ಕಾಂಗ್ರೆಸ್​ನಲ್ಲಿ ಸಿಎಂ ಸ್ಥಾನಕ್ಕೆ ಬಿಗ್​ ಫೈಟ್​​; ನಾನು ಆಕಾಂಕ್ಷಿ ಎಂದ ಸತೀಶ್​ ಜಾರಕಿಹೊಳಿ

ಬೆಂಗಳೂರು: ಸಿಎಂ ಸ್ಥಾನ ಒಪ್ಪಂದದಲ್ಲಿದೆ ಎಂದು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ ಶಿವಕುಮಾರ್​ ನೀಡಿದ್ದ ಅಂದಿನ ಸಂದರ್ಶನ ರಾಜ್ಯ ರಾಜಕೀಯದಲ್ಲಿ ಸಂಚಲನ ಸೃಷ್ಟಿಸಿದೆ. ಸಿಎಂ ಸಿದ್ದರಾಮಯ್ಯ ಬುಡಕ್ಕೆ ಒಪ್ಪಂದದ ಬಾಂಬ್​ ಇಟ್ಟ ಡಿಕೆಶಿ, ನಿಮ್ಮ ಕಾಲ ಹತ್ತಿರ ಬಂದಿದೆ. ಜಾಗ ಖಾಲಿ ಮಾಡಿ ಅನ್ನೋ ಸಂದೇಶ ಕೊಟ್ಟಿದ್ರು. ಇದಕ್ಕೀಗ ಸಿಎಂ ಸಿದ್ದರಾಮಯ್ಯ ಆ ರೀತಿಯ ಯಾವುದೇ ಒಪ್ಪಂದ ಆಗಿಲ್ಲ ಎಂದು ಟಕ್ಕರ್​ ಕೊಟ್ಟಿದ್ರು.

ಅಧಿಕಾರ ಹಂಚಿಕೆ ಎಂದರೆ 50-50 ಫಾರ್ಮೂಲ. ಅವರು ಮೂವತ್ತು ತಿಂಗಳು, ಇವರು ಮೂವತ್ತು ತಿಂಗಳು. ಹೀಗೆ ಡೆಲ್ಲಿಯ ಗಲ್ಲಿಗಳಲ್ಲಿ ಈ ಒಪ್ಪಂದಗಳ ಸದ್ದಾಗಿತ್ತು. ಅಸಲಿಗೆ ಡೆಲ್ಲಿ ಹೈಕಮಾಂಡ್​​​ ಈ ರಹಸ್ಯ ಸಭೆಯಲ್ಲಿ ಆಗಿದ್ದೇನು ಅನ್ನೋದು ಬಲ್ಲಱರು? ಮೊನ್ನೆ ನಾವು ಒಪ್ಪಂದದ ಮೇಲಿದ್ದೇವೆ ಅನ್ನೋ ಡಿಕೆಶಿ ಕೊಟ್ಟ ಸಂದರ್ಶನ ಮತ್ತೊಮ್ಮೆ ಬಣ ಯುದ್ಧಕ್ಕೆ ಕಾರಣವಾಗಿದೆ.

ಡೈರೆಕ್ಟ್​​​ ​​​ಕೌಂಟರ್​ ಕೊಟ್ಟ ಸಿದ್ದು!

ಡಿಸಿಎಂ ಡಿಕೆಶಿ ಡೆಲ್ಲಿಯಲ್ಲೇ ಇದ್ದು ಮಾರ್ಮಿಕವಾಗಿ ಸಂದೇಶ ಪಾಸ್​​​ ಮಾಡಿ, ಇಲ್ಲಿ ಸಿದ್ದು ಬಣಕ್ಕೆ ಡೈರೆಕ್ಟ್ ಹಿಟ್​​ ಮಾಡಿದ್ದರು. ಡಿಕೆಶಿ ಮಾತೇ ರಾಜ್ಯ ರಾಜಕೀಯದಲ್ಲಿ ಹೀಟ್​​​ ವಾತಾವರಣ ಸೃಷ್ಟಿಸಿದೆ. ಈ ಹೇಳಿಕೆಗೆ ಸಿಎಂ ಸಿದ್ದರಾಮಯ್ಯ ತಿರುಗೇಟು ನೀಡಿ ಯಾವ ಒಪ್ಪಂದ ಆಗಿಲ್ಲ ಅನ್ನೋ ಮೂಲಕ ಸಂಘರ್ಷವನ್ನ ಮತ್ತೊಂದು ಮಜಲಿಗೆ ಕೊಂಡೊಯ್ದಿದ್ದಾರೆ.

ಡಿಕೆಶಿ ಪವರ್​​ ಶೇರಿಂಗ್​​ ಆಸೆಗೆ ತಣ್ಣೀರು ಎರಚಿದ ಸಿಎಂ!

ಡಿಕೆಶಿ ಹೇಳಿದ ಒಪ್ಪಂದ, ಗಾಂಧಿ ಫ್ಯಾಮಿಲಿಗೆ ನಿಷ್ಠೆ ಬಗ್ಗೆ ಸಿಎಂ ಸಿದ್ದರಾಮಯ್ಯ ಮಾತ್ನಾಡಿದ್ದಾರೆ. ಸಿಎಂ ಸೀಟ್ ಹಂಚಿಕೆಯಲ್ಲಿ ಯಾವ ಒಪ್ಪಂದ ಆಗಿಲ್ಲ ಅನ್ನೋ ಮೂಲಕ ಡಿಕೆಶಿಯ ಪವರ್​​ ಶೇರಿಂಗ್​​ ಆಸೆಗೆ ತಣ್ಣೀರು ಎರಚಿದ್ದಾರೆ.. ಆದ್ರೆ, ಹೈಕಮಾಂಡ್​ ತೀರ್ಮಾನಕ್ಕೆ ಎಂದಿದ್ದಾರೆ.

ಸಿಎಂ ಸ್ಥಾನದ ಒಪ್ಪಂದ ಆಗಿಲ್ಲ ಎಂಬ ಸಿಎಂ ಹೇಳಿಕೆ ಬೆನ್ನಲ್ಲೆ ಡಿಕೆಶಿ ಮತ್ತೆ ಪ್ರತಿಕ್ರಿಯೆ ನೀಡಿದ್ದಾರೆ. ಆಯ್ತು ನಮ್ಮ ಚೀಫ್ ಮಿನಿಸ್ಟರ್ ಹೇಳಿದ ಮೇಲೆ ಫೈನಲ್‌ ಎಂದು ಕೌಂಟರ್​ ಕೊಟ್ಟರು. ಇನ್ನೊಂದೆಡೆ ಡಿಕೆ ಸುರೇಶ್​ ಹೇಳಿಕೆಯನ್ನೇ ಸಚಿವ ಜಾರಕಿಹೊಳಿ ಪ್ರಸ್ತಾಪಿಸಿದ್ದಾರೆ. ಜತೆಗೆ 2028ಕ್ಕೆ ನಾನು ಸಿಎಂ ರೇಸ್​ನಲ್ಲಿ ಇದ್ದೇನೆ ಎಂದಿದ್ದಾರೆ.

ಇದನ್ನೂ ಓದಿ:ಹಾರ್ದಿಕ್​​ಗೆ ಮಾಸ್ಟರ್​ ಸ್ಟ್ರೋಕ್​​; ಮುಂಬೈ ತಂಡದ ಕ್ಯಾಪ್ಟನ್ಸಿಗಾಗಿ ಈ ಮೂವರ ಮಧ್ಯೆ ಪೈಪೋಟಿ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ