KL ರಾಹುಲ್​​​ ಅಲ್ಲ; ಈ ಕನ್ನಡಿಗನಿಗೆ ಆರ್​​​ಸಿಬಿಯಿಂದ ಬಿಗ್​ ಆಫರ್​​​; ಸ್ಟಾರ್​ ಕ್ರಿಕೆಟರ್​​ಗೆ ಅದೃಷ್ಟ!

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ಗೆ ಇನ್ನೇನು 6 ತಿಂಗಳು ಮಾತ್ರ ಬಾಕಿ ಇದೆ​. ಈಗಾಗಲೇ ಸ್ಟಾರ್​ ಆಟಗಾರರಿಗೆ ಗಾಳ ಹಾಕಲು ಎಲ್ಲಾ ಐಪಿಎಲ್​ ಫ್ರಾಂಚೈಸಿಗಳು ಸಿದ್ಧತೆ ಆರಂಭಿಸಿವೆ. ಖುಷಿಯ ವಿಚಾರ ಏನಪ್ಪಾ ಅಂದ್ರೆ ಮುಂಬರೋ ಹರಾಜಿನಲ್ಲಿ ಕನ್ನಡಿಗರೇ ಹಾಟ್ ಪಿಕ್​​ ಆಗಲಿದ್ದಾರೆ. ಅದಕ್ಕೆ ಕಾರಣ ಮಹಾರಾಜ ಟಿ20 ಟೂರ್ನಿ.

ಮಹಾರಾಜ ಟ್ರೋಫಿಯಲ್ಲಿ ರನ್ ಧಮಾಕ..!

ಮಹಾರಾಜ ಟ್ರೋಫಿ ಅಂತ್ಯ ಕಂಡಿದೆ. ಮೈಸೂರು ವಾರಿಯರ್ಸ್ ಹೊಸ ಚಾಂಪಿಯನ್ ಆಗಿ ಹೊರಹೊಮ್ಮಿದೆ. ಇದೇ ಟೂರ್ನಿಯಲ್ಲಿ ಕೆಲ ಆಟಗಾರರು ಮಾತ್ರ, ಐಪಿಎಲ್​ ಫ್ರಾಂಚೈಸಿಗಳ ಮನ ಗೆದ್ದಿದ್ದಾರೆ. ಟೂರ್ನಿಯುದ್ದಕ್ಕೂ ಇಂಪ್ರೆಸ್ಸಿವ್ ಪರ್ಫಾಮೆನ್ಸ್​ ನೀಡಿರುವ ಇವರು, ವರ್ಷಾಂತ್ಯದಲ್ಲಿ ಮೆಗಾ ಹರಾಜಿನಲ್ಲಿ ಕೋಟಿ ಕೋಟಿ ಬಾಚಿಕೊಳ್ಳುವ ನಿರೀಕ್ಷೆಯಲ್ಲಿದ್ದಾರೆ.

ಅನ್​ಸೋಲ್ಡ್​ ಕರುಣ್​ಗೆ ಈ ಸಲ ಜಾಕ್​​​​ಪಾಟ್​

ಮೈಸೂರು ವಾರಿಯರ್ಸ್ ತಂಡವನ್ನ ಚಾಂಪಿಯನ್ ಪಟ್ಟಕ್ಕೇರಿಸಿದ ಕರುಣ್​ ನಾಯರ್, ಮಹಾರಾಜ ಟೂರ್ನಿಯಲ್ಲಿ ಆಕ್ಷರಶಃ ನೆಕ್ಸ್ಟ್​ ಲೆವೆಲ್ ಆಟವಾಡಿದ್ರು. ಟೂರ್ನಿಯುದ್ದಕ್ಕೂ ಸ್ಥಿರ ಪ್ರದರ್ಶನ ಕಾಯ್ದುಕೊಂಡಿದ್ದ ಕರುಣ್, ಮೈಸೂರಿಗೆ ಮಹಾರಾಜ ಪಟ್ಟ ತೊಡಿಸುವಲ್ಲಿ ನಿಜಕ್ಕೂ ಪ್ರಮುಖ ಪಾತ್ರವನ್ನೇ ವಹಿಸಿದ್ದರು.

ಮಹಾರಾಜ ಟೂರ್ನಿಯಲ್ಲಿ ಕರುಣ್ ನಾಯರ್

12 ಪಂದ್ಯಗಳನ್ನಾಡಿದ ಕರುಣ್, 56ರ ಸರಾಸರಿಯಲ್ಲಿ ಬರೋಬ್ಬರಿ 560 ರನ್ ಕೊಳ್ಳೆ ಹೊಡೆದರು. 5 ಅರ್ಧಶತಕ, 1 ಶತಕ ಸಿಡಿಸಿದ್ದ ನಾಯರ್, 181.22ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್ ಬೀಸಿದ್ದಾರೆ. ಮಿಡಲ್ ಆರ್ಡರ್​ನ ಬಲವಾಗಿರುವ ಕರುಣ್​​​​​​​​ ಮೇಲೆ ಫ್ರಾಂಚೈಸಿಗಳ ಕಣ್ಣು ಬಿದ್ದಿದೆ. ಹೀಗಾಗಿ ಕಳೆದ ಬಾರಿ ಅನ್​ಸೋಲ್ಡ್​ ಆಗಿದ್ದ ಕರುಣ್, ಈ ಸಲ ಬಿಗ್ ಅಮೌಂಟ್​​ಗೆ ಸೇಲ್ ಆಗೋದು ಶತಸಿದ್ಧ. ಅದರಲ್ಲೂ ಆರ್​​​ಸಿಬಿ ಇವರಿಗೆ ಬಿಗ್​ ಆಫರ್​ ನೀಡಲಿದೆ ಎಂದು ತಿಳಿದು ಬಂದಿದೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್