ಟೀಮ್​ ಇಂಡಿಯಾಗೆ ಬಿಗ್​ ಶಾಕ್​​; ಸುವರ್ಣಾವಕಾಶ ಕೈಚೆಲ್ಲಿದ Jr. ರೋಹಿತ್​ ಶರ್ಮಾ!

ದೇಶೀಯ ಕ್ರಿಕೆಟ್​​ನಲ್ಲಿ ಅಮೋಘ ಪ್ರದರ್ಶನ ನೀಡುವ ಮೂಲಕ ಟೀಮ್​ ಇಂಡಿಯಾ ಕದ ತಟ್ಟಿದವ್ರು ಯುವ ಬ್ಯಾಟರ್​​​ ಸರ್ಫರಾಜ್​​ ಖಾನ್​​. ಇರಾನಿ ಟ್ರೋಫಿಯಲ್ಲಂತೂ ಬಿರುಸಿನ ದ್ವಿಶತಕ ಸಿಡಿಸಿ ಅಬ್ಬರಿಸಿದ್ರು. ಹಾಗಾಗಿಯೇ ನ್ಯೂಜಿಲೆಂಡ್​ ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯಕ್ಕೆ ಟೀಮ್​ ಇಂಡಿಯಾದ ಪ್ಲೇಯಿಂಗ್​ ಎಲೆವೆನ್​​ನಲ್ಲಿ ಸ್ಥಾನ ಪಡೆದುಕೊಂಡರು. ಆದರೆ, ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಟೀಮ್​ ಇಂಡಿಯಾಗೆ ಸರಿಯಾಗಿ ಕೈ ಕೊಟ್ಟಿದ್ದಾರೆ.

ನಿರಾಸೆ ಮೂಡಿಸಿದ ಸರ್ಫರಾಜ್​ ಖಾನ್​​

ಮೊದಲ ಇನ್ನಿಂಗ್ಸ್​ನಲ್ಲಿ ವಿರಾಟ್​ ಕೊಹ್ಲಿ ಔಟ್​ ಆಗುತ್ತಿದ್ದಂತೆಯೇ ಸರ್ಫರಾಜ್​ ಖಾನ್​ ಎಂಟ್ರಿ ಕೊಟ್ಟರು. ಎಲ್ಲರೂ ಸರ್ಫರಾಜ್​ ಖಾನ್​ ಇಂದು ದೊಡ್ಡ ಇನ್ನಿಂಗ್ಸ್​ ಆಡಲಿದ್ದಾರೆ ಎಂದೇ ಭಾವಿಸಿದ್ದರು. ಆದರೆ, ಮಳೆ ಬಂದಿದ್ದ ಕಾರಣ ಚಿನ್ನಸ್ವಾಮಿ ಸ್ಟೇಡಿಯಮ್​​ ಪಿಚ್‌ನಲ್ಲಿ ಬ್ಯಾಟಿಂಗ್ ಮಾಡುವುದು ನಿಜಕ್ಕೂ ಸವಾಲ್​ ಆಗಿತ್ತು. ಹಾಗಾಗಿ ತನಗೆ ಸಿಕ್ಕ ಅವಕಾಶವನ್ನು ಸರ್ಫರಾಜ್​ ಖಾನ್​ ಕೈ ಚೆಲ್ಲಬೇಕಾಯ್ತು.

ಸರ್ಫರಾಜ್​​ ಖಾನ್​​ ಅಗ್ರೆಸ್ಸಿವ್​ ಬ್ಯಾಟರ್​​

ಟೀಮ್​​ ಇಂಡಿಯಾದ ಯುವ ಬ್ಯಾಟರ್​​ ಸರ್ಫರಾಜ್​ ಖಾನ್​ ಬಹಳ ಅಗ್ರೆಸ್ಸಿವ್​​ ಆಟಗಾರ. ಇವರ ಆಟ ಕೆಲವೊಮ್ಮೆ ರೋಹಿತ್​ ಶರ್ಮಾ ಅವರನ್ನೇ ಹೋಲುತ್ತದೆ. ಇವರು ಟೀಮ್​ ಇಂಡಿಯಾದ ಜೂನಿಯರ್​ ರೋಹಿತ್​ ಶರ್ಮಾ ಎಂದರು ತಪ್ಪಾಗಲಾರದು. ಪಿಚ್​​ ಯಾವುದೇ ಇರಲಿ, ಬೌಲರ್​ ಯಾರೇ ಆಗಿರಲಿ, ಬಾಲ್​ ಬಂದ್ರೆ ಬೌಂಡರಿ ದಾಟಿಸುವುದೇ ಇವರ ಗುರಿ. ಮೊದಲ ಇನ್ನಿಂಗ್ಸ್​ನಲ್ಲಿ ಮೋಡಿ ಮಾಡೋಣ ಎಂದು ಬ್ಯಾಟ್​ ಬೀಸಿದ್ರು. ಆದರೆ, ಅಂದುಕೊಂಡಂತೆ ಆಗದ ಕಾರಣ ಔಟಾದ್ರು.

ಕೇವಲ 46 ರನ್​ಗೆ ಟೀಮ್​ ಇಂಡಿಯಾ ಆಲೌಟ್​​

ಎಂ. ಚಿದಂಬರಂ ಇಂಟರ್​ ನ್ಯಾಷನಲ್​ ಕ್ರಿಕೆಟ್​ ಸ್ಟೇಡಿಯಮ್​​ನಲ್ಲಿ ಟೀಮ್​ ಇಂಡಿಯಾ ಮತ್ತು ನ್ಯೂಜಿಲೆಂಡ್​​ ನಡುವಿನ ಮೊದಲ ಟೆಸ್ಟ್​​ ಪಂದ್ಯ ನಡೆಯುತ್ತಿದೆ. ಈ ಮಹತ್ವದ ಪಂದ್ಯದ ಮೊದಲ ಇನಿಂಗ್ಸ್‌ನಲ್ಲಿ ಟೀಮ್ ಇಂಡಿಯಾ ಕೇವಲ 46 ರನ್‌ಗಳಿಗೆ ಆಲೌಟ್ ಆಗಿದೆ. ಹಾಗಾಗಿ ಟೀಮ್​​ ಇಂಡಿಯಾಗೆ ಮೊದಲ ಪಂದ್ಯ ಗೆಲ್ಲೋ ಅವಕಾಶ ಇದ್ಯಾ? ಅನ್ನೋ ಚರ್ಚೆ ಜೋರಾಗಿದೆ.

ಟೀಮ್​ ಇಂಡಿಯಾ ನೀಡಿರೋ ಕಡಿಮೆ ರನ್​​ಗಳ ಗುರಿ ಬೆನ್ನತ್ತಿರೋ ನ್ಯೂಜಿಲೆಂಡ್​ ತಂಡವು ಈಗ 402 ರನ್​​ಗಳ ಬೃಹತ್​ ಮೊತ್ತ ಸೇರಿಸಿ ಆಲೌಟ್​ ಆಗಿದೆ. ಅಲ್ಲದೆ 356 ರನ್​​ಗಳ ಇನಿಂಗ್ಸ್‌ ಮುನ್ನಡೆ ಸಾಧಿಸಿದೆ.

ಇದನ್ನೂ ಓದಿ: ಕಿವೀಸ್​ ​ವಿರುದ್ಧ ಗೆಲ್ಲಲು ಇನ್ನೂ ಇದೆ ಸುವರ್ಣಾವಕಾಶ! ಟೀಮ್​ ಇಂಡಿಯಾ ಮಾಡಬೇಕಾದ ಕೆಲಸ ಇಷ್ಟೇ!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ