ಪಂಜಾಬ್​ಗೆ ನುಗ್ಗಿ ಹೊಡೆದ RCB.. ಅಭಿಮಾನಿಗಳು ಮರೆಯಲಾಗದ 5 ಕ್ಷಣಗಳು..!

ತವರು ಚಿನ್ನಸ್ವಾಮಿಯಲ್ಲಿ ಪಂಜಾಬ್​​ ಎದುರು ಮುಖಭಂಗ ಅನುಭವಿಸಿದ್ದ ಆರ್​​ಸಿಬಿ ನಿನ್ನೆ ಅವರದ್ದೇ ಹೋಮ್​​ಗ್ರೌಂಡ್​ನಲ್ಲಿ ಪವರ್​​ಫುಲ್​ ಪಂಚ್​ ಕೊಟ್ಟಿದೆ. ಪಕ್ಕಾ ಪ್ಲಾನ್​ ಮಾಡಿಕೊಂಡು ಕಣಕ್ಕಿಳಿದ ರಾಯಲ್​​​ ಚಾಲೆಂಜರ್ಸ್, ಪಂಜಾಬ್​ ಕಿಂಗ್ಸ್​ನ ಉಡಾಯಿಸಿದೆ.

ಓಪನರ್ಸ್​​ಗೆ ಪಂಚ್​ ಕೊಟ್ಟ ಪಾಂಡ್ಯ

ಅಬ್ಬರದ ಆಟದೊಂದಿಗೆ ಬಿಗ್​​ಥ್ರೆಟ್​ ಆಗೋ ಸೂಚನೆ ನೀಡಿದ್ದ ಪಂಜಾಬ್​ ಓಪನರ್ಸ್​​ಗೆ ಕೃನಾಲ್​ ಪಾಂಡ್ಯ ಪಂಚ್​ ನೀಡಿದ್ರು. 5ನೇ ಓವರ್​ನಲ್ಲಿ ಪ್ರಿಯಾಂಶ್​ ವಿಕೆಟ್​ ಉರುಳಿಸಿದ ಕೃನಾಲ್​, 7ನೇ ಓವರ್​​ನಲ್ಲಿ ಪ್ರಭ್​ ಸಿಮ್ರನ್​ ಆಟಕ್ಕೆ ಫುಲ್​ ಸ್ಪಾಫ್​ ಇಟ್ರು.

ಇದನ್ನೂ ಓದಿ: ‘I finished monster’ ಕೊಲೆ ಮಾಡಿ ಆ ವ್ಯಕ್ತಿಗೆ ವಿಡಿಯೋ ಕಾಲ್ ಮಾಡಿದ್ರಂತೆ ಓಂ ಪ್ರಕಾಶ್ ಪತ್ನಿ

ಸುಯಶ್​​ ಖೆಡ್ಡಾಗೆ ಇಂಗ್ಲಿಸ್​, ಸ್ಟೋಯ್ನಿಸ್​

2 ಬೌಂಡರಿ, 1 ಸಿಕ್ಸರ್​ ಸಿಡಿಸಿದ ಇಂಗ್ಲಿಸ್​​ ಆರ್​​ಸಿಬಿ ಬೌಲರ್​​ಗಳಿಗೆ ಫೈಟ್​ ನೀಡಿದ್ರು. ಅಂತಿಮವಾಗಿ ಸುಯಶ್​ ಶರ್ಮಾ ಮುಂದೆ ಮಂಡಿಯೂರಿದ್ರು. 17 ಎಸೆತಗಳಲ್ಲಿ 29 ರನ್​ಗಳಿಸಿದ ಇಂಗ್ಲಿಸ್​ನ ಸುಯಶ್​ ಸ್ಪಿನ್​ ಖೆಡ್ಡಾಗೆ ಕೆಡವಿದ್ರು. ಅದೇ ಓವರ್​​ನಲ್ಲಿ ಮಾರ್ಕಸ್​​ ಸ್ಪೋಯಿನಿಸ್​​ ಕೂಡ ಸ್ಪಿನ್​​ ಜಾದೂವಿಗೆ ಬೋಲ್ಡ್​ ಆದ್ರು. ಅಂತಿಮ ಹಂತದಲ್ಲಿ ಶಶಾಂಕ್​ ಸಿಂಗ್​ ಅಜೇಯ 33 ರನ್​ಗಳಿಸಿದ್ರೆ, ಯಾನ್ಸೆನ್​ ಅಜೇಯ 25 ರನ್​ಗಳಿಸಿದ್ರು. 20 ಓವರ್​​ಗಳ ಅಂತ್ಯಕ್ಕೆ 6 ವಿಕೆಟ್​ ಕಳೆದುಕೊಂಡು ಪಂಜಾಬ್​ ಕಿಂಗ್ಸ್​​ 157 ರನ್​ಗಳಿಸಿತು.

ಕೊಹ್ಲಿ - ಪಡಿಕ್ಕಲ್​ ಆರ್ಭಟ

158 ರನ್​ಗಳ ಟಾರ್ಗೆಟ್​ ಬೆನ್ನತ್ತಿದ ಆರ್​​ಸಿಬಿಗೆ ಒಳ್ಳೆ ಓಪನಿಂಗ್​ ಸಿಗಲಿಲ್ಲ. ಫಿಲ್​ ಸಾಲ್ಟ್​​​ ಜಸ್ಟ್​ 1 ರನ್​ಗಳಿಸುವಷ್ಟರಲ್ಲಿ ಸುಸ್ತಾದ್ರು. ಮೊದಲ ಓವರ್​​ನಲ್ಲೇ ಸಾಲ್ಟ್​ ಔಟ್​ ಆಗಿದ್ದು ಮ್ಯಾಟರೇ ಆಗಲಿಲ್ಲ. 2ನೇ ವಿಕೆಟ್​ಗೆ ಜೊತೆಯಾದ ಕೊಹ್ಲಿ -​ ಪಡಿಕ್ಕಲ್​​ ಸಾಲಿಡ್​​ ಬ್ಯಾಟಿಂಗ್​ ನಡೆಸಿದ್ರು. 4 ಸಿಕ್ಸರ್, 5 ಬೌಂಡರಿ ಚಚ್ಚಿದ ಪಡಿಕ್ಕಲ್​ ಪರಾಕ್ರಮದ ಮುಂದೆ ಪಂಜಾಬ್​ ಬೌಲರ್ಸ್​​​ ಪರದಾಡಿದ್ರು. 30 ಎಸೆತಕ್ಕೆ ಪಡಿಕ್ಕಲ್​ ಹಾಫ್​ ಸೆಂಚುರಿ ಸಿಡಿಸಿದ್ರು.

ಇದನ್ನೂ ಓದಿ: ‘ಗೆಲುವಿನ ಕ್ರೆಡಿಟ್ ಯಾರಿಗೆ ಅಂದರೆ..’ ಗೆದ್ದ ಖುಷಿಯಲ್ಲಿ RCB ಕ್ಯಾಪ್ಟನ್ ಹೊಗಳಿದ್ದು ಯಾರನ್ನ..?

ಚೇಸ್​ ಮಾಸ್ಟರ್​ ‘ಮಾಸ್ಟರ್​​ ಕ್ಲಾಸ್​’

ಚೇಸ್​​ ಮಾಸ್ಟರ್​ ವಿರಾಟ್​​​ ಕೊಹ್ಲಿ ಮತ್ತೊಂದು ಕ್ಲಾಸಿಕ್​ ಇನ್ನಿಂಗ್ಸ್​ ಕಟ್ಟಿದ್ರು. ವಿರಾಟ್​​ 59ನೇ ಐಪಿಎಲ್​​ ಅರ್ಧಶತಕ ಪೂರೈಸಿದ್ರು. ಐಪಿಎಲ್​ನಲ್ಲಿ ಅತಿ ಹೆಚ್ಚು ಬಾರಿ 50+ ರನ್​ಗಳಿಸಿದ ಬ್ಯಾಟರ್​​ ಎಂಬ ಹೆಚ್ಚಳಿಕೆಗೆ ಪಾತ್ರರಾದ್ರು. 67 ಬಾರಿ ಕೊಹ್ಲಿ 50 ರನ್​ ಗಡಿ ದಾಟಿದ್ದಾರೆ. ಅಬ್ಬರಿಸಿ ಬೊಬ್ಬಿರಿದು 35 ಎಸೆತಗಳಲ್ಲಿ 61 ರನ್​ಗಳಿಸಿದ್ದ ದೇವದತ್​​ ಪಡಿಕ್ಕಲ್​ ಕೊನೆಗೆ ಹರ್ಪಿತ್​​​ ಬ್ರಾರ್​ಗೆ ವಿಕೆಟ್​​ ಒಪ್ಪಿಸಿದ್ರು.

7 ವಿಕೆಟ್​ಗಳ ಜಯ..

54 ಎಸೆತಗಳನ್ನ ಎದುರಿಸಿದ ಕೊಹ್ಲಿ 1 ಸಿಕ್ಸರ್​, 7 ಆಕರ್ಷಕ ಬೌಂಡರಿ ಸಹಿತ ಅಜೇಯ 73 ರನ್​ ಸಿಡಿಸಿದ್ರು. ಅಂತಿಮವಾಗಿ 18ನೇ ಓವರ್​ನ 5ನೇ ಎಸೆತವನ್ನ ಸಿಕ್ಸರ್​ ಸಿಡಿಸಿದ ಜಿತೇಶ್​ ಶರ್ಮಾ ಆರ್​​ಸಿಬಿ ತಂಡವನ್ನ ಗೆಲುವಿನ ದಡ ಸೇರಿಸಿದ್ರು. 7 ವಿಕೆಟ್​ಗಳ ಗೆಲುವು ಸಾಧಿಸಿದ ಆರ್​​ಸಿಬಿ ಪಾಯಿಂಟ್ಸ್​ ಟೇಬಲ್​​ನಲ್ಲಿ 3ನೇ ಸ್ಥಾನಕ್ಕೆ ಜಂಪ್​ ಮಾಡಿದ್ರೆ, ಪಂಜಾಬ್​ 4ನೇ ಸ್ಥಾನಕ್ಕೆ ಕುಸಿಯಿತು. ಗೆಲುವಿನ ಜೊತೆಗೆ ಕಿಂಗ್​ ಕೊಹ್ಲಿ ಕ್ಲಾಸಿಕ್​​ ಆಟ ಕಣ್ತುಂಬಿಕೊಂಡ ಫ್ಯಾನ್ಸ್​ ಫುಲ್​ ಖುಷ್​ ಆದ್ರು.

ಇದನ್ನೂ ಓದಿ: 6, 6, 6, 6! ಆರ್​ಸಿಬಿ ಗೆಲ್ಲಿಸಿಕೊಟ್ಟ ಕನ್ನಡಿಗ ಪಡಿಕ್ಕಲ್ ಏನಂದ್ರು? ಯಾರ ಸಹಾಯ ನೆನಪಿಗೆ ಬಂತು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ