ಕೆಲಸ ಹುಡುಕುವವರಿಗೆ ಗುಡ್​ನ್ಯೂಸ್.. ಶೀಘ್ರದಲ್ಲೇ Group-D ಉದ್ಯೋಗಗಳ ನೇಮಕಾತಿ

ರೈಲ್ವೆ ರಿಕ್ವರ್​ಮೆಂಟ್ ಬೋರ್ಡ್​ (ಆರ್​​ಆರ್​ಬಿ) ಸದ್ಯದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಗ್ರೂಪ್- ಡಿ ಉದ್ಯೋಗಗಳಿಗೆ ಅಧಿಕೃತವಾಗಿ ಅರ್ಜಿ ಆಹ್ವಾನ ಮಾಡಲಿದೆ. ಈಗಾಗಲೇ ಈ ಉದ್ಯೋಗಕ್ಕಾಗಿ ಕಾಯುತ್ತಿರುವ ಅಭ್ಯರ್ಥಿಗಳು ಪೂರ್ವ ಸಿದ್ಧತೆಗಳನ್ನು ಮಾಡಿಕೊಳ್ಳುವುದರ ಜೊತೆಗೆ ಪರೀಕ್ಷೆಗೆ ಬೇಕಾದ ತಯಾರಿ ನಡೆಸಬೇಕು. ಏಕೆಂದರೆ ದೇಶದ್ಯಾಂತ ಈ ಹುದ್ದೆಗಳನ್ನು ನೇಮಕಾತಿ ಮಾಡುವುದರಿಂದ ಅಭ್ಯರ್ಥಿಗಳ ಮಧ್ಯೆ ಪೈಪೋಟಿಯು ಇರುತ್ತದೆ.

ಗ್ರೂಪ್ ಡಿ ಶ್ರೇಣಿಯಡಿ ಕಾಲಿರುವಂತ ಟ್ರ್ಯಾಕ್ ನಿರ್ವಾಹಕ, ಸಹಾಯಕ ಸೇರಿ ಇನ್ನಿತರ ಉದ್ಯೋಗಗಳನ್ನು ಆರ್​ಆರ್​ಬಿ ಭರ್ತಿ ಮಾಡಲಿದೆ. ಶೀಘ್ರದಲ್ಲೇ ಅಧಿಕೃತವಾಗಿ ಆರ್‌ಆರ್‌ಬಿ ಗ್ರೂಪ್ ಡಿ ಅಧಿಸೂಚನೆ ಹೊರಡಿಸಲಿದೆ. ಹೊರಡಿಸಿದ ಬಳಿಕ ನೇಮಕಾತಿ ಪ್ರಕ್ರಿಯೆಯ ವಿವರಗಳನ್ನು ನೀಡಲಾಗುತ್ತದೆ. ಇಂತಿಷ್ಟೇ ಅರ್ಜಿಗಳನ್ನು ಆಹ್ವಾನ ಮಾಡುತ್ತಾರೆ ಎಂದು ಹೇಳಲಾಗುವುದಿಲ್ಲ. ಆದರೂ ಅಂದಾಜು ಪ್ರಕಾರ 1 ಲಕ್ಷದಷ್ಟು ಉದ್ಯೋಗಗಳಿಗೆ ಆರ್​ಆರ್​ಬಿ ಅರ್ಜಿ ಕರೆಯುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ:1,000ಕ್ಕೂ ಹೆಚ್ಚು ಉದ್ಯೋಗಗಳ ನೇಮಕಾತಿ.. ಕರ್ನಾಟಕದ ಬ್ರ್ಯಾಂಚ್​ಗಳಲ್ಲೂ 300 ಹುದ್ದೆಗಳು

ಈ ಹುದ್ದೆಗಳಿಗೆ ಶೈಕ್ಷಣಿಕ ಅರ್ಹತೆ 10, ಪಿಯುಸಿ ಪೂರ್ಣಗೊಳಿಸಿರಬೇಕು. ಇದಕ್ಕೆ ವಯಸ್ಸಿನ ಮಿತಿ 18 ರಿಂದ 30 ಇರುತ್ತದೆ. ಇಲಾಖೆ ವೆಬ್​ಸೈಟ್​ ಲಿಂಕ್ ಬಿಡುಗಡೆಗೊಳಿಸಿದ ಬಳಿಕ ಅರ್ಜಿಯ ಪ್ರತಿಯನ್ನು ಅಭ್ಯರ್ಥಿಗಳು ಸಂಪೂರ್ಣವಾಗಿ ತಪ್ಪು ಇಲ್ಲದೇ ಭರ್ತಿ ಮಾಡಬೇಕು. ಆರ್​ಆರ್​ಬಿ ಮಾನದಂಡಗಳಂತೆ ಅರ್ಜಿ ಪ್ರತಿ ಪೂರ್ಣಗೊಳಿಸಬೇಕು. ಯಾವುದಾದರೂ ತಪ್ಪು ಆಗಿದ್ದರೇ ಅದನ್ನು ಇಲಾಖೆ ಮಾನ್ಯ ಮಾಡಲ್ಲ. ಹೀಗಾಗಿ ಎಲ್ಲ ವಿವರಗಳನ್ನ ಮೊದಲೇ ಖಚಿತ ಪಡಿಸಿಕೊಳ್ಳಬೇಕು.

ಅಭ್ಯರ್ಥಿಗಳು ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಕೆ ಮಾಡಿದ ಮೇಲೆ ಇಲಾಖೆಯು ಕಂಪ್ಯೂಟರ್ ಬೇಸ್ ಟೆಸ್ಟ್​ (ಸಿಬಿಡಿ) ನಡೆಸುತ್ತದೆ. ಇದರಲ್ಲಿ ಪಾಸ್ ಆದ ಅಭ್ಯರ್ಥಿಗಳಿಗೆ ದೈಹಿಕ ಪರೀಕ್ಷೆ ಹಾಗೂ ವೈದ್ಯಕೀಯ ಪರೀಕ್ಷೆಗೆ ಒಳಪಡುತ್ತಾರೆ. ಈ ಎರಡರಲ್ಲಿ ಪಾಸ್ ಆದವರು ರೈಲ್ವೆ ಇಲಾಖೆಯಡಿ ಹುದ್ದೆಗೆ ನೇಮಕವಾಗುತ್ತಾರೆ. ಇವೆಲ್ಲ ಕೇಂದ್ರ ಸರ್ಕಾರಿ ಉದ್ಯೋಗಗಳು ಆಗಿದ್ದರಿಂದ ಸಮಯಕ್ಕೆ ತಕ್ಕನಾಗೆ ಸ್ಯಾಲರಿ ಸೇರಿಂದತೆ ಎಲ್ಲ ರೀತಿಯ ಸೌಲಭ್ಯಗಳು ಹೊಸ ಉದ್ಯೋಗಿಗಳಿಗೆ ಲಭ್ಯವಾಗುತ್ತವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ