ಭರ್ಜರಿ ಬ್ಯಾಚುಲರ್ಸ್ 2 ಮುಕ್ತಾಯದ ಬೆನ್ನಲ್ಲೇ ಪ್ರವೀಣ್​ ಜೈನ್ ಮನೆಗೆ ಹೊಸ ಅತಿಥಿ ಆಗಮನ.. ಏನದು..?

ಕಾಮಿಡಿ ಕಿಲಾಡಿಗಳು, ಭರ್ಜರಿ ಬ್ಯಾಚುಲರ್ಸ್ ಸೀಸನ್ 2 ಖ್ಯಾತಿಯ ಪ್ರವೀಣ್​ ಜೈನ್​ ಅವರ ಮನೆಗೆ ಹೊಸ ಅತಿಥಿ ಆಗಮನವಾಗಿದೆ.

ತಮ್ಮ ಅದ್ಭುತ ಕಾಮಿಡಿ ಮೂಲಕವೇ ಅಭಿಮಾನಿಗಳನ್ನು ಸಂಪಾದಿಸಿಕೊಂಡ ಪ್ರವೀಣ್​ ಜೈನ್​ ಅವರ ಚಿಕ್ಕ ವಯಸ್ಸಿನ ಕನಸು ಈಗ ನನಸಾಗಿದೆ.

ಪ್ರವೀಣ್ ಜೈನ್ ಮೂಲತಃ ಚಂದ್ರ ನಿಲಯ ಜನತಾ ಕಾಲನಿ ಪಡ್ಡಂದಡ್ಕ ಮೂಡಬಿದಿರೆಯ ನಿವಾಸಿಯಾಗಿದ್ದಾರೆ.

ಕಾಮಿಡಿ ಕಿಲಾಡಿ ಮೂಲಕ ಜನರನ್ನು ರಂಜಿಸಿದ ಪ್ರವೀಣ್​ ಅವರು ಇದೀಗ ಹೊಚ್ಚ ಹೊಸ ಕಾರನ್ನು ಖರೀದಿ ಮಾಡಿದ್ದಾರೆ.

ಈ ಖುಷಿಯ ವಿಚಾರವನ್ನು ಪ್ರವೀಣ್​ ಅವರು ತಮ್ಮ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

ಬ್ಯೂಟಿಫುಲ್​ ಫೋಟೋಗಳ ಜೊತೆಗೆ ಚಿಕ್ಕ ವಯಸ್ಸಲ್ಲಿದ್ದಾಗ ಕಂಡ ಚಿಕ್ಕ ‌ಕನಸು. ಹೌದು ನಾನು ಒಂದು ಕಾರು ತೆಗೊಳ್ತೆನೇ, ಅಮ್ಮನ್ನನ್ನು ಪಕ್ಕದಲ್ಲಿ ಕೂರುಸ್ಕೊಂಡು ಹೋಗ್ತೇನೆ. ಇಂದು ಚಿಕ್ಕ ಹೆಜ್ಜೆಯೊಂದಿಗೆ ನನಸಾಯಿತು ಎಂದು ಬರೆದುಕೊಂಡಿದ್ದಾರೆ.

ಇನ್ನೂ, ಹೊಸ ಕಾರನ್ನು ಖರೀದಿಸುವ ವೇಳೆ ತಾಯಿ ಪ್ರಮೀಳಾ ಹಾಗೂ ಕಾಮಿಡಿ ಕಿಲಾಡಿಗಳು ಸ್ನೇಹಿತರು ಭಾಗಿಯಾಗಿದ್ದರು.

ಸದ್ಯ ಪುಟ್ಟಕ್ಕನ ಮಕ್ಕಳು ಹಾಗೂ ಮನಸೆಲ್ಲ ನೀನೇ ಧಾರಾವಾಹಿಯಲ್ಲಿ ಪ್ರವೀಣ್​ ನಟಿಸುತ್ತಿದ್ದಾರೆ.

ಅಷ್ಟೇ ಅಲ್ಲದೇ ಹಲವಾರು ಸಿನಿಮಾದಲ್ಲಿ ನಟನೆ ಮಾಡುವ ಅವಕಾಶ ಪ್ರವೀಣ್ ಪಾಲಾಗಿದೆ.