ಸಿನಿಮಾಗೆ ಹಾಡಲು ಆಫರ್ ಕೊಟ್ಟವರು ಲಹರಿನಾ ಫಿನಾಲೆಗೆ ಸೆಲೆಕ್ಟ್ ಮಾಡಿಲ್ಲ ಏಕೆ? ವೀಕ್ಷಕರು ಬೇಸರ!

ಸರಿಗಮಪ ಅದ್ಧೂರಿ ಫಿನಾಲೆಗೆ ಕೌಂಟ್​ಡೌನ್​ ಶುರುವಾಗಿದೆ. ಶಿವಾನಿ, ರಶ್ಮಿ, ಬಾಳು ಬೆಳಗುಂದಿ, ಆರಾಧ್ಯಾ ರಾವ್, ದ್ಯಾಮೇಶ್ ಹಾಗೂ ಅಮೋಘ ವರ್ಷ ಕಾಲಿಟ್ಟಿದ್ದಾರೆ. ಆದ್ರೆ ಇಬ್ಬರು ಸ್ಪರ್ಧಿ ಬಗ್ಗೆ ಜನ ಬೇಸರ ಹೋರ ಹಾಗ್ತಿದ್ದಾರೆ. ಇವರು ಫಿನಾಲೆಯಲ್ಲಿ ಇರಲೇಬೇಕು ಅನ್ನೋ ಕೂಗು ಜೋರಾಗಿದೆ.

ಇದನ್ನೂ ಓದಿ:ಆಟೋ ಡ್ರೈವರ್​ಗೆ ಚಪ್ಪಲಿಯಿಂದ ಹೊಡೆದ ಘಟನೆ.. ಚಾಲಕನ ಕಾಲು ಮುಟ್ಟಿ ಕ್ಷಮೆ ಕೇಳಿದ ಮಹಿಳೆ, ಆಕೆಯ ಗಂಡ

ಹೌದು, ಒಟ್ಟು ಆರು ಸ್ಪರ್ಧಿಗಳು ಫಿನಾಲೆಗೆ ಆಯ್ಕೆಯಾಗಿದ್ದಾರೆ ತಲುಪಿದ್ದಾರೆ. ಇವರಲ್ಲಿ ಮೈಸೂರಿನ ಲಹರಿ ಇರ್ಬೇಕಿತ್ತು. ಅತ್ಯುತ್ತಮ ಪ್ರತಿಭೆ ಲಹರಿ. ಕನ್ನಡದ ಭವಿಷ್ಯದ ಶ್ರೇಯಾ ಘೋಷಲ್​ ಲಹರಿ ಪುಟ್ಟ. ಪ್ರಾರಂಭದಿಂದಲೂ ಅದ್ಭುತವಾಗಿ ಹಾಡಿರೋ ಲಹರಿ ಫಿನಾಲೆಗೆ ಕೈಬಿಟ್ಟದ್ದು ಸರಿಯಲ್ಲ. ಇದು ಮೋಸ ಅಂತ ವೀಕ್ಷಕರು ಆಕ್ರೋಶ ಹೊರ ಹಾಕ್ತಿದ್ದಾರೆ.

ಶೋಗೆ ಅದರದೇ ಆದ ಆಯ್ಕೆಯ ಫಾರ್ಮೆಟ್​ ಇರಬಹುದು, ಆದ್ರೆ ಲಹರಿ ಸರಿಗಮಪ ಜರ್ನಿ ಮನಮುಟ್ಟುವಂತಹದ್ದು. ಸೆಮಿ ಫಿನಾಲೆಯಲ್ಲಿ ಗಂಟಲು ಡ್ರೈ ಆಗಿದ್ದಕ್ಕೆ ಕೊಂಚ ಆ ಕಡೆ ಈ ಕಡೆ ಆದ್ರೂ ಇಷ್ಟು ಜರ್ನಿಯಲ್ಲಿ ಲಹರಿ ಪುಟ್ಟ ನಮ್ಮ ಮನಸ್ಸು ಗೆದ್ದಿದ್ದಾಳೆ. ಸೀಕ್ರೆಟ್​ ಸ್ಕೋರ್​ ಹೇಗೆ ಕೊಟ್ರಿ? ಸ್ಕ್ರಿಪ್ಟೆಡ್​ ಶೋ. ಅಂತೆಲ್ಲಾ ನೂರಾರು ಕಾಮೆಂಟ್​ಗಳ ಮೂಲಕ ಬೇಸರ ಹೊರ ಹಾಕ್ತಿದ್ದಾರೆ ವೀಕ್ಷಕರು.

14 ವರ್ಷದ ಲಹರಿ ಮಹೇಶ್​ ಮೈಸೂರಿನ ಪ್ರತಿಭೆ. ನಾಗಾರಾಜ್​ ಟೀಮ್​ಗೆ ಆಯ್ಕೆ ಆಗಿದ್ರು. ಸರಿಗಮಪ ಸೀಸನ್​ಗೆ ಗೆಸ್ಟ್​ ಆಗಿ ಬಂದಿರೋ ಇಂಡಸ್ಟ್ರಿಯ ದಿಗ್ಗಜರು ಲಹರಿಯನ್ನ ಹಾಡಿ ಹೊಗಳಿದ್ದಾರೆ. ಇನ್​ಫ್ಯಾಕ್ಟ್​ ಸೆಮಿ ಫಿನಾಲೆಯಲ್ಲಿ ಅರ್ಜುನ್​ ಜನ್ಯ ಅವರು ಸಿನಿಮಾಗೆ ಹಾಡಲು ಲಹರಿಗೆ ಆಫರ್ ಕೊಟ್ಟಿದ್ದಾರೆ. ಲಹರಿ ಹಾಗೂ ಸಂಚಿತ್​ ಹೆಗ್ಡೆ ಅವರನ್ನ ಹೊಲಿಸುತ್ತಿದ್ದು, ಶೋ ಫಿನಾಲೆಗೆ ಬರದಿದ್ರು ದೇಶ ಮೆಚ್ಚುವಂತೆ ಸಾಧನೆ ಮಾಡು ಲಹರಿ ಭವಿಷ್ಯದ ಸೂಪರ್​ ಸ್ಟಾರ್​ ಶ್ರೇಯಾ ಘೋಷಾಲ್​ ಅಂತ ಎಂದು ಅನೇಕರು ಅಭಿಪ್ರಾಯ ಹೊರಹಾಕಿದ್ದಾರೆ.

View this post on Instagram

A post shared by Lahari Mahesh (@lahari_mahesh__)

ಇನ್ನೂ, ಲಹರಿ ಕೂಡ ವಿಡಿಯೋ ಬೈಟ್​ ರಿಲೀಸ್ ಮಾಡಿದ್ದು, ಇಷ್ಟು ದಿನ ಸಪೋರ್ಟ್​ ಮಾಡಿದ್ದ ಸಂಗೀತ ಪ್ರಿಯರಿಗೆ ಧನ್ಯವಾದ ಅರ್ಪಿಸಿದ್ದಾರೆ. ಒಟ್ಟಿನಲ್ಲಿ ಸೆಮಿ ಫಿನಾಲೆ ಮುಗಿದು ವಾರ ಕಳೆದ್ರು ಲಹರಿ ಪರ ಚರ್ಚೆ ಆಗ್ತಾನೆ ಇದೆ. ಸೋಲು ಗೆಲುವು ಇದ್ದಿದ್ದೇ ಆದ್ರೇ ಜನರ ಮನಸ್ಸು ಗೆಲ್ಲೋದು ಮುಖ್ಯ, ಈ ವಿಚಾರದಲ್ಲಿ ಲಹರಿ ಗೆದ್ದಿದ್ದಾರೆ. ಮುಂದಿನ ದಿನಗಳಲ್ಲಿ ದೊಡ್ಡ ಮಟ್ಟದಲ್ಲಿ ಬೆಳೆಯಲಿ ಅನ್ನೋದು ಅಭಿಮಾನಿಗಳ ಆಶಯವಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ