ಕೃನಾಲ್​ ಪಾಂಡ್ಯಗೆ ಜಾಕ್​ಪಾಟ್​​; ಕೋಟಿ ಕೋಟಿ ಸುರಿದು ಖರೀದಿ ಮಾಡಿದ ಆರ್​​ಸಿಬಿ

ಸದ್ಯ ನಡೆಯುತ್ತಿರೋ 2ನೇ ದಿನದ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಹರಾಜಿನಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಸ್ಟಾರ್​ ಆಲ್​ರೌಂಡರ್​​ ಕೃನಾಲ್​ ಪಾಂಡ್ಯ ಅವರನ್ನು ಖರೀದಿ ಮಾಡಿದೆ. ಬರೋಬ್ಬರಿ 5.75 ಕೋಟಿಗೆ ಕೃನಾಲ್​ ಪಾಂಡ್ಯ ಆರ್​​ಸಿಬಿ ಟೀಮ್​ ಪಾಲಾದ್ರು.

ಭರ್ಜರಿ ಪೈಪೋಟಿ

ಕೃನಾಲ್​ ಪಾಂಡ್ಯ ಅವರನ್ನು ಆರ್​​ಸಿಬಿ ತಂಡ 2 ಕೋಟಿ ಮೂಲ ಬೆಲೆಗೆ ಬಿಡ್​ ಮಾಡಿತು. ಬಳಿಕ ಕಣಕ್ಕಿಳಿದ ರಾಜಸ್ಥಾನ್​ ರಾಯಲ್ಸ್​ ತಂಡ ಸುಮಾರು 5.50 ಕೋಟಿವರೆಗೂ ಹರಾಜು ಹಾಕಿತು. ಕೊನೆಗೂ ಕೃನಾಲ್​ ಪಾಂಡ್ಯ ಆರ್​​ಸಿಬಿ ತಂಡ ಸೇರಿದ್ರು.

ಯಾರು ಈ ಕೃನಾಲ್​ ಪಾಂಡ್ಯ?

ಟೀಮ್​ ಇಂಡಿಯಾದ ಸ್ಟಾರ್​ ಆಲ್​ರೌಂಡರ್​​ ಹಾರ್ದಿಕ್​ ಪಾಂಡ್ಯ ಸಹೋದರ ಕೃನಾಲ್​ ಪಾಂಡ್ಯ. ಕಳೆದ ಸೀಸನ್​​ನಲ್ಲಿ ಲಕ್ನೋ ಸೂಪರ್​ ಜೈಂಟ್ಸ್​ ತಂಡದ ಪರ ಕೃನಾಲ್​ ಪಾಂಡ್ಯ ಆಡಿದ್ರು. ಇವರು 2024ರ ಸೀಸನ್​​ನಲ್ಲಿ ಹೇಳಿಕೊಳ್ಳುವಷ್ಟು ಸಾಧನೆ ಮಾಡಲಿಲ್ಲ. ಇವರು ಲೆಫ್ಟ್​ ಹ್ಯಾಂಡೆಡ್​ ಬ್ಯಾಟಿಂಗ್​ ಆಲ್​ರೌಂಡರ್​​. ಬೌಲಿಂಗ್​ ಕೂಡ ಮಾಡಲಿದ್ದಾರೆ.

ಕೃನಾಲ್​ ಪಾಂಡ್ಯ ಐಪಿಎಲ್​ ಸಾಧನೆ

ಇನ್ನು, ಕೃನಾಲ್​ ಪಾಂಡ್ಯ ಇಂಡಿಯನ್​ ಪ್ರೀಮಿಯರ್​ ಲೀಗ್​ನಲ್ಲಿ ಇದುವರೆಗೂ ಸುಮಾರು 127 ಪಂದ್ಯಗಳು ಆಡಿದ್ದಾರೆ. ಸುಮಾರು 1647 ರನ್​ ಚಚ್ಚಿದ್ದು, ಇವರ ಬ್ಯಾಟಿಂಗ್​ ಸ್ಟ್ರೈಕ್​ ರೇಟ್​ 132 ಇದೆ. ಹಾಗೆಯೇ 144 ಫೋರ್​​, 61 ಸಿಕ್ಸರ್​ ಸಿಡಿಸಿದ್ದಾರೆ. ಬೌಲಿಂಗ್​ನಲ್ಲೂ ಸುಮಾರು 76 ವಿಕೆಟ್​ ಪಡೆದಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್