ಹಲ್ಲುಗಳ ಹುಳುಕು, ನೋವು, ಮುರಿದ್ರೆ ಚಿಂತೆ ಬೇಡ.. ವಿಜ್ಞಾನಿಗಳಿಂದ ನಿಮಗೆ ಗುಡ್​ನ್ಯೂಸ್​!

ಮನುಷ್ಯನಿಗೆ ಯಾವ ನೋವು ಬಂದರೂ ಹಲ್ಲು ನೋವು ಬರಬಾರದು ಎಂದು ಅದನ್ನು ಅನುಭವಿಸಿದವ್ರೆ ಹೇಳುತ್ತಾರೆ. ಹಲ್ಲು ನೋವು ಬಂದರೆ ನಾವು ಎಲ್ಲಿ ಇದ್ದರೂ ತಕ್ಷಣಕ್ಕೆ ವೈದ್ಯರನ್ನ ಸಂಪರ್ಕಿಸಿ ಚಿಕಿತ್ಸೆ ಪಡೆಯಲೇಬೇಕು. ಹಲ್ಲು ನೋವು ಕಾಣಿಸಿದರೆ ಡೆಂಟಲ್ ಸಿಮೆಂಟ್ ಅಥವಾ ಪರ್ಯಾಯವಾಗಿ ಡೆಂಟಲ್​ ಇಂಪ್ಲಾಂಟ್ ಸರ್ಜರಿ ಮಾಡುತ್ತಿದ್ದರು. ಆದರೆ ಇನ್ಮೇಲೆ ಇದೆಲ್ಲ ಮಾಡೋ ಅವಶ್ಯಕತೆ ಇಲ್ಲ. ಏಕೆಂದರೆ..

ವಿಶ್ವದಾದ್ಯಂತ ಇರುವ ಡೆಂಟಲ್​ಕೇರ್​ ಸೆಂಟರ್​ಗಳಲ್ಲಿ ಕ್ರಾಂತಿಕಾರಿ ಬದಲಾವಣೆ ಆಗಲಿದೆ. ನೀವು ಹೇಗೆಂದು ಯೋಚಿಸುತ್ತಿದ್ರೆ, ಉತ್ತರ ಮಾತ್ರ ಹೀಗಿದೆ. ಲಂಡನ್​ನ ಕಿಂಗ್ಸ್​ ಕಾಲೇಜಿನ ವಿಜ್ಞಾನಿಗಳು ಪ್ರಯೋಗಲಾಯದಲ್ಲಿ ನೈಸರ್ಗಿಕವಾದಂತ ಮನುಷ್ಯನ ಹಲ್ಲುಗಳು ಮುರಿದು ಹೋದ್ರೆ, ಉದುರಿ ಹೋದರೆ ಅಂತಹ ಹಲ್ಲುಗಳನ್ನು ಮತ್ತೆ ಅದೇ ಸ್ಥಳದಲ್ಲಿ ಬೆಳೆಸಬಹುದು ಎಂಬುದನ್ನು ಇದೀಗ ಕಂಡುಕೊಂಡಿದ್ದಾರೆ.

ಲಂಡನ್​ನ ಕಿಂಗ್ಸ್ ಕಾಲೇಜಿನ ಸಂಶೋಧಕರ ಟೀಮ್ ಹಾಗೂ ನಗರದ ಇಂಪೀರಿಯಲ್ ಕಾಲೇಜಿನ ಸಹಯೋಗದೊಂದಿಗೆ ಇಂತಹ ಸಂಶೋಧನೆ ಸಕ್ಸಸ್ ಆಗಿದೆ. ಇದು ಡೆಂಟಲ್​ ವಿಜ್ಞಾನದಲ್ಲೇ ಅತ್ಯಂತ ದೊಡ್ಡ ಯಶಸ್ವಿಯಾದ ಕಾರ್ಯವಾಗಿದೆ. ಮಾನವ ಹಲ್ಲುಗಳಿಗೆ ಏನಾದರೂ ಆಗಿ ಹಾನಿಯಾದ್ರೆ ಅದಕ್ಕೆ ಡೆಂಟಲ್ ಸಿಮೆಂಟ್ ಅಥವಾ ಪರ್ಯಾಯ ಡೆಂಟಲ್​ ಇಂಪ್ಲಾಂಟ್ ಬಳಕೆ ಮಾಡಲಾಗುತ್ತಿತ್ತು. ಆದ್ರೆ ಈಗ ಇದರ ಬದಲಿಗೆ ಹೊಸ ಹಲ್ಲನ್ನೇ ಬೆಳೆಸಬಹುದಾಗಿದೆ. ಹೊಸದಾಗಿ ಬರುವ ಹಲ್ಲುಗಳು ಸುದೀರ್ಘವಾಗಿ ಬಾಳಿಕೆ ಬರುತ್ತವೆ. ಜೊತೆಗೆ ಸ್ಟ್ರಾಂಗ್ ಆಗಿದ್ದು ಯಾವುದೇ ಸಮಸ್ಯೆಗಳು ಇವುಗಳಿಗೆ ಬರುವುದಿಲ್ಲ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ:ಸಮುದ್ರಸೌತೆ ಬೆಲೆ ಕೋಟಿ ಕೋಟಿ, ಆರೋಗ್ಯಕ್ಕೆ ಅತ್ಯುತ್ತಮ ಆಹಾರ.. ಆದ್ರೆ ದೇಶದಲ್ಲಿ ತಿನ್ನುವಂತಿಲ್ಲ, ಯಾಕೆ?

ವಿಜ್ಞಾನಿಗಳು ಕಂಡುಕೊಂಡಂತೆ ವಿಧಾನವು, ಜೈವಿಕ ವಸ್ತುಗಳು (Biomaterials) ಮತ್ತು ಬೆಳವಣಿಗೆಯ ಅಂಶಗಳನ್ನು (Growth factors) ಬಳಕೆ ಮಾಡಲಾಗುತ್ತಿದೆ. ಮಾನವನ ನೈಸರ್ಗಿಕ ಹಲ್ಲು ಇರುವಂತೆ ಮತ್ತೊಂದು ಹಲ್ಲನ್ನು ಈ ಮೇಲಿನ ಅಂಶಗಳು ಅಭಿವೃದ್ಧಿ ಪಡಿಸುತ್ತವೆ. ಈ ವಿಧಾನದ ಪ್ರಕಾರ ಜೈವಿಕವಾಗಿ (Bioengineer) ಹಲ್ಲನ್ನು ಮತ್ತೆ ಪುನರುತ್ಪಾದಕ ಮಾಡುವುದಾಗಿದೆ. ಮುಖ್ಯವಾಗಿ ಹಲ್ಲಿನ ಎಪಿಥೀಲಿಯಂ (Epithelium) ಹಾಗೂ ಮೆಸೆನ್‌ಕೈಮ್ (Mesenchyme) ಮಧ್ಯದ ಕ್ರಿಯೆಗಳನ್ನು ಪುನಃ ಪ್ರಾರಂಭಿಸುವುದು ಅಗತ್ಯ ಎಂದು ಅಧ್ಯಯನ ಹೇಳುತ್ತದೆ.

ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ