ಕೊಹ್ಲಿ ಬಳಿ ಇಲ್ಲವೇ ಇಲ್ಲ; RCB ಇಂದ ಕೈ ಜಾರಿದ ಆರೆಂಜ್ ಕ್ಯಾಪ್, ಪರ್ಪಲ್ ಕ್ಯಾಪ್.. ಯಾರ ಹತ್ತಿರ ಇವೆ?

ಗ್ರ್ಯಾಂಡ್ ಐಪಿಎಲ್ ಸೀಸನ್​- 18 ಕೊನೆಯ ಹಂತಕ್ಕೆ ಬಂದಿದೆ. ಇನ್ನೇನು ಕೆಲವೇ ಕೆಲವು ಲೀಗ್ ಪಂದ್ಯಗಳಿದ್ದು, ಬಳಿಕ ಫೈನಲ್​ಗಾಗಿ ಪೈಪೋಟಿ ನಡೆಯಲಿದೆ. ಇದರ ನಡುವೆ ಪರ್ಪಲ್ ಕ್ಯಾಪ್​, ಆರೆಂಜ್ ಕ್ಯಾಪ್​ಗಾಗಿ ಫೈಟ್​ ಕೂಡ ಸಖತ್ ಆಗೇ ನಡೆಯುತ್ತಿದೆ. ಈ ಎರಡಕ್ಕಾಗಿ ಆಟಗಾರರ ನಡುವಿನ ಜಿದ್ದಾಜಿದ್ದಿ ಅಭಿಮಾನಿಗಳನ್ನು ರಂಜಿಸುತ್ತಿದೆ. ಸದ್ಯ ಪರ್ಪಲ್ ಕ್ಯಾಪ್ ಹಾಗೂ ಆರೆಂಜ್ ಕ್ಯಾಪ್ ಯಾರ ಬಳಿ ಇವೆ ಎಂದರೆ..?

ಆರೆಂಜ್ ಕ್ಯಾಪ್​ ರೇಸ್​ನಲ್ಲಿ ಆರ್​ಸಿಬಿಯ ಸ್ಟಾರ್ ಬ್ಯಾಟರ್​ ವಿರಾಟ್ ಕೊಹ್ಲಿ ಇದ್ದು ಬರೋಬ್ಬರಿ 112 ರನ್​ಗಳ ಹಿನ್ನಡೆಯಲ್ಲಿದ್ದಾರೆ. ಅಂದರೆ ಆರೆಂಜ್​ ಕ್ಯಾಪ್ ಸದ್ಯ ಗುಜರಾತ್ ಟೈಟನ್ಸ್​ ತಂಡದ ಓಪನರ್ ಆದ ಸಾಯಿ ಸುದರ್ಶನ ಬಳಿ ಇದೆ. ಸಾಯಿ ಸುದರ್ಶನ್ ಒಟ್ಟು 12 ಪಂದ್ಯಗಳಿಂದ 617 ರನ್​ಗಳಿಂದ ಅಗ್ರ ಸ್ಥಾನಿಯಾಗಿದ್ದಾರೆ. ವಿಶೇಷ ಎಂದರೆ ಎರಡನೇ ಸ್ಥಾನದಲ್ಲೂ ಗುಜರಾತ್​ ನಾಯಕ ಶುಭ್​ಮನ್ ಗಿಲ್ ಇದ್ದು 601 ರನ್​ ಗಳಿಸಿದ್ದಾರೆ.

ಇದನ್ನೂ ಓದಿ: RCB ಪಂದ್ಯದಂತೆ ನಮ್ಮ ತಂಡದ ಮ್ಯಾಚ್ ಸ್ಥಳಾಂತರ ಮಾಡಿ.. ಹೀಗೆ ಕೇಳಿದ್ದು ಯಾಕೆ?

ಆರೆಂಜ್​ ಕ್ಯಾಪ್​ನ 3ನೇ ಸ್ಥಾನದಲ್ಲಿ ಜೈಸ್ವಾಲ್ ಇದ್ದು ಇವರ ಪಂದ್ಯಗಳ ಮುಗಿದ ಕಾರಣ ಮೊದಲ ಸ್ಥಾನಕ್ಕೆ ಹೋಗಲ್ಲ. ಸೂರ್ಯಕುಮಾರ್ 510 ರನ್​ಗಳಿಂದ 4ನೇ ಸ್ಥಾನದಲ್ಲಿದ್ದು ಇಂದಿನ ಪಂದ್ಯ ಸೇರಿ 2 ಮ್ಯಾಚ್ ಇರುವುದರಿಂದ ಇವರಿಗೆ ಅವಕಾಶ ಇದೆ. ಆರ್​ಸಿಬಿಯ ವಿರಾಟ್ ಕೊಹ್ಲಿ 505 ರನ್​ಗಳಿಂದ 5ನೇ ಸ್ಥಾನದಲ್ಲಿದ್ದು ಉಳಿದ ಎರಡು ಪಂದ್ಯದಲ್ಲಿ ದೊಡ್ಡ ಮಟ್ಟದಲ್ಲಿ ರನ್ ಬಾರಿಸಿದರೆ ಆರೆಂಜ್ ಕ್ಯಾಪ್ ಪಡೆಯಬಹುದು. 493 ರನ್​ಗಳಿದ ಕೆ.ಎಲ್ ರಾಹುಲ್ ಅವರಿಗೆ ಅವಕಾಶ ಇದೆ ಎನ್ನಬಹುದು.

ಇನ್ನುಳಿದಂತೆ ಪರ್ಪಲ್ ಕ್ಯಾಪ್​ ಕೂಡ ಗುಜರಾತ್​ ತಂಡದಲ್ಲಿರುವ ಕನ್ನಡಿಗ ಪ್ರಸಿದ್ಧ್ ಕೃಷ್ಣ ಬಳಿ ಇದೆ. ಪ್ರಸಿದ್ಧ್ ಕೃಷ್ಣ 12 ಪಂದ್ಯಗಳಿಂದ 21 ವಿಕೆಟ್​ ಉರುಳಿಸಿದ್ದಾರೆ. 2ನೇ ಸ್ಥಾನದಲ್ಲಿ ಚೆನ್ನೈನ ನೂರ್ ಅಹ್ಮದ್ ಇದ್ದು 13 ಮ್ಯಾಚ್​ಗಳಿಂದ 21 ವಿಕೆಟ್ ಪಡೆದಿದ್ದಾರೆ. ಈ ರೇಸ್​ನಲ್ಲಿ ಆರ್​ಸಿಬಿ ಪೇಸ್​ ಬೌಲರ್​ ಜೋಶ್ ಹ್ಯಾಜಲ್ವುಡ್​ ಕೂಡ ಇದ್ದಾರೆ. ಕೇವಲ 10 ಪಂದ್ಯಗಳಲ್ಲಿ 18 ವಿಕೆಟ್​ ಪಡೆದಿದ್ದಾರೆ. ಮುಂದಿನ ಎರಡು ಪಂದ್ಯದಲ್ಲಿ ಅತ್ಯುತ್ತಮ ಬೌಲಿಂಗ್ ಮಾಡಿದ್ರೆ ಪರ್ಪಲ್ ಕ್ಯಾಪ್ ಪಡೆಯುವ ಅವಕಾಶ ಜೋಶ್ ಹ್ಯಾಜಲ್ವುಡ್​ಗೆ ಇದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ