸಲದ ಉದ್ಘಾಟನಾ ಪಂದ್ಯವೇ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಹಾಗೂ ಕೋಲ್ಕತ್ತಾ ನಡುವೆ ನಡೆಯಲಿದೆ. ಇದರ ನಡುವೆಯೇ ಆರ್​ಸಿಬಿಯ ಅನ್ ಬಾಕ್ಸ್​ ಇವೆಂಟ್​ನ ಹೊಸ ಡೇಟ್ ಅನೌನ್ಸ್​ ಮಾಡಲಾಗಿದೆ.

ಸದ್ಯ ಇದೀಗ ದೊರೆತ ಮಾಹಿತಿ ಪ್ರಕಾರ, ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಅನ್ ಬಾಕ್ಸ್​ ಇವೆಂಟ್ ಅನ್ನು ಮಾರ್ಚ್​ 15ರ ಬದಲಾಗಿ 17 ರ ಸಂಜೆ ಎಂ.ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಸಲಾಗುತ್ತದೆ. ಈ ದಿನಾಂಕ ಬದಲಾವಣೆ ಮಾಡಲು ಮುಖ್ಯ ಕಾರಣ ಎಂದರೆ, ಮಾರ್ಚ್​ 15 ರಂದು ಡಬ್ಲುಪಿಎಲ್​ ಫೈನಲ್ ಪಂದ್ಯ ನಡೆಯಲಿದೆ.

ಇದನ್ನೂ ಓದಿ: ರೋಹಿತ್- ಗಂಭೀರ್​ ಮಧ್ಯೆ ಟಾಕ್ ವಾರ್.. ವಿಕೆಟ್ ಕೀಪರ್​​, ಸ್ಪಿನ್ನರ್​ಗಾಗಿ ಬಿಗ್​ ಫೈಟ್​

ಒಂದು ವೇಳೆ ಆರ್​ಸಿಬಿ ಯುವತಿಯರು ಫೈನಲ್​ಗೆ ಬಂದು ಮತ್ತೊಮ್ಮೆ ಟ್ರೋಫಿಗೆ ಮುತ್ತಿಟ್ಟರೇ, ಅವರಿಗೆ ವಿಶೇಷ ಸನ್ಮಾನ ಮಾಡಬೇಕಾಗುತ್ತದೆ. ಏಕೆಂದರೆ ಈಗಾಗಲೇ ಮೊದಲ ಟ್ರೋಫಿ ಗೆದ್ದಿರುವ ಆರ್​ಸಿಬಿ ಯುವತಿಯರು 2ನೇ ಟ್ರೋಫಿಯ ನಿರೀಕ್ಷೆಯಲ್ಲಿದ್ದಾರೆ. ಈಗಾಗಲೇ 2025ರ ಡಬ್ಲುಪಿಎಲ್​ನಲ್ಲಿ ಆರ್​ಸಿಬಿ ಗರ್ಲ್ಸ್​ 2ಕ್ಕೆ 2 ಪಂದ್ಯ ಗೆದ್ದಿದ್ದಾರೆ. ಈ ಹಿನ್ನೆಲೆಯಲ್ಲಿ ಅನ್​ಬಾಕ್ಸ್​ ಕಾರ್ಯಕ್ರಮವನ್ನು ಮಾರ್ಚ್​ 17 ರಂದು ನಿಗದಿ ಮಾಡಲಾಗಿದೆ.

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಈಗಾಗಲೇ ಅನ್ ಬಾಕ್ಸ್​ ಇವೆಂಟ್ ಅನ್ನು ಮಾರ್ಚ್​ 15 ರಂದು ನಡೆಸುವುದಾಗಿ ಘೋಷಣೆ ಮಾಡಿತ್ತು. ಇದಕ್ಕಾಗಿ ಅಭಿಮಾನಿಗಳು ಕೂಡ ಕುತೂಹಲದಿಂದ ಕಾಯುತ್ತಿದ್ದರು. ಅನ್​ಬಾಕ್ಸ್​ ಕಾರ್ಯಕ್ರಮದಲ್ಲಿ ಫ್ರಾಂಚೈಸಿ ಏನೆಲ್ಲಾ ಮಾಡಲಿದೆ, ಯಾರನ್ನ ಆಹ್ವಾನ ಮಾಡಲಿದೆ, ಕಳೆದ ಬಾರಿ ಇದು ಹೊಸ ಅಧ್ಯಾಯ ಎನ್ನುವುದು ಸಖತ್ ಕಿಕ್ ಕೊಟ್ಟಿತ್ತು. ಅದರಂತೆ ಈ ಬಾರಿ ಕೊಹ್ಲಿ ಏನಾದರೂ ಹೊಸದು ಹೇಳುತ್ತಾರಾ ಎಂದು ಫ್ಯಾನ್ಸ್​ ಕಾತುರದಲ್ಲಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ