BBK 12 : ಮಲ್ಲಮ್ಮನ ಮಾತು ಚಪ್ಪಲಿಯಲ್ಲಿ ಹೊಡ್ದಂಗಾಯ್ತು ಅಂತ ಕಣ್ಣೀರಾಕಿದ್ಯಾಕೆ ಧ್ರುವಂತ್?

ಅಂತು ಇಂತು ನಾಲ್ಕು ವಾರಗಳ ಬಳಿಕ ಬಿಗ್​ ಬಾಸ್​ಮನೆಯಲ್ಲಿ ಒಬ್ಬರು ಕ್ಯಾಪ್ಟನ್ ಆಗಿದ್ದಾರೆ. ಆದರೆ ಟ್ವಿಸ್ಟ್ ಏನಂದ್ರೆ 1 ತಿಂಗಳು ಬಿಗ್​ ಬಾಸ್​ ಮನೆಯಲ್ಲಿ ಇದ್ದು, ಆಟಗಳನ್ನ ಆಡ್ತಿದ್ದವರಿಗೆ ಕ್ಯಾಪ್ಟನ್ ಪವರ್ ಸಿಕ್ಕಿಲ್ಲ ಬದಲಿಗೆ ವೈಲ್ಡ್ ಕಾರ್ಡ್​ ಎಂಟ್ರಿ ಕೊಟ್ಟಿರುವ ಕ್ವಾಟ್ಲೆ ಕಿಚನ್ ವಿನ್ನರ್ ರಘು ಮ್ಯೂಟಂಟ್ ಕನ್ನಡ ಬಿಗ್​ ಬಾಸ್​ ಸೀಸನ್ 12ರ ಮೊದಲ ಕ್ಯಾಪ್ಟನ್ ಆಗಿದ್ದಾರೆ.

ಪ್ರತೀ ವಾರಂತ್ಯದಲ್ಲಿ ಉತ್ತಮ & ಕಳಪೆಯನ್ನ ನಿರ್ಧರಿಸಲಾಗುತ್ತೆ ಇದೇ ವಿಚಾರಕ್ಕೆ ಇಷ್ಟು ದಿನ ಅಮ್ಮ, ಮಗನಂತೆ ಅನ್ಯೂನ್ಯವಾಗಿ ಇದ್ದ ಧ್ರುವಂತ್ & ಮಲ್ಲಮ್ಮನ ನಡುವೆ ಬಿರುಕು ಮೂಡಿದ್ದು, ಧ್ರುವಂತ್ ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ.

ಮನೆಯವರ ಬಹುಮತದ ಅಯ್ಕೆಯ ಮೇರೆಗೆ ಈ ವಾರದ ಕಳಪೆ ಅಶ್ವಿನಿ ಗೌಡ & ಉತ್ತಮ ಧ್ರುವಂತ್ ಎಂದು ಘೋಷಿಸಲಾಗಿದೆ. ಕಾವ್ಯಾ, ಚಂದ್ರಪ್ರಭ, ಗಿಲ್ಲಿ ನಟ, ಅಭಿಷೇಕ್, ಮಲ್ಲಮ್ಮ, ರಿಷಾ, ಧನುಷ್ & ರಘು ವೋಟ್​ಗಳಿಂದ ಧ್ರುವಂತ್​ಗೆ ಉತ್ತಮ ಎಂಬ ಪದಕ ಸಿಕ್ಕಿತು. ಮೆಡಲ್ ಪಡೆದ ತಕ್ಷಣ ಧ್ರುವ್ ವಾಶ್​ ರೂಂಗೆ ಹೋಗಿ ಚಂದ್ರಪ್ರಭರನ್ನ ಹಗ್ ಮಾಡಿ ಕಣ್ಣೀರಾಕಿದ್ದಾರೆ.

ಈ ಮೆಡಲ್ ಸಿಕ್ಕದೆ ಇದ್ರೂ ಬೇಜಾರಿಲ್ಲ, ಮಲ್ಲಮ್ಮ ಏನೇಳುದ್ರು ಗೊತ್ತಾ ? ಇಷ್ಟು ದಿನ ಅವರ ಹಿಂದೆ ನಿಂತು ಎಷ್ಟೆಲ್ಲ ಆಪಾಧನೆ ತೆಗೆದುಕೊಂಡೆ ನಾನು. ಆದ್ರೆ ಉತ್ತಮಗೆ ಮಲ್ಲಮ್ಮನ ಬಾಯಲ್ಲಿ ಮೊದಲು ಬಂದಿದ್ದು ಸೂರಜ್ ಹೆಸರು. ಬೇರೆ ಯಾರೇ ಈ ಮಾತು ಅಂದಿದ್ರೂ ನನ್ಗೆ ಬೇಜಾರಾಗ್ತಿರ್ಲಿಲ್ಲ. ಮಲ್ಲಮ್ಮನ ಮಾತು ಕೇಳಿ ಮೆಟ್ಟಲ್ಲಿ ಹೊಡೆದಂಗಾಯ್ತು ನನ್ಗೆ. ಇಷ್ಟೇನಾ ದುನಿಯಾ ? ಎಂದು ಧ್ರುವಂತ್ ಕಣ್ಣೀರಾಕಿದ್ದಾರೆ.