ಕೊಹ್ಲಿಯಂತೆ ಕಠಿಣ ಡಯಟ್.. ಕೇವಲ 2 ತಿಂಗಳು, 17 Kg ತೂಕ ಇಳಿಸಿದ ಸರ್ಫರಾಜ್ ಖಾನ್!

ಕ್ರಿಕೆಟ್​ನಲ್ಲಿ ಸಕ್ಸಸ್ ಅನ್ನೋದು ಸುಲಭಕ್ಕೆ ಸಿಗಲ್ಲ. ಇದಕ್ಕಾಗಿ ಕಠಿಣ ಪರಿಶ್ರಮ, ತ್ಯಾಗ ಅನಿವಾರ್ಯ. ಇದೀಗ ಯಶಸ್ಸಿಗಾಗಿ ಯವ ಕ್ರಿಕೆಟಿಗ ಸರ್ಫರಾಜ್ ಖಾನ್, ವಿರಾಟ್ ಕೊಹ್ಲಿಯನ್ನ ಅನುಸರಿಸಿದ್ದಾರೆ. ಅಷ್ಟಕ್ಕೂ ಮುಂಬೈಕರ್ ಸರ್ಫರಾಜ್ ಮಾಡಿದ್ದೇನು?.

ಸರ್ಫರಾಜ್​​ ಖಾನ್​​​..! ಭಾರತೀಯ ಕ್ರಿಕೆಟ್​ನ ಡೊಮೆಸ್ಟಿಕ್​ ಕ್ರಿಕೆಟ್​ನ ಡಾನ್ ಬ್ರಾಡ್ಮನ್​​​. ಡೊಮೆಸ್ಟಿಕ್ ಕ್ರಿಕೆಟ್​ನಲ್ಲಿ ರನ್​​ ಹೊಳೆಯನ್ನೇ ಹರಿಸಿದ್ದ ಈ ಮುಂಬೈಕರ್, ಟೀಮ್ ಇಂಡಿಯಾದ ಡೆಬ್ಯೂ ಸಿರೀಸ್​ನಲ್ಲೇ ಸೃಷ್ಟಿಸಿದ್ದು ಸೆನ್ಸೇಷನ್. ಇದೀಗ ಟೀಮ್ ಇಂಡಿಯಾ ಟೆಸ್ಟ್​ ತಂಡದಲ್ಲೇ ಇಲ್ಲದ ಸರ್ಫರಾಜ್​ ಖಾನ್, ಕಮ್​​ಬ್ಯಾಕ್​ಗಾಗಿ ಇನ್ನಿಲ್ಲದ ಸರ್ಕಸ್ ಮಾಡ್ತಿದ್ದಾರೆ. ಅಷ್ಟೇ ಅಲ್ಲ, ಸರ್ಫರಾಜ್ ತೂಕದ ಬಗ್ಗೆ ಹಾಡಿಕೊಳ್ಳುತ್ತಿದ್ದವರ ಬಾಯಿಮುಚ್ಚಿಸಿದ್ದಾರೆ.

ಇಂಗ್ಲೆಂಡ್ ಎದುರಿನ ರಾಜಕೋಟ್ ಟೆಸ್ಟ್​ನಲ್ಲಿ ಡೆಬ್ಯೂ ಮಾಡಿದ್ದ ಸರ್ಫರಾಜ್, ಈ ಸರಣಿಯಲ್ಲಿ ಸಾಲಿಡ್ ಆಟವಾಡಿದ್ದರು. ನ್ಯೂಜಿಲೆಂಡ್ ಎದುರಿನ ಬೆಂಗಳೂರು ಟೆಸ್ಟ್​ನಲ್ಲಿ 150 ರನ್​ ಸಿಡಿಸಿ ಗಮನ ಸೆಳೆದಿದ್ದ ಮುಂಬೈಕರ್​​ಗೆ ಟೆಸ್ಟ್​ ತಂಡದಲ್ಲಿ ಸ್ಥಾನ ಖಾಯಂ ಆಗಿತ್ತು. ಆದ್ರೆ, ನಂತರದ ಎರಡೇ 2 ಟೆಸ್ಟ್​ ಪಂದ್ಯಗಳು ಸರ್ಫರಾಜ್​​, ಬದುಕನ್ನೇ ಬದಲಿಸಿತ್ತು. ಟೀಮ್ ಇಂಡಿಯಾದಿಂದ ಹೊರಬೀಳುವಂತೆ ಮಾಡಿತ್ತು. ಇದೀಗ ಕಮ್​​​ಬ್ಯಾಕ್​ನತ್ತ ಚಿತ್ತ ಹರಿಸಿರುವ ಸರ್ಫರಾಜ್ ಖಾನ್, ಎಲ್ಲರನ್ನು ಅಚ್ಚರಿಗೆ ದೂಡಿದ್ದಾರೆ. ಇದಕ್ಕೆ ಕಾರಣ ಈ ಒಂದು ಪೋಟೋ..

ಹೊಸ ಲುಕ್​​ನಲ್ಲಿ ಸರ್ಫರಾಜ್ ಖಾನ್ ಮಿಂಚಿಂಗ್..!

ಮುಂಬೈಕರ್ ಸರ್ಫರಾಜ್​, ಹೊಸ ಲುಕ್​​ನಲ್ಲಿ ಮಿಂಚ್ತಿದ್ದಾರೆ. ಇದಕ್ಕೆ ಕಾರಣ ವರ್ಕೌಟ್​​​ ಹಾಗೂ ಕಟ್ಟುನಿಟ್ಟಿನ ಡಯಟ್​. ಈ ಟಯಟ್​​ ಹಾಗೂ ವರ್ಕೌಟ್​​ನ ಕೃಪಾಕಟಾಕ್ಷವೇ ಸರ್ಫರಾಜ್ ಖಾನ್​, ಸ್ಲಿಮ್​ & ಟ್ರಿಮ್​ ಆಗಿ ಕಾಣ್ತಿದ್ದಾರೆ. ಇದಕ್ಕಾಗಿ ಬರೋಬ್ಬರಿ 17 ಕೆಜಿ ತೂಕ ಇಳಿಸಿಕೊಂಟಿದ್ದಾರೆ. ಹ್ಯಾಂಡ್ಸಮ್​​ ಲುಕ್​​ನಲ್ಲಿ ಕಾಣ್ತಿರುವ ಸರ್ಫರಾಜ್​, ಮಟನ್​​ ಬಿರಿಯಾನಿ, ರೈಸ್​​, ಮೈದಾ ಮುಂತಾದ ಆಹಾರಗಳಿಗೆ ಕೊಕ್​​ ಕೊಟ್ಟಿದ್ದಾರೆ. ಗಂಟೆಗಟ್ಟಲೇ ಜಿಮ್​ಗಳಲ್ಲಿ ವರ್ಕೌಟ್​ ಮಾಡಿ ಬೆವರಿಳಿಸ್ತಿದ್ದಾರೆ. ವರ್ಕೌಟ್​​, ಡಯಟ್​​ನ ಫಲವಾಗಿ 17 ಕೆಜಿ ದೇಹ ತೂಕ ಇಳಿಸಿಕೊಂಡಿದ್ದಾರೆ. ಆ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ.

ಟೀಕಾಕಾರರ ಬಾಯಿ ಮುಚ್ಚಿಸಿದ ಛಲದಂಕ ಮಲ್ಲ ಮುಂಬೈಕರ್!

ಟೆಸ್ಟ್ ತಂಡಕ್ಕೆ ಆಯ್ಕೆಯಾಗಿ ರನ್​ ಗಳಿಸಿದರು ಸರ್ಫರಾಜ್, ದೇಹತೂಕದ ಟೀಕೆ ಇದ್ದೇ ಇತ್ತು. ಆದ್ರೀಗ ದೇಹದ ತೂಕವನ್ನೇ ಇಳಿಸಿರುವ ಮುಂಬೈಕರ್, ಟೀಕಾಕಾರರ ಬಾಯಿ ಮುಚ್ಚಿಸಿದ್ದಾರೆ. ಟೀಮ್ ಇಂಡಿಯಾ ಕಮ್​ಬ್ಯಾಕ್​ಗಾಗಿ ಕೆಲ ಬದಲಾವಣೆಯ ಜೊತೆಗೆ ತ್ಯಾಗವನ್ನ ಮಾಡಿರುವ ಮುಂಬೈಕರ್​, ತಾನೊರ್ವ ಛಲದಂಕ ಮಲ್ಲ ಅನ್ನೋದನ್ನ ತೋರಿಸಿಕೊಟ್ಟಿದ್ದಾರೆ.

ಸರ್ಫರಾಜ್ ಡಯಟ್​​ ಪ್ಲಾನ್​

• ಒಂದೂವರೆ ತಿಂಗಳಿನಿಂದ ರೈಸ್ ಹಾಗೂ ರೋಟಿಗೆ ಬ್ರೇಕ್​
• ಕ್ಯಾರೆಟ್, ಸೌತೆಕಾಯಿ, ಹಸಿರು ತರಕಾರಿ ಸಲಾಡ್
• ಗ್ರಿಲ್ಡ್​ ಫಿಶ್, ಗ್ರಿಲ್ಡ್​ ಚಿಕನ್, ಬೇಯಿಸಿದ ಮೊಟ್ಟೆ ಸೇವನೆ
• ಗ್ರೀನ್ ಟೀ, ಬ್ಲಾಕ್ ಕಾಫಿ & ಊಟದಲ್ಲಿ ಕಡಿಮೆ ಎಣ್ಣೆ ಬಳಕೆ
• ಸಕ್ಕರೆ, ಮೈದಾ ಉತ್ಪನ್ನ, ಬೇಕರಿ ಉತ್ಪನ್ನಗಳಿಂದ ದೂರ
• MCAನಲ್ಲಿ ಪ್ರತಿ ನಿತ್ಯ ಒಂದು ಗಂಟೆ ಜಿಮ್​ನಲ್ಲಿ ವರ್ಕೌಟ್​
• 1 ಗಂಟೆ ವಾಕ್​, ಜಾಗಿಂಗ್​, 30 ನಿಮಿಷ ಸ್ವಿಮ್ಮಿಂಗ್ ಸೆಷನ್

ಸರ್ಫರಾಜ್​ ಖಾನ್​​ಗೆ ವಿರಾಟ್​ ಕೊಹ್ಲಿಯೇ ಸ್ಪೂರ್ತಿ..!

ವಿರಾಟ್​ ಕೊಹ್ಲಿ, ಟೀಮ್ ಇಂಡಿಯಾದ ಫಿಟೆಸ್ಟ್​ ಕ್ರಿಕೆಟರ್​. 37 ವಯಸ್ಸಿನಲ್ಲೂ ಚಿರತೆಯಂತೆ ಓಡುವ ಕೊಹ್ಲಿ, ಬ್ಯಾಟಿಂಗ್​ನಲ್ಲಿ ಮಾತ್ರವೇ ಎಲ್ಲರಿಗೂ ಮಾದರಿ ಅಲ್ಲ. ವಿರಾಟ್​ ಕೊಹ್ಲಿಯ ಫಿಟ್ನಸ್ ಡಯಟ್ ಸಹ ಅದೆಷ್ಟೋ ಮಂದಿಗೆ ಸ್ಪೂರ್ತಿ. ಹೀಗಾಗಿ ಹಲವರು ಅವರನ್ನೇ ಫಾಲೋ ಮಾಡ್ತಾರೆ. ಈ ಪೈಕಿ ಸರ್ಫರಾಜ್ ಖಾನ್ ಸಹ ಒಬ್ಬರಾಗಿದ್ದಾರೆ. ಫಿಟ್ನೆಸ್​ನಲ್ಲಿ ವಿರಾಟ್​ ಕೊಹ್ಲಿಯನ್ನೇ ಫಾಲೋ ಮಾಡ್ತಿದ್ದಾರೆ.

ಇದನ್ನೂ  ಓದಿ:ಭೀಮನ ಅಮಾವಾಸ್ಯೆ ದಿನವೇ ಗಂಡ- ಹೆಂಡತಿ ಗಲಾಟೆ.. ಮಗಳ ಜೀವ ತೆಗೆದ ತಾಯಿ

ವಿರಾಟ್​ ಕೊಹ್ಲಿ ಡಯಟ್ ಪ್ಲಾನ್.!

• 3 ವೈಟ್​​ ಆಮ್ಲೇಟ್​​, 1 ಪೂರ್ಣ ಮೊಟ್ಟೆ​, ಪಾಲಕ್​, ಬ್ಲಾಕ್ ಪೆಪ್ಪರ್ & ಚೀಸ್​
• ಗ್ರಿಲ್ಡ್​ ಪೋರ್ಕ್​, ಫಿಷ್​ ಹಾಗೂ ಪಪ್ಪಾಯಿ, ಕಲ್ಲಂಗಡಿ, ಡ್ರ್ಯಾಗನ್ ಫ್ರೂಟ್ಸ್​, ಬೆಣ್ಣೆ
• ಗೋಧಿ ರಹಿತ ಬ್ರೆಡ್, ದಿನಕ್ಕೆ ಮೂರ್ನಾಲ್ಕು ಕಪ್​​ ಗ್ರೀನ್ ಟೀ & ಲೆಮೆನ್ ಟೀ
• ಸ್ನಾಯುಗಳ ಬಲಕ್ಕಾಗಿ ರೆಡ್ ಮಟನ್​, ಗ್ರಿಲ್ಡ್ ಚಿಕನ್​, ಮ್ಯಾಶ್ ಆಲೂಗಡ್ಡೆ
• ರಾತ್ರಿಯ ಊಟಕ್ಕೆ ಪಾಲಕ್, ತರಕಾರಿ ಸಾಲಡ್​​ ಹಾಗೂ ಸೀ ಫೂಡ್​

ಸದ್ಯ ವಿರಾಟ್ ಕೊಹ್ಲಿಯ ಡಯಟ್​ ಅನ್ನೇ, ಕಟ್ಟು ನಿಟ್ಟಾಗಿ ಫಾಲೋ ಮಾಡ್ತಿರುವ ಮುಂಬೈಕರ್ ಸರ್ಫರಾಜ್ ಖಾನ್, ದೇಹತೂಕ ಇಳಿಸುವಲ್ಲಿ ಸಕ್ಸಸ್​ ಕಂಡಿದ್ದಾರೆ. ಸರ್ಫರಾಜ್ ಖಾನ್ ಮಾತ್ರವೇ ಅಲ್ಲ. ವಿರಾಟ್ ಕೊಹ್ಲಿಯ ಡಯಟ್​ ಅನ್ನೇ ಫಾಲೋ ಮಾಡುವ ಹಲವು ಕ್ರಿಕೆಟಿಗರು ವಿಶ್ವದಲ್ಲಿದ್ದಾರೆ. ಧಡೂತಿ ದೇಹದಿಂದ ಟೀಕೆಗೆ ಗುರಿಯಾಗಿದ್ದ ಸರ್ಫರಾಜ್, ಫುಲ್ ಫಿಟ್ ಆ್ಯಂಡ್ ಫೈನ್ ಆಗಿದ್ದಾರೆ. ಮುಂದಿನ ದಿನಗಳಲ್ಲಾದರು ಈತನಿಗೆ ಟೀಮ್ ಇಂಡಿಯಾ ಡೋರ್ ಓಪನ್ ಆಗುತ್ತಾ? ಅನ್ನೋದು ಕಾದುನೋಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ