ಭಾರತ ಸೇರಿ ಸೌದಿ ಅರೇಬಿಯಾ 14 ದೇಶಗಳಿಗೆ ವೀಸಾ ಬ್ಯಾನ್​! ಕಾರಣವೇನು?

ಭಾರತ ಸೇರಿದಂತೆ ಒಟ್ಟು 14 ದೇಶಗಳಿಗೆ ಸೌದಿ ಅರೇಬಿಯಾ ವೀಸಾ ಬ್ಯಾನ್ ಮಾಡಿದೆ. ಸೌದಿ ಅರೇಬಿಯಾದಲ್ಲಿ ಜೂನ್ 4 ರಿಂದ 9 ರವರೆಗೆ ಹಜ್ ಸಂಭ್ರಮ ಕಳೆಗಟ್ಟಲಿದ್ದು ಇದೇ ಕಾರಣದಿಂದ ಭಾರತ ಸೇರಿ ಒಟ್ಟು 14 ದೇಶಗಳಿಗೆ ವೀಸಾ ಬ್ಯಾನ್ ಮಾಡಲಾಗಿದೆ.

ಬೇರೆ ಬೇರೆ ವೀಸಾಗಳಲ್ಲಿ ಸೌದಿ ಅರೇಬಿಯಾಗೆ ಬಂದು ಅಕ್ರಮವಾಗಿ ವಾಸ ಮಾಡುತ್ತಾರೆ. ಈ ಕಾರಣದಿಂದಾಗಿ 14 ದೇಶಗಳಿಗೆ ವೀಸಾ ಬ್ಯಾನ್ ಮಾಡಲಾಗಿದೆ. ಹಜ್​​ಗೆ ಸರಿಯಾಗಿ ರಿಜಿಸ್ಟ್ರೇಷನ್​ ಮಾಡಿಸಿಕೊಳ್ಳದೇ ಬರುವವರನ್ನು ತಡೆಯಲು ವೀಸಾ ಬ್ಯಾನ್ ಮಾಡಲಾಗಿದೆ.

ಇದನ್ನೂ ಓದಿ:ವಿಶ್ವದ ಷೇರು ಮಾರುಕಟ್ಟೆಯಲ್ಲಿ ಅತಿ ದೊಡ್ಡ ತಲ್ಲಣ.. ಏನಿದು ಬ್ಲ್ಯಾಕ್ ಮಂಡೇ? ಇದರ ಇತಿಹಾಸ ಏನು?

ಭಾರತ, ಪಾಕಿಸ್ತಾನ, ಬಾಂಗ್ಲಾದೇಶ, ಈಜಿಪ್ಟ್​ ಸೇರಿ ಒಟ್ಟು 14 ದೇಶಗಳಿಗೆ ವೀಸಾ ಬ್ಯಾನ್ ಮಾಡಲಾಗಿದೆ. ಆದರೇ ಏಪ್ರಿಲ್ 13ರೊಳಗೆ ಉಮ್ರಾ ವೀಸಾ ಪಡೆದಿರುವವರು ಸೌದಿಗೆ ಭೇಟಿ ನೀಡಬಹುದು. ರಿಜಿಸ್ಟ್ರೇಷನ್ ಮಾಡಿಕೊಳ್ಳದೇ ಹಜ್ ಯಾತ್ರೆಯಲ್ಲಿ ಪಾಳ್ಗೊಳ್ಳುವುದನ್ನ ತಡೆಯಲು ಸೌದಿ ಅರೇಬಿಯಾ ಸರ್ಕಾರ ವೀಸಾ ಬ್ಯಾನ್ ಮಾಡಿದೆ.

ಇನ್ನು ಹಜ್​ ಯಾತ್ರೆಗೆ ಹೋಗುವವರ ಕಡ್ಡಾಯವಾಗಿ ರಿಜಿಸ್ಟ್ರೇಷನ್ ಮಾಡಿಕೊಂಡು ಸೂಕ್ತ ವೀಸಾ ಪಡೆದುಕೊಂಡು ಬರಬೇಕು ಎಂದು ಹೇಳಲಾಗಿದೆ. ಪ್ರತಿ ದೇಶಗಳಿಗೆ ಇಂತಿಷ್ಟು ಹಜ್​ ಯಾತ್ರೆಗೆ ವೀಸಾ ಎಂದು ನೀಡಲು ಸೌದಿ ಅರೇಬಿಯಾ ಸಜ್ಜಾಗಿದೆ. ಸೌದಿ ಅರೇಬಿಯಾದಲ್ಲಿ ಅತಿಯಾದ ಜನದಟ್ಟಣೆ, ಉಷ್ಣ ಗಾಳಿಯಿಂದಾಗಿ ಸಾವು ನೋವು ಹೆಚ್ಚಾಗುವುದನ್ನು ತಡೆಯಲು ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಕಳೆದ ವರ್ಷ ಉಷ್ಣ ಗಾಳಿಯಿಂದಾಗಿ ಸುಮಾರು 1,200 ಯಾತ್ರಾರ್ಥಿಗಳು ಸಾವನ್ನಪ್ಪಿದ್ದರು. ಈ ರೀತಿಯ ದುರಂತ ತಪ್ಪಿಸಲು ಈಗಲೇ ವೀಸಾ ಬ್ಯಾನ್ ಮಾಡಿದೆ ಸೌದಿ ಅರೇಬಿಯಾ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ