ಎ.ಆರ್‌ ರೆಹಮಾನ್​ ಸ್ಟೂಡೆಂಟ್​ಗೆ ಕೂಡಿ ಬಂತು ಕಂಕಣ ಭಾಗ್ಯ; ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಸರಿಗಮಪ ಸಿಂಗರ್​ ವರ್ಣಾ ಚವಾಣ್

ಸರಿಗಮಪ ಅದೇಷ್ಟೋ ಪ್ರತಿಭೆಗಳನ್ನು ಬೆಳಕಿಗೆ ತಂದಿರೋ ವೇದಿಕೆ. ಸಹಸ್ರಾರೂ ಹಾಡು ಕನಸುಗಳಿಗೆ ಧನಿಯಾದ ಮಾಂತ್ರಿಕ ಕಾರ್ಯಕ್ರಮ. ಇದೇ ವೇದಿಕೆ ಮೂಲಕ ಬದುಕಟ್ಟಿಕೊಂಡ ಚಲುವೆ ವರ್ಣಾ ಚವಾಣ್. ತಮ್ಮ ಇಂಪಾದ ಧ್ವನಿ ಮೂಲಕ ಕನ್ನಡದ ಕಂಪನ್ನ ಪಸರಿಸಿದ್ದರು.

ಸರಿಗಮಪ ಚಾಂಪಿಯನ್​ಶಿಪ್​ನ ಫಸ್ಟ್ ರನ್ನರಪ್ ಕೂಡ ಆಗಿದ್ದರು​. ಅಲ್ಲಿಂದ ಹಲವಾರು ವೇದಿಕೆ ಮೂಲಕ ರಂಜಿಸುತ್ತಿದ್ದಾರೆ ಗಾಯಕಿ ವರ್ಣಾ ಚವಾಣ್. ಕಾಮಿಡಿ ಕಿಲಾಡಿಗಳು ವೇದಿಕೆಯಲ್ಲೂ ಧಮಾಕಾ ಮಾಡಿದ್ದರ ವರ್ಣಾ. ಇದೀಗ ಸರಿಗಮಪದ ಬೆಡಗಿ ವರ್ಣಾ ಚವಾಣ್ ಅದ್ಧೂರಿಯಾಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಬಹುಕಾಲದ ಗೆಳಯನ ಜೊತೆಗೆ ಸೆಪ್ಟೆಂಬರ್ 16ರಂದು ಮದುವೆ ಆಗಿದ್ದಾರೆ.

ಇದನ್ನೂ ಓದಿ: ಮತ್ತೆರಡು ಫೋಟೋ ರಿಟ್ರೀವ್.. ದರ್ಶನ್​​ಗೆ ಹೆಚ್ಚುವರಿ ಚಾರ್ಜ್​ಶೀಟ್ ಆಘಾತ..!

ವರ್ಣಾ ಹೊಸ ಬಾಳಿಗೆ ಜೊತೆಯಾದ ಜೋಡಿ ಎಆರ್​ ಬಾಲಾಜಿ. ಮೂಲತಹ ತಮಿಳುನಾಡಿನ ಹುಡುಗ. ಸಂಗೀತ ಪ್ರಿಯ. ಹಾಡುಗಾರ, ಅದ್ಭುತವಾದ ಪಿಟೀಲು ವಾದಕರಾಗಿದ್ದಾರೆ. ಇಬ್ಬರ ಟೆಸ್ಟ್ ಜೊತೆಗೆ ಮನಸ್ಸು ಮ್ಯಾಚ್ ಆಗಿತ್ತು. ಸೆಪ್ಟೆಂಬರ್ ತಿಂಗಳಿನಲ್ಲಿ ಗುರು-ಹಿರಿಯರ ಸಮ್ಮುಖದಲ್ಲಿ ಈ ಇಬ್ಬರು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

View this post on Instagram

A post shared by Varna Chawan (@varnachawan_official)

ಈ ಮದವೆ ವಿಶೇಷ ಅಂದ್ರೇ ಮ್ಯೂಜಿಕ್​ ಮಾಂತ್ರಿಕ ಸಂಗೀತ ದಂತಕಥೆ ಎಆರ್​ ರೆಹಮಾನ್ ಅವರು ನವ ಜೋಡಿಗೆ ಶುಭ ಕೋರಿದ್ದಾರೆ. ಮದುವೆಗೆ ಇನ್​ವೈಟ್​ ಮಾಡಿದ ಜೋಡಿಯನ್ನ ಕುರಿಸಿಕೊಂಡು ವಿಶ್​ ಮಾಡಿರೋ ಫೋಟೋಗಳನ್ನ ತಮ್ಮ ಸೋಷಿಯಲ್​ ಮೀಡಿಯಾ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ ವರ್ಣಾ. ಇನ್​ಫ್ಯಾಕ್ಟ್​ ಬಾಲಾಜಿ ಅವರು ರೆಹಮಾನ್ ಸರ್​ ಗರಡಿಯಲ್ಲಿ ಪಳಗಿರೋ ಪ್ರತಿಭೆ.

ಮ್ಯಾರಿಡ್​ ಲೈಫ್​ನ ಎಂಜಾಯ್​ ಮಾಡ್ತಿರೋ ವರ್ಣಾಗೆ ನಿಜಕ್ಕೂ ಇದೊಂದು ಸ್ಪೆಷಲ್​ ಕ್ಷಣವಾಗಿದೆ. ರೆಹೆಮಾನ್​ ಸರ್​ ಒಂದ್ ಸ್ಮೈಲ್​ಗೋಸ್ಕರ ಕಾಯೋ ಅದೇಷ್ಟೋ ಅಭಿಮಾನಿಗಾಳಿದ್ದಾರೆ. ಅಂತಹದ್ರಲ್ಲಿ ನಮ್ಮ ಜೋಡಿಗೆ ಅವರ ಆಶೀರ್ವಾದ ಸಿಕ್ಕಿದೆ. ಪುಣ್ಯ ಮಾಡಿದ್ದೀವಿ ಎಂದು ಸಂಭ್ರಮಿಸಿದ್ದಾರೆ ಗಾಯಕಿ. ನಮ್ಮ ಕಡೆಯಿಂದಲೂ ನವ ಜೋಡಿಗೆ ಮದುವೆಯ ಶುಭಾಶಯಗಳು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ