ರಕ್ತದ ಮಡುವಿನಲ್ಲೇ 7 ವರ್ಷದ ಮಗನೊಂದಿಗೆ ಆಸ್ಪತ್ರೆಗೆ ಬಂದಿದ್ದ ಸೈಫ್​ ಅಲಿ ಖಾನ್​​; ಫೋಟೋ ರಿಲೀಸ್​

ಮುಂಬೈ: ಕಳೆದ ಎರಡು ದಿನಗಳ ಜನವರಿ 16ನೇ ತಾರೀಕು ರಾತ್ರಿ ಬಾಲಿವುಡ್ ನಟ ಸೈಫ್ ಅಲಿ ಖಾನ್ ಮೇಲೆ ಹಂತಕನೋರ್ವ ದಾಳಿ ನಡೆಸಿದ್ದ. ಈ ದಾಳಿಯಲ್ಲಿ ನಟ ಸೈಫ್​ ಅಲಿ ಖಾನ್​​ಗೆ ಗಂಭೀರ ಗಾಯಗಳಾಗಿವೆ. ಬಳಿಕ ಸೈಫ್​ ಅಲಿಖಾನ್​​ ತನ್ನ ಮಗ ಇಬ್ರಾಹಿಂ ಅಲಿ ಖಾನ್ ಜೊತೆ ಆಸ್ಪತ್ರೆಗೆ ಹೋಗಿದ್ದರು ಎಂದು ವರದಿ ಆಗಿದೆ. ಅಂದು ರಾತ್ರಿ ಸೈಫ್ ಯಾರ ಜೊತೆ ಆಸ್ಪತ್ರೆಗೆ ಬಂದಿದ್ದರು ಎಂದು ವೈದ್ಯರು ಬಹಿರಂಗಪಡಿಸಿದ್ದಾರೆ. ಅಲ್ಲದೇ ಸೈಫ್​ಗೆ ಚಾಕುವಿನಿಂದ ಇರಿದಿದ್ದ ಭಾಗವನ್ನು ತೋರಿಸಿದ್ದಾರೆ.

ವೈದ್ಯರು ಏನಂದ್ರು?

ಈ ಬಗ್ಗೆ ಮಾತಾಡಿದ ವೈದ್ಯರು, ಸೈಫ್ ಆಸ್ಪತ್ರೆಗೆ ಬಂದಾಗ ನಾನೇ ಮೊದಲು ಭೇಟಿ ಆಗಿದ್ದು. ಆಗ ಅವರು ರಕ್ತದ ಮಡುವಿನಲ್ಲಿದ್ದರು. ತಮ್ಮ 7 ವರ್ಷದ ಮಗ ತೈಮೂರ್ ಜೊತೆ ಸಿಂಹದಂತೆ ನಡೆದು ಬಂದರು. ಸೈಫ್ ನಿಜವಾದ ಹೀರೋ ಎಂದರು.

ಸಿನಿಮಾಗಳಲ್ಲಿನ ಯಾರು ಬೇಕಾದ್ರೂ ಹೀರೋ ಆಗಬಹುದು. ನಿಮ್ಮ ಮನೆ ಮೇಲೆ ದಾಳಿ ನಡೆದಾಗ ಧೈರ್ಯದಿಂದ ಎದುರಿಸುವುದು ಅಷ್ಟು ಸುಲಭವಲ್ಲ. ಎಲ್ಲವನ್ನು ಎದುರಿಸಿ ಹೀಗೆ ಆಸ್ಪತ್ರೆಗೆ ಬರುವುದಕ್ಕೆ ಗುಂಡಿಗೆ ಬೇಕು. ಅಂಥವರನ್ನು ನಿಜ ಜೀವನದ ಹೀರೋ ಎಂದು ಕರೆಯಬೇಕು ಎಂದರು.

6 ಬಾರಿ ಚಾಕುವಿನಿಂದ ಇರಿದಿದ್ದ ದಾಳಿಕೋರ

ಸೈಫ್ ಮೇಲೆ ದಾಳಿಕೋರ 6 ಬಾರಿ ಚಾಕುವಿನಿಂದ ಇರಿದಿದ್ದ. ಇವರು ಆಸ್ಪತ್ರೆಗೆ ಬಂದಾಗ ದೇಹದಲ್ಲಿ ಚಾಕು ಚುಚ್ಚಿತ್ತು. ಆಪರೇಷನ್​ ಮಾಡಿ ವೈದ್ಯರು ಸೈಫ್ ದೇಹದಿಂದ ಚಾಕು ಹೊರ ತೆಗೆದರು. ಈ ಫೋಟೋವನ್ನು ಈಗ ರಿಲೀಸ್​ ಮಾಡಿದ್ದಾರೆ.

ಇದನ್ನೂ ಓದಿ:ಸೈಫ್ ಅಲಿ ಖಾನ್‌ ಮನೆಗೆ ನುಗ್ಗಿದ ಆಗಂತುಕ ಮೊದಲು ಮಾಡಿದ್ದೇನು? ಇಂಚಿಂಚು ಮಾಹಿತಿ ಬಹಿರಂಗ!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ