ಕೊಹ್ಲಿ ಒಬ್ಬರಿಂದಲೇ ಹೃದಯಗೆದ್ದ ಇನ್ನಿಂಗ್ಸ್.. ಪಂಜಾಬ್ ಕಿಂಗ್ಸ್​ಗೆ 191 ರನ್​ಗಳ ಟಾರ್ಗೆಟ್..!

ಅಹ್ಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಐಪಿಎಲ್​ ಫೈನಲ್ ಪಂದ್ಯದಲ್ಲಿ ಆರ್​ಸಿಬಿ ಬೃಹತ್ ಮೊತ್ತ ಕಲೆ ಹಾಕುವಲ್ಲಿ ವಿಫಲವಾಗಿದೆ. ಎದುರಾಳಿ ಪಂಜಾಬ್ ಕಿಂಗ್ಸ್​ಗೆ, 191 ರನ್​ಗಳ ಸವಾಲಿನ ಗುರಿ ನೀಡಿದೆ. ನಿಗದಿತ 20 ಓವರ್​ನಲ್ಲಿ ಆರ್​ಸಿಬಿ 9 ವಿಕೆಟ್ ಕಳೆದುಕೊಂಡು 190 ರನ್​ಗಳಿಸಿದೆ.

ಟಾಸ್ ಸೋತ ಆರ್​ಸಿಬಿ ಮೊದಲು ಬ್ಯಾಟಿಂಗ್​ಗೆ ಬಂದಿತ್ತು. ಆರಂಭದಲ್ಲೇ ಕೈಲ್ ಜೇಮಿಸನ್ ಅವರು ಆರ್​ಸಿಬಿಗೆ ಆಘಾತ ನೀಡಿದರು. ಆರ್​ಸಿಬಿ 18 ರನ್​ಗಳಿಸಿ ಆಡ್ತಿದ್ದಾಗ 1.4ನೇ ಓವರ್​ನಲ್ಲಿ ಫಿಲ್ ಸಾಲ್ಟ್ ಅವರ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಸಾಲ್ಟ್ 9 ಬಾಲ್​ನಲ್ಲಿ 16 ರನ್​ಗಳಿಸಿ ಕ್ರೀಸ್​ನಿಂದ ನಿರ್ಗಮಿಸಿದರು.

ಇದನ್ನೂ ಓದಿ: ಫೈನಲ್​​ನಲ್ಲಿ ಕೈಕೊಟ್ಟ ಇಬ್ಬರು ಸ್ಟಾರ್ ಬ್ಯಾಟ್ಸಮನ್​.. ಕೊಹ್ಲಿಯೇ ಆರ್​ಸಿಬಿಗೆ ಆಧಾರ..!

ನಂತರ ಬಂದ ಮಯಾಂಕ್ ಅಗರ್ವಾಲ್ ಕೂಡ ಹೆಚ್ಚು ಹೊತ್ತು ಕ್ರೀಸ್​ನಲ್ಲಿ ನಿಲ್ಲಲಿಲ್ಲ. ಸ್ಫೋಟಕ ಬ್ಯಾಟಿಂಗ್ ಸುಳಿವು ನೀಡಿದ ಅವರನ್ನು ಚಹಾಲ್​ ಕಟ್ಟಿಹಾಕುವಲ್ಲಿ ಯಶಸ್ವಿಯಾದರು. 18 ಬಾಲ್​ನಲ್ಲಿ 24 ರನ್​ಗಳಿಸಿ ಮಯಾಂಕ್ ಔಟ್ ಆದರು. ಕ್ಯಾಪ್ಟನ್ ರಜತ್ ಪಾಟೀದಾರ್​, ಕೂಡ ಬೃಹತ್ ರನ್​ ಕಲೆ ಹಾಕುವಲ್ಲಿ ವಿಫಲರಾದರು.

ಕೊಹ್ಲಿ ಜವಾಬ್ದಾರಿಯುತ ಆಟ..

16 ಬಾಲ್​ನಲ್ಲಿ 26 ರನ್​ಗಳಿಸಿ ಹೊರನಡೆದರು. ವಿಕೆಟ್ ಮೇಲೆ ವಿಕೆಟ್ ಬೀಳುತ್ತಿದ್ದರೂ ವಿರಾಟ್ ಕೊಹ್ಲಿ ಕ್ರೀಸ್ ಕಚ್ಚಿ ನಿಂತಿದ್ದರು. 35 ಬಾಲ್ ಎದುರಿಸಿದ ವಿರಾಟ್ 43 ರನ್​ಗಳಿಸಿ ಒಮರ್ ಜಾಯ್​​ಗೆ ವಿಕೆಟ್ ಒಪ್ಪಿಸಿ ಹೊರನಡೆದರು. ಲಿಯಾಮ್ ಲಿವಿಂಗ್​ಸ್ಟೋನ್ 2 ಸಿಕ್ಸರ್​ನೊಂದಿಗೆ 25 ರನ್​ಗಳ ಕಾಣಿಕೆ ನೀಡಿದರು. ಉಪನಾಯಕ 240 ಸ್ಟ್ರೈಕ್​ ರೇಟ್​ನಲ್ಲಿ ಬ್ಯಾಟ್ ಬಿಸಿ 10 ಬಾಲ್​ನಲ್ಲಿ 24 ರನ್​ಗಳ ಕಾಣಿಕೆ ನೀಡಿದರು. ಶೆಫಾರ್ಡ್​ 17 ರನ್​ಗಳಿಸಿ ಔಟ್ ಆದರೆ, ಕೃನಾಲ್ ಪಾಂಡ್ಯ 4 ರನ್​ಗಳಿಸಿ ಔಟ್ ಆದರು.

ಪಂಜಾಬ್ ಕಿಂಗ್ಸ್ ಪರ.. ಅರ್ಷದೀಪ್ ಸಿಂಗ್ ಮೂರು, ಕೈಲ್ ಜೆಮಿಸನ್ 3, ಓಮರ್​ಜಾಯ್ 1, ಚಹಾಲ್ 1, ವೈಶಾಕ್ ವಿಜಯಕುಮಾರ್ 1 ವಿಕೆಟ್ ಪಡೆದುಕೊಂಡರು. ಪಂಜಾಬ್ ಕಿಂಗ್ಸ್​ ಗೆಲ್ಲಲು 20 ಓವರ್​ನಲ್ಲಿ 191 ರನ್​​ಗಳಿಸುವ ಅಗತ್ಯ ಇದೆ.

ಇದನ್ನೂ ಓದಿ: ಆರ್​ಬಿಐನಿಂದ ನಾಳೆ ಮಹತ್ವದ ನಿರ್ಧಾರ.. ದೇಶದ ಜನರಿಗೆ ಗುಡ್​​ನ್ಯೂಸ್ ನಿರೀಕ್ಷೆ..!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ