KL ರಾಹುಲ್​​, ಪಂತ್​ ಖರೀದಿಗಾಗಿ ಆರ್​​ಸಿಬಿ ಮಾಸ್ಟರ್​ ಪ್ಲಾನ್​​; ಇಬ್ಬರಲ್ಲಿ ಯಾರು ಬೆಸ್ಟ್​​?

ಬಹುನಿರೀಕ್ಷಿತ 2025ರ ಇಂಡಿಯನ್​​ ಪ್ರೀಮಿಯರ್​ ಲೀಗ್​ ಮೆಗಾ ಹರಾಜು ಭಾರೀ ರೋಚಕತೆಯಿಂದ ಕೂಡಿರಲಿದೆ. ಇದಕ್ಕೆ ಕಾರಣ ವರ್ಷದ ಕೊನೆಗೆ ನಡೆಯಲಿರೋ ಮೆಗಾ ಆಕ್ಷನ್​ಗೆ ಸ್ಟಾರ್​ ಆಟಗಾರರೇ ಎಂಟ್ರಿ ನೀಡಲಿದ್ದಾರೆ. ಅದರಲ್ಲೂ ಈ ಅತೀ ಹೆಚ್ಚು ನಾಯಕರು ಆಕ್ಷನ್​​ಗೆ ಬರುತ್ತಿರೋದು ಅಚ್ಚರಿ.

ಈ ಹಿಂದೆಯೇ ಡೆಲ್ಲಿ ಕ್ಯಾಪಿಟಲ್ಸ್​ ತಂಡದಿಂದ ರಿಷಬ್​​ ಪಂತ್​ಗೆ ಕೊಕ್​ ನೀಡಬಹುದು ಎಂದು ನಿರೀಕ್ಷೆ ಮಾಡಲಾಗಿತ್ತು. ಲಕ್ನೋ ಸೂಪರ್​ ಜೈಂಟ್ಸ್​ ತಂಡದಿಂದಲೂ ಕೆ.ಎಲ್​ ರಾಹುಲ್​ ಹೊರ ಬರಲಿದ್ದಾರೆ ಎನ್ನುವ ಸುದ್ದಿ ಕೂಡ ಇತ್ತು. ಈಗ ಎಲ್ಲವೂ ನಿಜವಾಗಿದೆ.

ಮೆಗಾ ಆಕ್ಷನ್​​ನಲ್ಲಿ ಸ್ಟಾರ್ಸ್​​

ಕೆ.ಎಲ್​ ರಾಹುಲ್​ ಮತ್ತು ರಿಷಬ್​​ ಪಂತ್​​ ಟೀಮ್​ ಇಂಡಿಯಾದ ಇಬ್ಬರು ಸ್ಟಾರ್​ ಆಟಗಾರರು. ಸ್ಟಾರ್​​​ ಆಟಗಾರರೇ ಆಗಿರೋ ಇವ್ರು ಮೆಗಾ ಆಕ್ಷನ್​ಗೆ ಎಂಟ್ರಿ ನೀಡಲಿದ್ದಾರೆ. ಇಂಟರ್​ ನ್ಯಾಷನಲ್​ ಕ್ರಿಕೆಟ್​ನಲ್ಲಿ ಹೆಚ್ಚು ಹೆಸರು ಮಾಡಿರೋ ಇವರ ಖರೀದಿಗಾಗಿ ಎಲ್ಲಾ ತಂಡಗಳು ಮುಗಿ ಬೀಳಲಿವೆ. ಪಂತ್​​, ರಾಹುಲ್​ ಇಬ್ಬರಿಗೆ ನಾಯಕತ್ವದ ಅನುಭವ ಇರೋ ಕಾರಣ ಆರ್​​ಸಿಬಿ ಇಬ್ಬರಲ್ಲಿ ಒಬ್ಬರನ್ನು ಖರೀದಿ ಮಾಡಬಹುದು.

ಹೊಸ ಕ್ಯಾಪ್ಟನ್​ಗಾಗಿ ಆರ್​​ಸಿಬಿ ಹುಡುಕಾಟ

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಕ್ಯಾಪ್ಟನ್​ ಫಾಫ್​ ಡುಪ್ಲೆಸಿಸ್​ ಅವರನ್ನೇ ರಿಲೀಸ್​ ಮಾಡಿದೆ. ಹೀಗಾಗಿ ಆರ್‌ಸಿಬಿ ಕ್ಯಾಪ್ಟನ್‌ ಹುಡುಕಾಟದಲ್ಲಿದೆ. ಈ ನಿಟ್ಟಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಪಂತ್​​, ಕೆ.ಎಲ್​ ರಾಹುಲ್​ ಅವರನ್ನು ಟಾರ್ಗೆಟ್​ ಮಾಡಲಿದೆ.

ಬೆಸ್ಟ್​​ ಬ್ಯಾಟರ್ಸ್​​

ಕೆ.ಎಲ್​ ರಾಹುಲ್​​, ರಿಷಬ್​ ಪಂತ್​​ ಇಬ್ಬರು ಬಿರುಸಿನ ಬ್ಯಾಟರ್​ಗಳು. ಯಾವುದೇ ಒತ್ತಡದ ಸಂದರ್ಭದಲ್ಲೂ ಬ್ಯಾಟ್​ ಬೀಸುವ ಸಾಮರ್ಥ್ಯ ಇವರಿಗಿದೆ. ಇಬ್ಬರಿಗೂ ಅಪಾರ ಅಭಿಮಾನಿಗಳು ಇದ್ದು, ಬ್ರ್ಯಾಂಡ್​ ವ್ಯಾಲ್ಯೂ ಕೂಡ ಇದೆ.

ವಿಕೆಟ್​ ಕೀಪಿಂಗ್​​, ಮಿಡಲ್​ ಆರ್ಡರ್​ ಬ್ಯಾಟಿಂಗ್​​, ಫಿನಿಶಿಂಗ್​​

ಇಬ್ಬರು ಮಿಡಲ್​ ಆರ್ಡರ್​ ಬ್ಯಾಟರ್​​ಗಳು ಮತ್ತು ಟಾಪ್​ ಆರ್ಡರ್​ನಲ್ಲೂ ಬ್ಯಾಟಿಂಗ್​ ಮಾಡಬಲ್ಲರು. ವಿಕೆಟ್​ ಕೀಪಿಂಗ್​ ಮತ್ತು ಫಿನಿಶಿಂಗ್​ಗೂ ಪಂತ್​​ ಮತ್ತು ಕೆ.ಎಲ್​ ರಾಹುಲ್​ ಹೆಸರು ವಾಸಿ. ಹಾಗಾಗಿ ಇಬ್ಬರಲ್ಲಿ ಯಾರು ಆರ್​​ಸಿಬಿ ಬಂದ್ರೂ ಲಾಭವೇ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ