ಗಂಭೀರ್ ಕಠಿಣ ನಿರ್ಧಾರ.. ಭಾರೀ ಅನ್ಯಾಯ.. ಮುಗಿಯಿತಾ 7 ಆಟಗಾರರ ಭವಿಷ್ಯ..!

author-image
Ganesh
Updated On
ಗಂಭೀರ್ ಕಠಿಣ ನಿರ್ಧಾರ.. ಭಾರೀ ಅನ್ಯಾಯ.. ಮುಗಿಯಿತಾ 7 ಆಟಗಾರರ ಭವಿಷ್ಯ..!
Advertisment
  • ಗೌತಿಯ ಕಠಿಣ ನಿರ್ಧಾರಕ್ಕೆ ಬಲಿಯಾದ್ರಾ ಇವರು..?
  • ಕಠಿಣ ನಿರ್ಧಾರದ ಹಿಂದಿದೆ ಪ್ರಮುಖ ಕಾರಣ..?
  • ಸೂರ್ಯ ಆಗಮನದಿಂದಲೇ ಗಾಯಕ್ವಾಡ್​ಗೆ ಕೊಕ್..?

ಶ್ರೀಲಂಕಾ ಪ್ರವಾಸಕ್ಕೆ ಟೀಮ್ ಇಂಡಿಯಾ ಪ್ರಕಟವಾಗಿದೆ. ಈ ಸೆಲೆಕ್ಷನ್ ಹಾಟ್​ ಡಿಬೇಟ್​​ಗೆ ನಾಂದಿಯಾಡಿದೆ. ಕೆಲ ಆಟಗಾರರನ್ನು ಕೈ ಬಿಟ್ಟಿರುವುದು ಅಚ್ಚರಿಗೆ ಕಾರಣವಾಗಿದೆ. ಟ್ಯಾಲೆಂಟೆಡ್​​ ಪ್ಲೇಯರ್ಸ್​ಗೆ ಅನ್ಯಾಯವಾಗಿದೆ ಎಂಬ ಕೂಗು ಫ್ಯಾನ್ಸ್ ವಲಯದಲ್ಲಿ ಕೇಳಿ ಬರುತ್ತಿದೆ. ಸೆಲೆಕ್ಷನ್​ ವಿಚಾರದಲ್ಲಿ ತೆಗೆದುಕೊಂಡ ಟಫ್​ ಕಾಲ್ಸ್​​​ ವಿವಾದಕ್ಕೆ ದಾರಿ ಮಾಡಿಕೊಟ್ಟಿದೆ.

ಟೀಮ್ ಇಂಡಿಯಾದಲ್ಲಿ ಹೊಸ ಪರ್ವ ಶುರುವಾಗಿದೆ. ಶ್ರೀಲಂಕಾ ಪ್ರವಾಸಕ್ಕೆ ಪ್ರಕಟಿಸಿರುವ ತಂಡದಲ್ಲಿ ಹೊಸ ನಾಯಕನ ಜೊತೆ ಭವಿಷ್ಯದ ನಾಯಕನ ಉಗಮವೂ ಆಗಿದೆ. ಕೆಲ ಟಿ20 ವಿಶ್ವಕಪ್​ ಹೀರೋಗಳು ತಂಡಕ್ಕೆ ಮರಳಿದ್ದಾರೆ. ನೂತನ ಕೋಚ್ ಗೌತಮ್ ಗಂಭೀರ್ ತೆಗೆದುಕೊಂಡಿರುವ ಟಫ್ ಕಾಲ್​ನಿಂದಾಗಿ ಹಲವರಿಗೆ ಅನ್ಯಾಯವಾಗಿದೆ. ರೆಡ್​ ಹಾಟ್​ ಫಾರ್ಮ್​ನಲ್ಲಿದ್ದ ಆಟಗಾರರ ವಿಚಾರದಲ್ಲಿ ತೆಗೆದುಕೊಂಡ ನಿರ್ಧಾರ ಭಾರೀ ಟೀಕೆಗೂ ಗುರಿಯಾಗುವಂತೆ ಮಾಡಿದೆ.

ಇದನ್ನೂ ಓದಿ:‘ನಿಮ್ಗೆ ಗಟ್ಸ್​ ಇದ್ದರೆ..’ ಸಾನಿಯಾ ಜೊತೆ ಮದ್ವೆ ವಿಚಾರಕ್ಕೆ ಮೌನ ಮುರಿದು ಶಮಿ ಕಿಡಿಕಿಡಿ..!

ಗಾಯಕ್ವಾಡ್​ ವಿಚಾರದಲ್ಲಿ ಕಠಿಣ ನಿರ್ಧಾರ
ಗಾಯಕ್ವಾಡ್ ಸದ್ಯ ಸಾಲಿಟ್ ಫಾರ್ಮ್​ನಲ್ಲಿರುವ ಆಟಗಾರ. ಜಿಂಬಾಬ್ವೆ ಪ್ರವಾಸದಲ್ಲೂ ಸಾಲಿಡ್ ಪರ್ಫಾಮೆನ್ಸ್​ ನೀಡಿದ್ದ ಈತ, ಸದ್ಯ ಟಿ20 ಱಂಕಿಂಗ್​​​​​​​ನಲ್ಲಿ 8ನೇ ಸ್ಥಾನದಲ್ಲಿರೋ ಪ್ಲೇಯರ್​. ಹೀಗಾದ್ರೂ, ಋತುರಾಜ್ ಗಾಯಕ್ವಾಡ್​ಗೆ ಟಿ20 ತಂಡದಲ್ಲಿ ಇಲ್ಲದಿರುವುದು ಹಲವರಿಗೆ ಅಚ್ಚರಿಯ ಜೊತೆ ಶಾಕ್ ನೀಡಿದೆ. ಇದಕ್ಕೆ ಕಾರಣ ಸೂರ್ಯಕುಮಾರ್ ಆಗಮನವೇ ಆಗಿದೆ. ಖಾಯಂ ಆಟಗಾರನ ಆಗಮನದಿಂದ ಗಾಯಕ್ವಾಡ್​​ಗೆ ವಿಚಾರದಲ್ಲಿ ಟಫ್ ಕಾಲ್ ತೆಗೆದುಕೊಳ್ಳಲಾಗಿದೆ.

ಶತಕದ ಹೊರತಾಗಿ ಅಭಿಷೇಕ್ ಕಿಕ್​ ಔಟ್
ಮೋಸ್ಟ್​ ಕಾಟ್ರವರ್ಸಿ ಕ್ರಿಯೇಟ್ ಮಾಡ್ತಿರೋದು ರಿಯಾನ್ ಪರಾಗ್​ಗೆ ಸ್ಥಾನ ನೀಡಿದ್ದಾಗಿದೆ. ಜಿಂಬಾಬ್ವೆ ಸರಣಿಯಲ್ಲಿ ರಿಯಾನ್ ಪರಾಗ್​​ಗಿಂತ, ಅಭಿಷೇಕ್​ ಶರ್ಮಾ ಉತ್ತಮ ಪ್ರದರ್ಶನ ನೀಡಿದ್ರು. ಶತಕ ಸಿಡಿಸಿ ಮಿಂಚಿದ್ರು. ಅಭಿಷೇಕ್​ಗೆ ಕೊಕ್​ ಕೊಡಲಾಗಿದೆ. ಮಿಡಲ್ ಆರ್ಡರ್​ ಬ್ಯಾಟರ್​ ಆ್ಯಂಡ್ ಆಲೌರಂಡರ್ ಕೋಟಾದಲ್ಲಿ ರಿಯಾನ್​ ಪರಾಗ್​ಗೆ ಸ್ಥಾನ ನೀಡಲಾಗಿದೆ.

ಇದನ್ನೂ ಓದಿ:ಟೀಕೆಗಳನ್ನು ಪಕ್ಕಕ್ಕೆ ಇಡಿ.. ಪಾಂಡ್ಯರ ಈ ರೋಚಕ ಜರ್ನಿ ಬಗ್ಗೆ ನಿಮಗೆಷ್ಟು ಗೊತ್ತು..?

ಅವೇಶ್ ಮತ್ತು ಮುಖೇಶ್​​ಗೂ ಅನ್ಯಾಯ..?
ಜಿಂಬಾಬ್ವೆ ಸರಣಿಯಲ್ಲಿ ಅದ್ಭುತ ಪ್ರದರ್ಶನ ನೀಡಿದವರಲ್ಲಿ ಅವೇಶ್ ಖಾನ್ ಹಾಗೂ ಮುಖೇಶ್ ಕುಮಾರ್ ಕೂಡ ಪ್ರಮುಖರು. ಆಡಿದ 3 ಪಂದ್ಯಗಳಲ್ಲಿ ಮುಖೇಶ್ 8 ವಿಕೆಟ್ ಉರುಳಿಸಿದ್ರೆ. ಅವೇಶ್​ ಕೂಡ ಆಡಿದ್ದ 3 ಪಂದ್ಯಗಳಿಂದ 6 ವಿಕೆಟ್ ಉರುಳಿಸಿದ್ರು. ಸ್ಥಾನ ಸಿಕ್ಕಿಲ್ಲ. ಇದಕ್ಕೆ ಕಾರಣ ಟಿ20 ವಿಶ್ವಕಪ್ ಹೀರೋಸ್ ಅರ್ಷ್​ದೀಪ್ ಸಿಂಗ್ ಅಂಡ್ ಮೊಹಮ್ಮದ್ ಸಿರಾಜ್. ಇವರಿಬ್ಬರ ಕಮ್​​​ಬ್ಯಾಕ್​ ಅವೇಶ್ ಖಾನ್ ಆ್ಯಂಡ್ ಮುಖೇಶ್ ಕುಮಾರ್​ಗೆ ಕೊಕ್​ ನೀಡುವಂತೆ ಮಾಡಿದೆ.

ವಿಶ್ವಕಪ್ ಹೀರೋ ಕುಲ್​ದೀಪ್​ಗಿಲ್ಲ ಟಿ20ಯಲ್ಲಿ ಸ್ಥಾನ
ಟಿ20 ವಿಶ್ವಕಪ್‌ನ ಹೀರೋಗಳಲ್ಲಿ ಒಬ್ಬರಾದ ಕುಲ್​​ದೀಪ್, ಟಿ20 ತಂಡದಲ್ಲಿರೋ ನಿರೀಕ್ಷೆ ಇತ್ತು. ಟಿ20ಯಿಂದ ಕೈಬಿಟ್ಟು, ಏಕದಿನ ತಂಡದಲ್ಲಿ ಮಾತ್ರವೇ ಅವಕಾಶ ನೀಡಲಾಗಿದೆ. ವಿಶ್ವಕಪ್​​ನಲ್ಲಿ ಬೆಂಚ್​​ಗೆ ಸಿಮೀತವಾಗಿದ್ದ ಯುಜುವೇಂದ್ರ ಚಹಲ್, ಎರಡೂ ತಂಡಗಳಲ್ಲಿ ಸ್ಥಾನ ಪಡೆದಿಲ್ಲ. ಬದಲಾಗಿ ಲೆಗ್ ಸ್ಪಿನ್ನರ್ ರವಿ ಬಿಷ್ನೋಯಿಗೆ ಚಾನ್ಸ್​ ನೀಡಲಾಗಿದೆ. ಬ್ಯಾಟಿಂಗ್ ಜೊತೆ ಅದ್ಬುತ ಫೀಲ್ಡಿಂಗ್ ಮಾಡುವ ಬಿಷ್ನೋಯಿ, ತಂಡಕ್ಕೆ ಪರಿಣಾಮಕಾರಿ ಆಗಬಲ್ಲರು ಎಂಬ ಕಾರಣಕ್ಕೆ ಅನುಭವಿ ಚಹಲ್​​ಗೆ ಕೊಕ್​ ನೀಡಲಾಗಿದೆ.

ಇದನ್ನೂ ಓದಿ:ಈ ಹುಡ್ಗಿಯಿಂದಾಗಿ ಪಾಂಡ್ಯ ಡಿವೋರ್ಸ್ ಪಡೆದರಾ​..? ಹಾರ್ದಿಕ್ ಜೊತೆ ತಳುಕು ಹಾಕಿಕೊಂಡ ಬ್ಯೂಟಿ ಇವರೇ..!

ಪ್ರತಿ ಸರಣಿಯ ಆಯ್ಕೆಯ ವೇಳೆ ವಿವಾದಗಳೂ ಇದ್ದೇ ಇರುತ್ತೆ. ಭವಿಷ್ಯ ಹಾಗೂ ತಂಡದ ಹಿತ ದೃಷ್ಟಿಯಿಂದ ಕೆಲವರಿಗೆ ನ್ಯಾಯ ಕೊಡಿಸುವ ಯತ್ನದಲ್ಲಿ ಕೆಲವರಿಗೆ ಅನ್ಯಾಯವಂತೂ ಆಗೇ ಆಗುತ್ತೆ. ಈ ಬಾರಿಯ ಸೆಲೆಕ್ಷನ್​ ತೀವ್ರ ಟೀಕೆಗೆ ಗುರಿಯಾಗುವಂತೆ ಮಾಡಿದ್ದು ಆನ್​​ಫೀಲ್ಡ್​ ಆಟದ ರಿಸಲ್ಟ್​ ಏನಿರುತ್ತೆ ಅನ್ನೋದನ್ನ ಕಾದು ನೋಡಬೇಕಿದೆ.

ಇದನ್ನೂ ಓದಿ:ತಮ್ಮ ಜೈಲಿಗೆ ಹೋಗಿದ್ದಕ್ಕೆ ಅಮ್ಮ ನರಳಿ ನರಳಿ ಪ್ರಾಣಬಿಟ್ಟರು-ದರ್ಶನ್ ಕೇಸ್​ನ ರಘು ಸಹೋದರಿ ಕಣ್ಣೀರು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ

Advertisment