ಲೋಡೆಡ್ ಗನ್​, ಬುಲೆಟ್ ಸಮೇತ 82,000 ಜನ ಇರೋ ಕ್ರಿಕೆಟ್​ ಸ್ಟೇಡಿಯಂಗೆ ನುಗ್ಗಿದ ದುಷ್ಕರ್ಮಿಗಳು..!

ಆಸ್ಟ್ರೇಲಿಯಾದ ಮೆಲ್ಬೋರ್ನ್​ ಸ್ಟೇಡಿಯಂನಲ್ಲಿ ಭದ್ರತಾ ವೈಫಲ್ಯದಿಂದ ಇಬ್ಬರು ದುಷ್ಕರ್ಮಿಗಳು ಲೋಡೆಡ್​ ಗನ್ ಹಿಡಿದು ಒಳ ನುಗ್ಗಿರುವ ಘಟನೆ ನಡೆದಿದೆ. ಸದ್ಯ ಇಬ್ಬರನ್ನು ಅರೆಸ್ಟ್ ಮಾಡಿರುವ ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.

ಕಾರ್ಲ್ಟನ್-ಕಾಲಿಂಗ್‌ವುಡ್ ಬ್ಲಾಕ್‌ಬಸ್ಟರ್ ತಂಡಗಳ ನಡುವೆ ಹೈವೋಲ್ಟೇಜ್ ಫುಟ್ಬಾಲ್ ಪಂದ್ಯ ನಡೆಯುತ್ತಿತ್ತು. ಈ ಫುಟ್ಬಾಲ್ ಪಂದ್ಯ ವೀಕ್ಷಣೆಗೆ ಎಂದು 82 ಸಾವಿರ ಪ್ರೇಕ್ಷಕರು ಸ್ಟೇಡಿಯಂ ಗ್ಯಾಲರಿಯಲ್ಲಿ ಸೇರಿದ್ದರು. ಈ ವೇಳೆ ಮೆಲ್ಬೋರ್ನ್​ ಸ್ಟೇಡಿಯಂನಲ್ಲಿ ಭದ್ರತೆ ವೇಳೆ ಬಾಡಿ ಚೆಕಪ್​ ಮಾಡಿ ಒಳಗೆ ಬಿಡುವಾಗ ವೈಫಲ್ಯ ಎಸಗಿದ್ದಾರೆ. ಹೀಗಾಗಿ ಇಬ್ಬರು ದುಷ್ಕರ್ಮಿಗಳು ಲೋಡೆಡ್​ ಗನ್​ ಸಮೇತ ಸ್ಟೇಡಿಯಂ ಒಳಗೆ ನುಗ್ಗಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: ಬಿಗ್​ ಶಾಕ್ ಕೊಟ್ಟ ಬೂಮ್ರಾ​.. RCB ಜೊತೆಗಿನ ಮ್ಯಾಚ್ ಕೂಡ ಆಡಲ್ಲ.. ಯಾಕೆ?

ಆರೋಪಿಗಳಾದ ಮೊಹಮ್ಮದ್ ನೂರಿ (27) ಹಾಗೂ ಒಮರ್ ಸಲ್ಮಾ (21) ಇಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ. ಇದರಲ್ಲಿ ಓರ್ವ ಆರೋಪಿ ಫುಟ್ಬಾಲ್​ ಆಟದ ದ್ವಿತೀಯಾರ್ಧದಲ್ಲಿ ಗ್ಯಾಲರಿಯಲ್ಲಿ ಗನ್ ಹಿಡಿದು ಹುಚ್ಚಾಟ ಮಾಡಲು ಶುರುಮಾಡಿದ್ದಾನೆ. ಈ ವೇಳೆ ಆತಂಕಗೊಂಡ ಜನರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ತಕ್ಷಣ ಸ್ಥಳಕ್ಕೆ ಆಗಮಿಸಿದ ಪೊಲೀಸರು, ಇಬ್ಬರನ್ನು ಬಾಡಿ ಚೆಕ್ ಮಾಡಿದಾಗ ಪ್ಯಾಂಟ್​ನಲ್ಲಿ ಲೋಡೇಡ್ ಗನ್​ ಇಟ್ಟುಕೊಂಡಿರುವುದು ಬೆಳಕಿಗೆ ಬಂದಿದೆ ಎಂದು ಹೇಳಲಾಗಿದೆ.

ತಕ್ಷಣ ಪೊಲೀಸರು ಇಬ್ಬರುನ್ನು ಬಂಧಿಸಿ ವಿಚಾರಣೆ ನಡೆಸಿದ್ದಾರೆ. ಭದ್ರತಾ ವೈಫಲ್ಯದಿಂದ ಒಳ ನುಗ್ಗಿರುವುದು ಗೊತ್ತಾಗಿದೆ. ಇಬ್ಬರ ಮೇಲೂ ಈ ಮೊದಲು ಪ್ರಕರಣಗಳಿದ್ದು ವಾರಂಟ್​ ಕೂಡ ಇವೆ. ಈ ಘಟನೆಯಿಂದ ಎಚ್ಚೆತ್ತುಕೊಂಡಿರುವ ಮೆಲ್ಬೋರ್ನ್​ ಸ್ಟೇಡಿಯಂನ ಸಿಬ್ಬಂದಿ, ಭದ್ರತೆಯನ್ನು ಹೆಚ್ಚಿಸಿದ್ದಾರೆ. AI-ಚಾಲಿತ ತಂತ್ರಜ್ಞಾನದಿಂದ ಅವರಲ್ಲಿ ಗನ್​ಗಳು ಇವೆ ಎಂದು ಮೊದಲು ಪತ್ತೆ ಹಚ್ಚಲಾಯಿತು ಎಂದು ಸ್ಟೇಡಿಯಂನ ಸಿಬ್ಬಂದಿ ಒಬ್ಬರು ಹೇಳಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ