ರಜತ್​​​, ಯಶ್​ ದಯಾಳ್​ಗೆ ಬಂಪರ್​​; ಅಬ್ಬಬ್ಬಾ! ವಿರಾಟ್​ ಕೊಹ್ಲಿಗೆ ಸಿಕ್ಕಿದ್ದು ಎಷ್ಟು ಕೋಟಿ?

2025ರಲ್ಲಿ ನಡೆಯುವ ಸೀಸನ್‌ಗಾಗಿ ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು ತಂಡ ಮೂವರು ಆಟಗಾರರನ್ನು ರೀಟೈನ್​ ಮಾಡಿಕೊಂಡಿದೆ. ನಿರೀಕ್ಷೆಯಂತೆ ಆರ್​​ಸಿಬಿ ತಂಡ ಮಾಜಿ ಕ್ಯಾಪ್ಟನ್​ ವಿರಾಟ್​ ಕೊಹ್ಲಿ ಜತೆಗೆ ಇಬ್ಬರು ಭಾರತದ ಆಟಗಾರರನ್ನೇ ಉಳಿಸಿಕೊಂಡಿದೆ. ಈ ಮೂಲಕ ಸ್ಟಾರ್​ ಆಟಗಾರರಿಗೆ ಕೊಕ್​ ನೀಡಿದೆ.

ಕೊಹ್ಲಿಗೆ ಎಷ್ಟು ಕೋಟಿ?

ಆರ್​​ಸಿಬಿ ಬರೋಬ್ಬರಿ 21 ಕೋಟಿ ರೂ. ನೀಡಿ ಮೊದಲ ಆಟಗಾರನಾಗಿ ವಿರಾಟ್ ಕೊಹ್ಲಿ ಅವರನ್ನ ಉಳಿಸಿಕೊಂಡಿದೆ. 2024ರ ಋತುವಿನಲ್ಲಿ 741 ರನ್ ಗಳಿಸಿರುವ ಕೊಹ್ಲಿ, ಆರ್​ಸಿಬಿಯ ಸಮರ್ಥ ಆಟಗಾರ. ಅವರನ್ನು ಯಾವುದೇ ಕಾರಣಕ್ಕೂ ಕೈ ಬಿಡಲ್ಲ ಅನ್ನೋದನ್ನ ಫ್ರಾಂಚೈಸಿ ಮತ್ತೊಮ್ಮೆ ಸಾಬೀತು ಮಾಡಿದೆ.

ರಜತ್​ ಪಾಟಿದಾರ್​ಗೆ 11 ಕೋಟಿ

RCBಯ ಉದಯೋನ್ಮುಖ ತಾರೆಗಳಲ್ಲಿ ರಜತ್​​ ಪಾಟಿದಾರ್​​ ಕೂಡ ಒಬ್ಬರು. ಆರ್​​ಸಿಬಿ ತಂಡದ 2ನೇ ಆಯ್ಕೆ ರಜತ್​ ಪಾಟಿದಾರ್​​. ಇವರನ್ನು 11 ಕೋಟಿ ನೀಡಿ ಆರ್​​ಸಿಬಿ ರೀಟೈನ್​ ಮಾಡಿಕೊಂಡಿದೆ. ಆರ್​​​ಸಿಬಿ ತಂಡದ ಸ್ಟಾರ್​ ಬ್ಯಾಟರ್​​ ರಜತ್​ ಪಾಟಿದಾರ್​​. ಇವರು ಕಳೆದ ಮೂರು ಸೀಸನ್​ಗಳಿಂದ ಆರ್​​ಸಿಬಿ ತಂಡವನ್ನು ಪ್ರತಿನಿಧಿಸಿದ್ದಾರೆ. ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಪರ 27 ಪಂದ್ಯಗಳನ್ನು ಆಡಿರೋ ರಜತ್​ ಅವರು 799 ರನ್​​ ಚಚ್ಚಿದ್ದಾರೆ. ಬ್ಯಾಟಿಂಗ್​ ಆವರೇಜ್​​ 34.73 ಇದ್ದು, ಸ್ಟ್ರೈಕ್​ ರೇಟ್​​ 158.84 ಇದೆ. ಒಂದು ಶತಕ ಮತ್ತು 5 ಅರ್ಧಶತಕಗಳು ಸೇರಿವೆ. ಬರೋಬ್ಬರಿ 54 ಸಿಕ್ಸರ್​​ ಮತ್ತು 51 ಫೋರ್​ ಸಿಡಿಸಿದ್ದಾರೆ.

ಯಶ್​ ದಯಾಳ್​ಗೆ 5 ಕೋಟಿ

ಐಪಿಎಲ್ 2024 ರ ಹರಾಜಿನಲ್ಲಿ ಯಶ್ ದಯಾಳ್ ಅವರನ್ನು RCB ಆಯ್ಕೆ ಮಾಡಿತ್ತು. ಕಳೆದ ವರ್ಷ ಗುಜರಾತ್ ತಂಡ ಅವರನ್ನು ಕೈಬಿಟ್ಟಿತ್ತು. ಆರ್​ಸಿಬಿಗೆ ಬಂದ ಬಳಿಕ ದಯಾಳ್​​ ಮತ್ತೆ ಲಯಕ್ಕೆ ಮರಳಿದ್ದಾರೆ. ಅವರನ್ನು ಮುಂದಿನ ಸೀಸನ್​​ಗೆ ಉಳಿಸಿಕೊಂಡು ಆರ್​​ಸಿಬಿ ಮಹತ್ವದ ನಿರ್ಧಾರ ಕೈಗೊಂಡಿದೆ. ಇವರಿಗೆ 5 ಕೋಟಿ ಹಣ ನೀಡಿದೆ.

ಆರ್​​ಸಿಬಿ ಬಳಿ ಇನ್ನೆಷ್ಟು ಕೋಟಿ ಇದೆ?

ವಿರಾಟ್​​ ಕೊಹ್ಲಿಗೆ 21 ಕೋಟಿ, ರಜತ್​ ಪಾಟಿದಾರ್​ಗೆ 11 ಕೋಟಿ, ಯಶ್​ ದಯಾಳ್​ಗೆ 5 ಕೋಟಿ ನೀಡಿರೋ ಆರ್​​ಸಿಬಿ ಒಟ್ಟು 37 ಕೋಟಿ ಸ್ಪೆಂಡ್​ ಮಾಡಿದೆ. ಟೋಟಲ್​​ 120 ಕೋಟಿ 37 ಕೋಟಿ ಖರ್ಚು ಮಾಡಿರೋ ಆರ್​​ಸಿಬಿ ಬಳಿ ಇನ್ನೂ 83 ಕೋಟಿ ಉಳಿದಿದೆ.

ಐಪಿಎಲ್ ಸೋತಿರುವ ಫ್ರಾಂಚೈಸಿಗಳ ಚಿತ್ತ ಮೆಗಾ ಹರಾಜಿನತ್ತ ನೆಟ್ಟಿದೆ. ಐಪಿಎಲ್ 2025 ಸೀಸನ್​ಗೂ ಮೊದಲು ಫ್ರಾಂಚೈಸಿಗಳು ತಮ್ಮ ತಂಡವನ್ನು ಪುನರ್​​​ ರಚನೆ ಮಾಡಲಿವೆ. ಐಪಿಎಲ್ ನಿಯಮದ ಪ್ರಕಾರ ಒಂದು ಫ್ರಾಂಚೈಸಿ ಗರಿಷ್ಠ 6 ಆಟಗಾರರನ್ನು ಉಳಿಸಿಕೊಂಡು ಮಿಕ್ಕವರನ್ನು ಕೈಬಿಡಬೇಕು. ಅಂತೆಯೇ ಮೊದಲ IPL ಪ್ರಶಸ್ತಿ ಹುಡುಕಾಟದಲ್ಲಿರುವ ಆರ್​ಸಿಬಿ ತಂಡವನ್ನು ಬಲಪಡಿಸಲು ಮುಂದಾಗಿದೆ. ಹಾಗಾಗಿ ಆರ್​​​ಸಿಬಿ 3 ಆಟಗಾರರನ್ನು ರೀಟೈನ್​ ಮಾಡಿಕೊಂಡು ಉಳಿದವರನ್ನು ಹರಾಜಿಗೆ ಬಿಟ್ಟಿದೆ.

ಇದನ್ನೂ ಓದಿ:ಆರ್​​​ಸಿಬಿ ರೀಟೈನ್​ ಲಿಸ್ಟ್​ ಅಧಿಕೃತ ಪ್ರಕಟ; ಕೊಹ್ಲಿ ಜತೆಗೆ ಇಬ್ಬರು ಆಟಗಾರರನ್ನು ಉಳಿಸಿಕೊಂಡ ಬೆಂಗಳೂರು

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್