ಮೆಗಾ ಹರಾಜಿಗೆ ಆರ್​​​ಸಿಬಿ ಬಳಿ ಇದೆ ಅತೀ ದೊಡ್ಡ ಬ್ರಹ್ಮಾಸ್ತ್ರ; ಏನದು ಗೊತ್ತಾ?

ಎಲ್ಲರೂ ಭಾರೀ ಕುತೂಹಲದಿಂದ ಕಾಯುತ್ತಿದ್ದ ಇಂಡಿಯನ್​ ಪ್ರೀಮಿಯರ್​ ಲೀಗ್​​ ರೀಟೆನ್ಷನ್​​ ಲಿಸ್ಟ್​​ ಹೊರಬಿದ್ದಿದೆ. ಮೆಗಾ ಹರಾಜಿಗೆ ಮುನ್ನವೇ ಐಪಿಎಲ್​ ತಂಡಗಳ ಮಾಲೀಕರು ತಮಗೆ ಅಗತ್ಯ ಇರೋ ಆಟಗಾರರನ್ನು ಉಳಿಸಿಕೊಂಡಿದ್ದಾರೆ. ನಿನ್ನೆಯೇ ಬಿಸಿಸಿಐಗೆ ಎಲ್ಲಾ ಫ್ರಾಂಚೈಸಿಗಳು ರೀಟೈನ್​ ಮತ್ತು ರಿಲೀಸ್​​ ಲಿಸ್ಟ್​ ಸಲ್ಲಿಕೆ ಮಾಡಿವೆ.

ಬಿಸಿಸಿಐ ರೀಟೈನ್​ ಮಾಡಿಕೊಳ್ಳುವಾಗ ಐಪಿಎಲ್​​ ತಂಡಗಳಿಗೆ ಕೆಲವು ನಿಯಮಗಳನ್ನು ಪಾಲನೆ ಮಾಡುವಂತೆ ಸೂಚಿಸಿತ್ತು. ಅದರಂತೆ ನಾಲ್ವರು ಕ್ಯಾಪ್ಡ್‌ ಹಾಗೂ ಇಬ್ಬರು ಅನ್‌ ಕ್ಯಾಪ್ಡ್‌ ಪ್ಲೇಯರ್ಸ್​​​ ಉಳಿಸಿಕೊಳ್ಳಲು ಅವಕಾಶ ಮಾಡಿಕೊಡಲಾಗಿತ್ತು. ಒಂದು ತಂಡ ಗರಿಷ್ಠ ಇಬ್ಬರು ವಿದೇಶಿ ಆಟಗಾರರಿಗೆ ಮಣೆ ಹಾಕಬಹುದಿತ್ತು. ಬಿಸಿಸಿಐ ಕೊಟ್ಟ ನಿಯಮಗಳನ್ನು ಪಾಲನೆ ಮಾಡಿರೋ ಐಪಿಎಲ್​ ತಂಡಗಳು ಕೊನೆಗೂ ಲಿಸ್ಟ್​​ ರಿಲೀಸ್​ ಮಾಡಿವೆ.

ರೈಟ್‌ ಟು ಮ್ಯಾಚ್‌ ಕಾರ್ಡ್‌ ಆಪ್ಷನ್​​

ಗರಿಷ್ಠ ಆರು ಆಟಗಾರರ ರೀಟೈನ್​​ಗೆ ಅವಕಾಶ ಇತ್ತು. ಅಲ್ಲದೆ ರೈಟ್‌ ಟು ಮ್ಯಾಚ್‌ ಕಾರ್ಡ್‌ ಬಳಕೆ ಮಾಡಬಹುದಾಗಿ ಸಹ ತಿಳಿಸಿತ್ತು. ಯಾವ ಟೀಮ್​ ಎಷ್ಟು ಜನರನ್ನು ರೀಟೈನ್​ ಮಾಡಿಕೊಂಡಿದೆ ಅನ್ನೋದರ ಮೇಲೆ ಆರ್​​ಟಿಎಂ ಕಾರ್ಡ್​​ ಸಂಖ್ಯೆ ಇರಲಿದೆ. ಆರ್‌ಸಿಬಿ ಕೇವಲ ಮೂವರು ಆಟಗಾರರಿಗೆ ಮಾತ್ರ ಮಣೆ ಹಾಕಿದ್ದು, ಇನ್ನೂ ಐಪಿಎಲ್‌ ಮೆಗಾ ಹರಾಜಿನಲ್ಲಿ 3 ರೈಟ್‌ ಟು ಮ್ಯಾಚ್‌ ಕಾರ್ಡ್‌ ಬಳಸುವ ಅವಕಾಶ ಹೊಂದಿದೆ.

ಯಾವ ತಂಡದ ಬಳಿ ಎಷ್ಟು ಆರ್‌ಟಿಎಂ ಕಾರ್ಡ್​?

ಮೆಗಾ ಹರಾಜಿಗೆ ಮುನ್ನ ಐದು ತಂಡಗಳು ಐವರು ಆಟಗಾರರನ್ನು ಉಳಿಸಿಕೊಂಡಿದ್ದು, ಇವರ ಬಳಿ ಒಂದು ಆರ್‌ಟಿಎಂ ಕಾರ್ಡ್‌ ಇದೆ. ಈ ಐದು ತಂಡಗಳು ಕೇವಲ ಒಂದು ಆರ್‌ಟಿಎಂ ಕಾರ್ಡ್‌ ಬಳಕೆ ಮಾಡಬಹುದು. ಮುಂಬೈ ಇಂಡಿಯನ್ಸ್‌, ಚೆನ್ನೈ ಸೂಪರ್ ಕಿಂಗ್ಸ್, ಗುಜರಾತ್ ಟೈಟಾನ್ಸ್, ಲಕ್ನೋ ಸೂಪರ್​ ಜೈಂಟ್ಸ್​, ಸನ್‌ರೈಸರ್ಸ್‌ ಹೈದರಾಬಾದ್ ಕೇವಲ ಒಬ್ಬ ಆಟಗಾರನಿಗೆ ಮಾತ್ರ ಆರ್‌ಟಿಎಂ ಕಾರ್ಡ್‌ ಬಳಸಬಹುದು.

ಆರ್​​ಸಿಬಿ ಮತ್ತು ಪಂಜಾಬ್‌ ಬಳಿ ಹೆಚ್ಚು ಆರ್‌ಟಿಎಂ

ಪಂಜಾಬ್​​ ಕೇವಲ ಇಬ್ಬರನ್ನು ರೀಟೈನ್​ ಮಾಡಿಕೊಂಡಿದೆ. ಹಾಗಾಗಿ ಈ ತಂಡದ ಬಳಿ ಅತೀ ಹೆಚ್ಚು ಎಂದರೆ 4 ಆರ್​​ಟಿಎಂ ಕಾರ್ಡ್​ಗಳು ಇವೆ. ಡೆಲ್ಲಿ ಕ್ಯಾಪಿಟಲ್ಸ್‌ ಬಳಿ 2, ಆರ್‌ಸಿಬಿ ಬಳಿ 3 ಇದೆ. ಆರ್​​ಸಿಬಿ ಈಗ ಮೂವರು ಆಟಗಾರರಿಗೆ ಆರ್​​ಟಿಎಂ ಕಾರ್ಡ್​ ಬಳಸಬಹುದು. ಇದು ಮೆಗಾ ಹರಾಜಿಗೆ ದೊಡ್ಡ ಬ್ರಹ್ಮಾಸ್ತ್ರ ಆಗಿದೆ.

ಇನ್ನು ಹಾಲಿ ಚಾಂಪಿಯನ್ ಕೋಲ್ಕತ್ತಾ ನೈಟ್ ರೈಡರ್ಸ್‌ ಹಾಗೂ ರಾಜಸ್ಥಾನ ರಾಯಲ್ಸ್‌ ಗರಿಷ್ಠ 6 ಆಟಗಾರರನ್ನು ಉಳಿಸಿಕೊಂಡಿವೆ. ಹಾಗಾಗಿ ಈ ತಂಡಗಳು ಬಳಿ ಯಾವುದೇ ಆರ್‌ಟಿಎಂ ಕಾರ್ಡ್​ ಇಲ್ಲ ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ: ಕೈ ಬಿಟ್ಟ ಬೆನ್ನಲ್ಲೇ KL ರಾಹುಲ್​​ ವಿರುದ್ಧ ಆಕ್ರೋಶ ಹೊರಹಾಕಿದ LSG ಮಾಲೀಕ; ಏನಂದ್ರು ಗೊತ್ತಾ?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ