20 ಸಿಕ್ಸ್,​ ಕೇವಲ 97 ಎಸೆತಗಳಲ್ಲಿ ಡಬಲ್​ ಹಂಡ್ರೆಡ್​​.. ಡೆಲ್ಲಿ ಪ್ಲೇಯರ್​ ಬ್ಯಾಟಿಂಗ್​​ಗೆ ಕ್ರಿಕೆಟ್ ಲೋಕ ಫಿದಾ

ವಿಜಯ್ ಹಜಾರೆ ಟ್ರೋಫಿಯ ಏಕದಿನ ಪಂದ್ಯದಲ್ಲಿ ತ್ರಿಪುರ ತಂಡದ ವಿರುದ್ಧ ಯುವ ಪ್ಲೇಯರ್ ಸಮೀರ್ ರಿಜ್ವಿ ಅತಿ ವೇಗದ ಡಬಲ್ ಹಂಡ್ರೆಡ್ (201) ಸಿಡಿಸಿ ದಾಖಲೆ ನಿರ್ಮಿಸಿದ್ದಾರೆ. ಈ ಮೂಲಕ ವಿಜಯ್ ಹಜಾರೆ ಟ್ರೋಫಿಯಲ್ಲಿ ಹೊಸದೊಂದು ಇತಿಹಾಸ ನಿರ್ಮಿಸಿದ್ದು ಹಲವರ ದಾಖಲೆ ಬ್ರೇಕ್ ಮಾಡಿದ್ದಾರೆ.

ಪಂದ್ಯದಲ್ಲಿ ಮೊದಲ ಬ್ಯಾಟಿಂಗ್ ಮಾಡಿದ ಉತ್ತರ ಪ್ರದೇಶ ಟೀಮ್, ಸಮೀರ್ ರಿಜ್ವಿ ಹೊಡಿಬಡಿ ಬ್ಯಾಟಿಂಗ್ ನೆರವಿನಿಂದ ಬೃಹತ್​ ಮೊತ್ತದ ರನ್​ಗಳನ್ನು ಕಲೆ ಹಾಕಿತು. ತಂಡದ ಕ್ಯಾಪ್ಟನ್ ಆಗಿರುವ ಸಮೀರ್ ರಿಜ್ವಿ ಕ್ರೀಸ್​​ಗೆ 23 ನೇ ಓವರ್‌ನಲ್ಲಿ ಆಗಮಿಸಿದರು. ಬರುತ್ತಿದ್ದಂತೆ ದೊಡ್ಡ ದೊಡ್ಡ ಶಾಟ್​ಗಳನ್ನು ಹೊಡೆದರು. ಇದರಿಂದ ಕೇವಲ 97 ಎಸೆತಗಳಲ್ಲಿ 13 ಬೌಂಡರಿ, 20 ಸಿಕ್ಸರ್ ಸಮೇತ 201 ರನ್​ಗಳನ್ನು ಚಚ್ಚಿದರು. ಇವರ ಅಮೋಘ ದ್ವಿಶತಕದಿಂದ ಉತ್ತರ ಪ್ರದೇಶ ನಿಗದಿತ 50 ಓವರ್‌ಗಳಲ್ಲಿ 405 ರನ್‌ಗಳ ಬೃಹತ್ ಟಾರ್ಗೆಟ್ ನೀಡಿತು.

ಇದನ್ನೂ ಓದಿ: ರಾಬಿನ್ ಉತ್ತಪ್ಪ ಸ್ಪಷ್ಟನೆ.. ಅರೆಸ್ಟ್ ವಾರೆಂಟ್ ಬೆನ್ನಲ್ಲೇ ಮಾಜಿ ಕ್ರಿಕೆಟರ್​ ಹೇಳಿದ್ದೇನು..?

ಈ ಟಾರ್ಗೆಟ್ ಬೆನ್ನತ್ತಿದ ತ್ರಿಪುರ ಉತ್ತಮ ಆಟವನ್ನೇ ಆಡಿತು. ಬ್ಯಾಟಿಂಗ್ ಆರಂಭಿಸಿದ ತ್ರಿಪುರಾ ಟೀಮ್ ಬೃಹತ್​​ ರನ್​ಗಳನ್ನು ಕಲೆ ಹಾಕುವಲ್ಲಿ ವಿಫಲವಾಗುತ್ತ ಸಾಗಿತು. ಕೇವಲ 253 ರನ್ ಗಳಿಸಲು ಅಷ್ಟೇ ಸಾಧ್ಯವಾಯಿತು. ಹೀಗಾಗಿ ಉತ್ತರ ಪ್ರದೇಶ 152 ರರ್​ಗಳಿಂದ ವಿಜಯ ಮಾಲೆ ಧರಿಸಿ ಸಂಭ್ರಮಿಸಿತು.

ಈ ಮೊದಲು ಅಂಡರ್-23 ಟ್ರೋಫಿಯಲ್ಲಿ ನ್ಯೂಜಿಲೆಂಡ್‌ನ ಚಾಡ್ ಬೋವ್ಸ್ ಅತ್ಯಂತ ವೇಗದ ದ್ವಿಶತಕ 102 ಎಸೆತಗಳಲ್ಲಿ 200 ರನ್​ ಬಾರಿಸಿದ್ದರು. ಇವರ ನಂತರ ಭಾರತದ ನಾರಾಯಣ್ ಜಗದೀಸನ್, ಆಸ್ಟ್ರೇಲಿಯಾದ ಟ್ರಾವಿಸ್ ಹೆಡ್ 114 ಎಸೆತಗಳ 200 ರನ್​ಗಳಿಸಿದ್ದರು. ಆದರೆ ಈಗ ಸಮೀರ್ ರಿಜ್ವಿ ಕೇವಲ 97 ಎಸೆತಳಲ್ಲಿ 201 ರನ್​ ಸಿಡಿಸುವ ಮೂಲಕ ಎಲ್ಲ ರೆಕಾರ್ಡ್​​ಗಳನ್ನು ಉಡೀಸ್ ಮಾಡಿದ್ದಾರೆ.

ಸದ್ಯ ಐಪಿಎಲ್​ನಲ್ಲಿ ಸಮೀರ್ ರಿಜ್ವಿ ಡೆಲ್ಲಿ ಕ್ಯಾಪ್ಟಲ್ಸ್​ ತಂಡದಲ್ಲಿ ಆಡಲಿದ್ದಾರೆ. 2025ರ ಮೆಗಾ ಆಕ್ಷನ್​ನಲ್ಲಿ ಸಮೀರ್ ರಿಜ್ವಿ ಅವರನ್ನು ಡೆಲ್ಲಿ ಕ್ಯಾಪ್ಟಲ್ಸ್​ ಒಟ್ಟು 97 ಲಕ್ಷ ರೂಪಾಯಿಗಳನ್ನು ಕೊಟ್ಟು ಖರೀದಿ ಮಾಡಿತ್ತು. ಈ ಹಿಂದೆ ಚೆನ್ನೈ ಟೀಮ್​ನಲ್ಲಿ ಆಡಿದ್ದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ