ಶುಭ್​ಮನ್​​ ಗಿಲ್​​​ಗೆ ಬಿಗ್​ ಶಾಕ್​.. ನೂತನ ನಾಯಕನ​ ಮೇಲೆ ವಿರಾಟ್​ ಕೊಹ್ಲಿ, ಸಚಿನ್​ ಫ್ಯಾನ್ಸ್​​ ಕೆಂಡ!

ನಾಯಕನಾಗಿ ಹೊಸ ಅಧ್ಯಾಯ ಆರಂಭಿಸೋಕೆ ಮುನ್ನವೇ ಶುಭ್​ಮನ್​ ಗಿಲ್​ಗೆ ಶಾಕ್​ ಎದುರಾಗಿದೆ. ನೂತನ ನಾಯಕನ ಮೇಲೆ ಅಭಿಮಾನಿಗಳು ಕೆಂಡ ಕಾರ್ತಿದ್ದಾರೆ. ಸಚಿನ್​ ತೆಂಡುಲ್ಕರ್​, ವಿರಾಟ್​ ಕೊಹ್ಲಿ ಫ್ಯಾನ್ಸ್​ ಹಿಗ್ಗಾಮುಗ್ಗಾ ಜಾಡಿಸ್ತಿದ್ದಾರೆ. ಗಿಲ್​ ಮೇಲೆ ಅಭಿಮಾನಿಗಳಿಗೆ ಈ ಪರಿ ಸಿಟ್ಟು ಯಾಕೆ?.

ಇಂಡೋ-ಇಂಗ್ಲೆಂಡ್​ ಟೆಸ್ಟ್​ ಸರಣಿ ಕಾವು ಕ್ರಿಕೆಟ್​ ಲೋಕವನ್ನ ಆವರಿಸ್ತಿದೆ. ಕೆಲವೇ ದಿನಗಳಲ್ಲಿ ಪ್ರತಿಷ್ಠೆ ಸರಣಿ ಆರಂಭವಾಗಲಿದ್ದು, ಹೊಸ ಅಧ್ಯಾಯ ಆರಂಭಿಸೋಕೆ ಕ್ಯಾಪ್ಟನ್​ ಶುಭ್​ಮನ್​ ಗಿಲ್​ ಸಜ್ಜಾಗಿದ್ದಾರೆ. ನಾಯಕನಾಗಿ ಶುಭಾರಂಭವನ್ನ ಎದುರು ನೋಡ್ತಿರೋ ಶುಭ್​ಮನ್​ ಗಿಲ್​​ ಸರಣಿಗೆ ಭರ್ಜರಿ ತಯಾರಿ ನಡೆಸಿ ಸಜ್ಜಾಗಿದ್ದಾರೆ.

ಆಳ್ವಿಕೆ ಆರಂಭಕ್ಕೂ ಮೊದಲೇ ಗಿಲ್​ಗೆ ಶಾಕ್​

ಟೀಮ್​ ಇಂಡಿಯಾದಲ್ಲಿ ಶುಭ್​ಮನ್​ ಗಿಲ್​ ಆಳ್ವಿಕೆ ಆರಂಭಕ್ಕೂ ಮುನ್ನವೇ ಶಾಕ್​ ಎದುರಾಗಿದೆ. 18 ವರ್ಷಗಳ ಬಳಿಕ ಇಂಗ್ಲೆಂಡ್​ನಲ್ಲಿ ಸರಣಿ ಗೆದ್ದು ಇತಿಹಾಸ ನಿರ್ಮಿಸೋ ಲೆಕ್ಕಾಚಾರದಲ್ಲಿದ್ದ ನಯಾ ಕ್ಯಾಪ್ಟನ್​ ಶುಭ್​ಮನ್​ ಗಿಲ್ ಮೇಲೆ ಅಭಿಮಾನಿಗಳು ಕಿಡಿ ಕಾರ್ತಿದ್ದಾರೆ. ಕ್ರಿಕೆಟ್​ ದೇವರು ಸಚಿನ್​ ತೆಂಡುಲ್ಕರ್​, ಕಿಂಗ್​ ವಿರಾಟ್​ ಕೊಹ್ಲಿಯ ಫ್ಯಾನ್ಸ್​ ಗಿಲ್​ನ ಹಿಗ್ಗಾಮುಗ್ಗಾ ಜಾಡಿಸ್ತಿದ್ದಾರೆ. ಇದಕ್ಕೆ ಕಾರಣ ಏನು ಗೊತ್ತಾ?.

ಶುಭ್​ಮನ್​ ಗಿಲ್​ ಬ್ಯಾಟ್​ನಲ್ಲಿ​​ ಪ್ರಿನ್ಸ್​ ಎಂಬ ಅಡಿಬರಹ.!

ಸರಣಿ ಆರಂಭಕ್ಕೂ ಮುನ್ನ ಟೀಮ್​ ಇಂಡಿಯಾ ಆಟಗಾರರ ಫೋಟೋಶೂಟ್​ ನಡೆದಿದೆ. ನಾಯಕ ಶುಭ್​ಮನ್​ ಗಿಲ್​​​ ಸ್ಪೆಷಲ್​ ಶೂಟ್​ ಕೂಡ ಇದೇ ವೇಳೆ ನಡೆದಿದೆ. ಈ ವೇಳೆ ಬ್ಯಾಟ್​​ ಹಿಡಿದು ಗಿಲ್​ ಕೆಲ ಫೋಟೋಗಳಿಗೆ ಪೋಸ್​​ ಕೊಟ್ಟಿದ್ದಾರೆ. ಆ ಬ್ಯಾಟ್​ನಲ್ಲಿ ಪ್ರಿನ್ಸ್​ ಎಂಬ ಅಡಿ ಬರಹವಿದೆ. ಆ ಒಂದು ಟ್ಯಾಗ್​​ಲೈನ್​ ತೀವ್ರ ಚರ್ಚೆಗೆ ಗ್ರಾಸವಾಗಿದೆ. ಸಚಿನ್​, ಕೊಹ್ಲಿ ಅಭಿಮಾನಿಗಳು ಗಿಲ್​ ಮೇಲೆ ಕೆಂಡಕಾರ್ತಿದ್ದಾರೆ.

ಸಚಿನ್​, ಕೊಹ್ಲಿಗಿಲ್ಲದ ಕಿರೀಟ ನಿನಗೆ ಬೇಕಾ.? ಫ್ಯಾನ್ಸ್​ ಪ್ರಶ್ನೆ.!

ಗಿಲ್​ಗೂ ಮುನ್ನ​​ ಭಾರತೀಯ ಕ್ರಿಕೆಟಿಗರ ಪೈಕಿ MRF ಬ್ಯಾಟ್​​ ಬಳಸಿದ್ದು ಇಬ್ಬರು ದಿಗ್ಗಜರು ಮಾತ್ರ. ಮೊದಲು ಸಚಿನ್​ ತೆಂಡುಲ್ಕರ್​, ಆ ಬಳಿಕ ವಿರಾಟ್​​ ಕೊಹ್ಲಿ. ಇವರಿಬ್ಬರು ಬ್ಯಾಟ್​ ಬಳಸಿದ್ದ ಬ್ಯಾಟ್​​​ನಲ್ಲಿ ಮಾಸ್ಟರ್​ ಬ್ಲಾಸ್ಟರ್​​ ಅಂತಾಗ್ಲಿ, ಕಿಂಗ್​ ಅಂತಾಗ್ಲಿ ಯಾವುದೇ ಅಡಿಬರಹ ಇರಲಿಲ್ಲ. ಆದ್ರೆ, ಕಳೆದ ಕೆಲ ತಿಂಗಳಿನಿಂದ ಈ ಬ್ಯಾಟ್​ ಸ್ಪಾನರ್​​ಶಿಪ್​ ಪಡೆದಿರೋ ಗಿಲ್​ ಬ್ಯಾಟ್​ನಲ್ಲಿ ಪ್ರಿನ್ಸ್​​ ಅನ್ನೋ ಅಡಿಬರಹವಿದೆ. ವಿಶ್ವ ಕ್ರಿಕೆಟ್​ ಲೋಕದಲ್ಲಿ ಎಲ್ಲವನ್ನೂ ಸಾಧಿಸಿದ್ದ ಸಚಿನ್​, ಕೊಹ್ಲಿಗೆ ಇರದ ಟ್ಯಾಗ್​ಲೈನ್​, ಕೆಲ ವರ್ಷಗಳ ಹಿಂದಷ್ಟೇ ಕ್ರಿಕೆಟ್​ ಆಡಲು ಆರಂಭಿಸಿರೋ ಗಿಲ್​ ಬ್ಯಾಟ್​​ನಲ್ಲಿರೋದು ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣವಾಗಿದೆ.

ಲೆಜೆಂಡ್​​ಗಳಿಗೆ ನೀಡೋ ಗೌರವ ಇದೇನಾ.?

ಸಚಿನ್​ ತೆಂಡುಲ್ಕರ್​​ ಕ್ರಿಕೆಟ್​ ಲೋಕದ ದೇವರು. ವಿರಾಟ್​ ಕೊಹ್ಲಿಯನ್ನೂ ವಿಶ್ವಾದ್ಯಂತ ಆರಾಧಿಸೋ ಅಭಿಮಾನಿಗಳಿದ್ದಾರೆ. ಇವರಿಬ್ಬರು ಕ್ರಿಕೆಟ್​ನಲ್ಲಿ​​ ಮಾಡಿದ ಸಾಧನೆ, ಕ್ರಿಕೆಟ್​ಗೆ ನೀಡಿದ ಕೊಡುಗೆ ಅಪಾರ. ಕ್ರಿಕೆಟ್​ ಜಗತ್ತು ಕಂಡ ದಂತಕಥೆಗಳು ಇವ್ರು. ನಮ್ಮ ಭಾರತ ಮಾತ್ರವಲ್ಲ.. ವಿದೇಶದ ಹಲವು ಯುವ ಕ್ರಿಕೆಟಿಗರ ಪಾಲಿಗೆ ಇವ್ರೆ ರೋಲ್​ ಮಾಡೆಲ್​. ಇವರನ್ನ ಅಪಾರವಾಗಿ ಗೌರವಿಸುವರು ಎಲ್ಲೆಡೆ ಸಿಗ್ತಾರೆ. ಆದ್ರೆ, ಗಿಲ್​​ ಲೆಜೆಂಡ್​ಗಳನ್ನ ಗೌರವಿಸುವಲ್ಲಿ ಎಡವಿದ್ದಾರೆ. ಬ್ಯಾಟ್​ ಸ್ಪಾನ್ಸರ್​​ ಮಾಡ್ತಿರೋ MRF ಕಂಪನಿಯವರು ಆ ಟ್ಯಾಗ್ ಲೈನ್​ ಹಾಕಿರಬಹುದು. ಆದ್ರೆ, ಲೆಜೆಂಡ್​ಗಳಿಗೆ ಸಿಗದ ವಿಶೇಷ ಗೌರವ ನನಗ್ಯಾಕೆ ಎಂದು ಗಿಲ್​ ತಿರಸ್ಕರಿಸಬಹುದಿತ್ತು. ಆದ್ರೆ, ಗಿಲ್​ ಆ ಕೆಲಸ ಮಾಡಿಲ್ಲ. ಫ್ಯಾನ್ಸ್​ ಸಿಟ್ಟಿಗೆ ಇದೂ ಒಂದು ಕಾರಣವಾಗಿದೆ.

ಇದನ್ನೂ ಓದಿ: ಹಾಲಿಗಾಗಿ ಅಲ್ಲವೇ ಅಲ್ಲ, ಕತ್ತೆಗಳಿಗೆ ಭಾರೀ ಬೇಡಿಕೆ; ಡಾಂಕಿ ಲಕ್ಷ ಲಕ್ಷ ರೂಪಾಯಿಗೆ ಮಾರಾಟ!

ಸಾಧನೆಯನ್ನೇ ಮಾಡದೇ ಕಿರೀಟ ಯಾಕೆ.?

ಶುಭ್​ಮನ್​ ಗಿಲ್, ಟ್ಯಾಲೆಂಟೆಡ್​ ಕ್ರಿಕೆಟರ್​​​ ಅನ್ನೋದ್ರಲ್ಲಿ ಡೌಟೇ ಇಲ್ಲ. ಆದ್ರೆ, ಸಾಧಿಸೋದು ತುಂಬಾ ಇದೆ. ನೀವು ನಂಬ್ತಿರೋ ಇಲ್ವೋ.. ಟೆಸ್ಟ್​ ಕ್ಯಾಪ್ಟನ್​ ಪಟ್ಟವೇರಿರೋ ಶುಭ್​ಮನ್​ ಗಿಲ್​, ಬಾಂಗ್ಲಾದೇಶವನ್ನ ಹೊರತುಪಡಿಸಿದ್ರೆ, ಬೇರಾವ ದೇಶದಲ್ಲೂ ಸೆಂಚುರಿಯನ್ನೇ ಸಿಡಿಸಿಲ್ಲ. ಇಂಟರ್​​ನ್ಯಾಷನಲ್​ ಕ್ರಿಕೆಟ್​​​ಗೆ ಕಾಲಿಟ್ಟು 5 ವರ್ಷವಾದ್ರೂ ಎವರೇಜ್​ ಸಾಧನೆ ಮಾಡಿದ್ದಾರೆ.

ಟಿ20 ಫಾರ್ಮೆಟ್​ನಲ್ಲೂ ಅಷ್ಟೇ ಗಿಲ್​ ಅಬ್ಬರ ನಡೆದಿಲ್ಲ. ಹೀಗಾಗಿ ಸಾಧನೆ ಮಾಡದೇ ತನ್ನ ಬೆನ್ನು ತಾನೇ ತಟ್ಟಿಕೊಂಡರೆ ಹೇಗೆ ಅನ್ನೋ ಚರ್ಚೆಯೂ ಸೋಷಿಯಲ್​ ಮೀಡಿಯಾದಲ್ಲಿ ನಡೀತಿದೆ. ನಾಯಕನಾಗಿ ಕಾರ್ಯರಂಭ ಮಾಡೋದಕ್ಕೆ ಮುನ್ನ ಅಭಿಮಾನಿಗಳ ಆಕ್ರೋಶಕ್ಕೆ ಗಿಲ್​ ತುತ್ತಾಗಿದ್ದಾರೆ. ಲೆಜೆಂಡಗಳನ್ನ ಗೌರವಿಸಲು ಮುಂದಾದ್ರೂ ತನ್ನ ಬ್ಯಾಟ್​​ ಮೇಲಿದ್ದ ಸ್ಟಿಕ್ಕರ್​ನ ತೆಗೀತಾರಾ?.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ