2025ರ ಇಂಡಿಯನ್​ ಪ್ರೀಮಿಯರ್​​ ಲೀಗ್​​ಗೆ ಭರ್ಜರಿ ತಯಾರಿ!

ಆರ್‌ಸಿಬಿ ತಂಡದಿಂದ ಅಳೆದು ತೂಗಿ ಸ್ಟಾರ್​ ಆಟಗಾರರಿಗೆ ಮಣೆ

ಮೆಗಾ ಹರಾಜಿನಲ್ಲಿ ಸ್ಟಾರ್​ ಆಟಗಾರನ ಮೇಲೆ ಆರ್​​ಸಿಬಿ ಕಣ್ಣು

2025ರ ಇಂಡಿಯನ್​ ಪ್ರೀಮಿಯರ್​​ ಲೀಗ್​​ಗೆ ಭರ್ಜರಿ ತಯಾರಿ ನಡೆಯುತ್ತಿದೆ. ಬಿಸಿಸಿಐಗೆ ಎಲ್ಲಾ ತಂಡಗಳು ರೀಟೇನ್ಷನ್​​​ ಲಿಸ್ಟ್​ ಸಲ್ಲಿಸಲು ಅಕ್ಟೋಬರ್​​ 31ನೇ ತಾರೀಕು ಕೊನೆಯ ದಿನವಾಗಿತ್ತು. ಐಪಿಎಲ್‌ ಫ್ರಾಂಚೈಸಿಗಳು ತಮಗೆ ಬೇಕಾದ ಆಟಗಾರರನ್ನು ಉಳಿಸಿಕೊಂಡು ಉಳಿದವರನ್ನು ರಿಲೀಸ್​ ಮಾಡಿವೆ.

ಆರ್‌ಸಿಬಿ ಕೂಡ ಅಳೆದು ತೂಗಿ ಸ್ಟಾರ್​ ಆಟಗಾರರಿಗೆ ಮಣೆ ಹಾಕಿದೆ. ಕಳೆದ ಐಪಿಎಲ್​ ಸೀಸನ್​​ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ ಆಟಗಾರರನ್ನೇ ಆರ್​​ಸಿಬಿ ರೀಟೈನ್​ ಮಾಡಿಕೊಂಡಿದೆ. ಹೀಗಾಗಿ ಇವರು 2025ರಲ್ಲಿ ಮತ್ತೆ ಆರ್‌ಸಿಬಿ ತಂಡದ ಪರ ಕಣಕ್ಕಿಳಿಯಲಿದ್ದಾರೆ.

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಬರೋಬ್ಬರಿ 21 ಕೋಟಿ ಕೊಟ್ಟು ವಿರಾಟ್​ ಕೊಹ್ಲಿ ಅವರನ್ನು ಉಳಿಸಿಕೊಂಡಿದೆ. ಮಧ್ಯಮ ಕ್ರಮಾಂಕದ ಬ್ಯಾಟರ್​​ ರಜತ್ ಪಟಿದಾರ್ ಅವರಿಗೆ 11 ಕೋಟಿ ಕೊಟ್ಟ ರೀಟೈನ್​​ ಮಾಡಿಕೊಂಡಿದೆ. ಬೌಲಿಂಗ್‌ ವಿಭಾಗದಲ್ಲಿ ಮೊಹಮ್ಮದ್ ಸಿರಾಜ್‌ಗೆ ಗೇಟ್‌ ಪಾಸ್‌ ನೀಡಿ, ಯಶ್ ದಯಾಳ್ ಅವರಿಗೆ ಮಣೆ ಹಾಕಿದೆ.

ಚಹಾಲ್​ ಮೇಲೆ ಆರ್​​​ಸಿಬಿ ಕಣ್ಣು

ಆರ್‌ಸಿಬಿ ಐಪಿಎಲ್ ಆಕ್ಷನ್‌ ಮೇಲೆ ಕಣ್ಣಿಟ್ಟಿದೆ. ಪ್ರಮುಖವಾಗಿ ಆರ್​​ಸಿಬಿ ತಂಡಕ್ಕೆ ಈ ಆಟಗಾರನ ಅಗತ್ಯ ಇದೆ. ದಿನೇಶ್​ ಕಾರ್ತಿಕ್​​ ಅವರನ್ನು ಈಗಾಗಲೇ ಆರ್​ಸಿಬಿ ತಂಡದ ಮೆಂಟರ್​ ಮತ್ತು ಬ್ಯಾಟಿಂಗ್​ ಕೋಚ್​​ ಆಗಿ ನೇಮಕ ಮಾಡಲಾಗಿದೆ. ಇವರೇ ಚಹಾಲ್​ ಅವರನ್ನು ಮತ್ತೆ ಆರ್​ಸಿಬಿಗೆ ವಾಪಸ್​ ಕರೆ ತರಲು ಪ್ಲಾನ್​ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ. ಈಗಾಗಲೇ ಟ್ರೇಡ್​ಗಾಗಿ ಒಂದು ಸುತ್ತಿನ ಮಾತುಕತೆ ಕೂಡ ಆಗಿದೆ ಎಂದು ವರದಿಯಾಗಿದೆ.

ಬೆಂಗಳೂರು ತಂಡಕ್ಕೆ ಹಲವು ವರ್ಷಗಳಿಂದ ಕಾಡುತ್ತಿರೋ ದೊಡ್ಡ ಸಮಸ್ಯೆ ಎಂದರೆ ಸ್ಪಿನ್ ಬೌಲರ್‌ ಕೊರತೆ. ಯಜುವೇಂದ್ರ ಚಹಾಲ್‌ ಅವರನ್ನು ಕೈ ಬಿಟ್ಟು ತಪ್ಪು ಮಾಡಿದ್ದ ಆರ್​​ಸಿಬಿಗೆ ಬಳಿಕ ಒಳ್ಳೆಯ ಸ್ಪಿನ್​ ಬೌಲರ್​ ಸಿಗಲೇ ಇಲ್ಲ. ಚಹಾಲ್‌ ಐಪಿಎಲ್​​ನಲ್ಲಿ ಸಾಕಷ್ಟು ಅನುಭವ ಹೊಂದಿದ್ದು, ಸೈ ಎನಿಸಿಕೊಂಡಿದ್ದಾರೆ. ತಂಡಕ್ಕೆ ಅಗತ್ಯವಿದ್ದಾಗ ವಿಕೆಟ್‌ ತೆಗೆಯುವ ಸಾಮರ್ಥ್ಯ ಇದೆ.

ಆರ್​​ಸಿಬಿ ಪರ 114 ಪಂದ್ಯ ಆಡಿದ್ದ ಚಹಾಲ್​​!

ವಿಶೇಷ ಎಂದರೆ ಆರ್​ಸಿಬಿ ಪರ ಅತ್ಯಧಿಕ ವಿಕೆಟ್ ಪಡೆದ ದಾಖಲೆ ಚಹಾಲ್ ಹೆಸರಿನಲ್ಲಿದೆ. 2014 ರಿಂದ 2021 ರವರೆಗೆ ಆರ್​ಸಿಬಿ ಪರ 114 ಪಂದ್ಯಗಳನ್ನಾಡಿದ್ದ ಯುಜ್ವೇಂದ್ರ ಚಹಾಲ್ ಒಟ್ಟು 139 ವಿಕೆಟ್ ಕಬಳಿಸಿದ್ದರು. ಈಗ ರಾಜಸ್ಥಾನ್ ರಾಯಲ್ಸ್ ಪರ ಆಡುತ್ತಿರೋ ಚಹಾಲ್ ಕಳೆದ ಸೀಸನ್​ನಲ್ಲಿ ಹೈಎಸ್ಟ್​ ವಿಕೆಟ್​ ಟೇಕರ್​ ಆಗಿದ್ದರು.

ಇದನ್ನೂ ಓದಿ: ಟೀಮ್​ ಇಂಡಿಯಾಗೆ ಹೀನಾಯ ಸೋಲು; ಮುಖ್ಯ ಕೋಚ್​ ಸ್ಥಾನದಿಂದ ಗಂಭೀರ್​ಗೆ ಕೊಕ್​?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ