ನನ್ನ ಪತಿ ಸಲಿಂಗಕಾಮಿ, ಅವರಿಗೆ ಹುಡುಗರಂದ್ರೆ ಇಷ್ಟ.. ದೀಪಕ್ ಹೂಡಾ ವಿರುದ್ಧ ಇದೆಂಥ ಆರೋಪ..!

ಭಾರತೀಯ ಕಬಡ್ಡಿ ತಂಡದ ಮಾಜಿ ನಾಯಕ ದೀಪಕ್ ಹೂಡಾ ಮತ್ತು ಮಾಜಿ ಮಹಿಳಾ ಬಾಕ್ಸರ್​ ಸ್ವೀಟಿ ಬೂರಾ ವಿಚ್ಛೇಧನ ಗಲಾಟೆ ತಾರಕಕ್ಕೇರಿದೆ. ಪೊಲೀಸ್​ ಠಾಣೆಯಲ್ಲಿ ಪತಿಯ ಮೇಲೆ ಮಹಿಳಾ ಬಾಕ್ಸರ್​ ಅಟ್ಯಾಕ್​ ಮಾಡಿದ್ರು. ಈ ದೃಶ್ಯ ಭಾರೀ ವೈರಲ್​ ಆಗಿತ್ತು. ಇದರ ಬೆನ್ನಲ್ಲೇ ಹೊಸದೊಂದು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಅಪ್​ಲೋಡ್​ ಮಾಡಿರುವ ಸ್ವೀಟಿ ಬೂರಾ.. ಪತಿಯ ವಿರುದ್ಧ ಗಂಭೀರ ಆರೋಪ ಮಾಡಿದ್ದಾರೆ.

ನನ್ನ ಪತಿ ಸಲಿಂಗಕಾಮಿ, ಅವರಿಗೆ ಹುಡುಗರಂದ್ರೆ ಇಷ್ಟ!

ವಿಚ್ಚೇಧನ ವಿಚಾರವಾಗಿ ಪೊಲೀಸ್​ ಠಾಣೆಯಲ್ಲಿ ಮಾತುಕತೆ ವೇಳೆ ಸ್ವೀಟಿ ಬೂರಾ, ಪತಿ ಮೇಲೆ ಹಲ್ಲೆ ನಡೆಸಿದ್ರು. ಈ ವಿಚಾರವಾಗಿ ಸ್ಪಷ್ಟನೆ ನೀಡಲು ಸ್ವೀಟಿ, ವಿಡಿಯೋ ಮಾಡಿದ್ದಾರೆ. ಪೊಲೀಸ್​ ಠಾಣೆಯಲ್ಲಿ ನಡೆದ ಘಟನೆ ಬಗ್ಗೆ ಆರಂಭದಲ್ಲಿ ವಿವರಿಸಿದ ಅವರು, ಬಳಿಕ ದೀಪಕ್ ಹೂಡಾ ಅವರನ್ನು ಸಲಿಂಗಕಾಮಿ. ಹುಡುಗರು ಬಗ್ಗೆ ಆಸಕ್ತಿ ಹೊಂದಿದ್ದಾರೆ ಎಂದು ಆರೋಪಿಸಿದ್ದಾರೆ.

ಇದನ್ನೂ ಓದಿ: KL ರಾಹುಲ್​ ಬ್ಯಾಟಿಂಗ್ ಇಮಿಟೇಟ್​ಗೆ ನಕ್ಕು.. ನಕ್ಕು ಸುಸ್ತಾದ ಡೆಲ್ಲಿ ಪ್ಲೇಯರ್ಸ್, ಮುಂದಿನ ಪಂದ್ಯ ಆಡ್ತಾರಾ ಕನ್ನಡಿಗ?

2015 ಏಷಿಯನ್​ ಗೇಮ್​ನಲ್ಲಿ ಭೇಟಿಯಾಗಿ.. ಬಳಿಕ ಪರಸ್ಪರ ಪ್ರೀತಿಸಿ.. 2022ರಲ್ಲಿ ಈ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿತ್ತು. ಆರಂಭದಲ್ಲಿ ಚೆನ್ನಾಗೇ ಇದ್ದ ಜೋಡಿ ಅದೇನ್​ ಆಯ್ತೋ. ಸದ್ಯ ವಿಚ್ಚೇಧನಕ್ಕಾಗಿ ಅರ್ಜಿ ಸಲ್ಲಿಸಿದ್ದಾರೆ. ಬಾಕ್ಸರ್​ ಆಗಿರುವ ಸ್ವೀಟಿ ಬೂರಾ.. ಪತಿಯ ವಿರುದ್ಧ ವರದಕ್ಷಿಣಿ ಕಿರುಕುಳದ ಜೊತೆಗೆ ಹಲ್ಲೆ ಆರೋಪವನ್ನು ಮಾಡಿದ್ದರು. ಮಾರ್ಚ್​ 15ರಂದು ಇಸ್ಸಾರ್​ ಪೊಲೀಸ್​ ಠಾಣೆಯಲ್ಲಿ ಮಾತುಕತೆ ವೇಳೆ ದೊಡ್ಡ ರದ್ಧಾಂತವೇ ನಡೆದಿತ್ತು. ಈ ದೃಶ್ಯ ವೈರಲ್​ ಆಗ್ತಿದ್ದಂತೆ ಸ್ಪಷ್ಟನೆ ನೀಡಿರುವ ಸ್ವೀಟಿ ಬೂರಾ.. ಅಧಿಕಾರಿಗಳು ವಿಡಿಯೋವನ್ನು ತಿರುಚಿದ್ದಾರೆ ಎಂದು ಆರೋಪಿಸಿದ್ದಾರೆ.

ಒಟ್ಟಾರೆ.. ಒಂದೂವರೆ ತಿಂಗಳಿಂದ ಈ ಜೋಡಿಯ ರಂಪಾಟ ನಡೀತಿದ್ದು, ಇದೀಗ ಇದು ಸಾರ್ವಜನಿಕವಾಗಿ ಬಟಾಬಯಲಾಗಿದೆ. ಸದ್ಯ ಪತಿಯನ್ನು ಸಲಿಂಗಿ ಎಂದು ಸ್ವೀಟಿ ಬೂರಾ ಆರೋಪ ಮಾಡಿದ್ದು, ಇದಕ್ಕೆ ಕಬ್ಬಡಿ ಆಟಗಾರ ಏನ್​ ಸ್ಪಷ್ಟನೆ ನೀಡ್ತಾರೆ ಅನ್ನೋದನ್ನ ಕಾದುನೋಡಬೇಕಿದೆ.

ಇದನ್ನೂ ಓದಿ: ಹಿರಿಯ ವ್ಯವಸ್ಥಾಪಕ ಸೇರಿ ವಿವಿಧ ಹುದ್ದೆಗಳಿಗೆ ಅರ್ಜಿ ಸಲ್ಲಿಕೆ ಆರಂಭ.. ಒಟ್ಟು ಎಷ್ಟು ಉದ್ಯೋಗಗಳು ಇವೆ?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್