BBK 12 : ನಾನು ಹಾಕೋದೆಲ್ಲ ಡೈಮಂಡ್..! ಅಶ್ವಿನಿ ಗೌಡ ಮಾತು ಕೇಳಿ ಗಿಲ್ಲಿ-ಕಾವ್ಯಾ ಶಾಕ್

ಬಿಗ್​ ಬಾಸ್​ ಸೀಸನ್​ 12ರಲ್ಲಿ ಅಸುರ ಕಾಕ್ರೋಚ್ ಸುಧಿಯ ಅಟ್ಟಹಾಸ ಶುರುವಾಗಿದೆ. ಎಲ್ಲರು ಅಸುರ ಹೇಳಿದಂತೆಯೇ ಕೇಳಬೇಕು. ಕೇಳದೆ ಇರುವವರಿಗೆ ಅಸುರ ತನ್ನಿಚ್ಚೆಯಂತೆ ಅವರಿಗೆ ಶಿಕ್ಷೆ ನೀಡುವ ಅಧಿಕಾರವನ್ನ ಬಿಗ್​ ಬಾಸ್ ನೀಡಿದ್ದಾರೆ.

ನಿನ್ನೆ ನಡೆದ ಸಂಚಿಕೆಯಲ್ಲಿ ಅಸುರ ಕಾಕ್ರೋಚ್ ಅಣತಿಯಂತೆ ಧ್ರುವಂತ್ & ಅಶ್ವಿನಿ S.N,  ಅಶ್ವಿನಿ ಗೌಡರ ಮೇಕಪ್ ಬಾಕ್ಸನ್ನು ಬೆಡ್​ ರೂಂನಲ್ಲಿ ಬಚ್ಚಿಡುತ್ತಾರೆ. ಸ್ನಾನ ಮುಗಿಸಿ ಬಂದ ಅಶ್ವಿನಿ ಗೌಡ ಕಿಚನ್ ಸೇರಿದಂತೆ ಎಲ್ಲೆಡೆ ತಮ್ಮ ಮೇಕಪ್​ ಕಿಟ್ ಹುಡುಕಿ ಹುಡುಕಿ ಸುಸ್ತಾಗುತ್ತಾರೆ. ಎಲ್ಲಿಯೂ ಸಿಗದೆ ಇದ್ದಾಗ ಸಿಟ್ಟಾದ ​ಅಶ್ವಿನಿ ಗೌಡ ಮೇಕಪ್ ಕಿಟ್​ಗೆ ಅದರದ್ದೇ ಆದ ಗೌರವ ಇದೆ. ಅಕಸ್ಮಾತಾಗಿ ಅದನ್ನ ಎಲ್ಲೆಂದರಲ್ಲಿ ಇಟ್ಟಿದ್ದರೆ ಸರಿಯಾಗಿ ಗ್ರಹಚಾರ ಬಿಡುಸುತ್ತೇನೆ ಎಂದು ಬಚ್ಚಿಟ್ಟವರಿಗೆ ವಾರ್ನಿಂಗ್ ಕೊಡುತ್ತಾರೆ.

ನನ್ನ ಮೇಕಪ್ ಕಿಟ್ ಬಚ್ಚಿಟ್ಟಿದ್ದಾರೆ. ನನ್ನ ಡೈಮಂಡ್ ರಿಂಗನ್ನೂ ಕೂಡ ಕಳೆದಾಕಿದ್ದಾರೆ ಎಂದು ಜಾಹ್ನವಿಗೆ ಅಶ್ವಿನಿ ಗೌಡ ಕಂಪ್ಲೆಂಟ್ ಮಾಡಿದ್ದಾರೆ. ಇದೇ ವೇಳೆ ಕಿಚನ್​ನಲ್ಲಿಯೇ ಇದ್ದ ಗಿಲ್ಲಿ ನಟ ಅಲ್ಲಿ ಡೈಮಂಡ್ ರಿಂಗ್ ಇರ್ಲಿಲ್ಲ ಎಂದಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಅಶ್ವಿನಿ ಗೌಡ ನಾನು ಹಾಕೋದೆಲ್ಲ ಡೈಮಂಡೇ, ನಾನ್ಯಾವುದೂ ಆರ್ಟಿಫಿಷಿಯಲ್ ಹಾಕಿಲ್ಲ. ನಾನು ತಂದಿರೋದೆಲ್ಲ ಡೈಮಂಡ್. ಮೇಕಪ್ ಬಾಕ್ಸಿಂದ ಓಲೆ & ಉಂಗುರ ಬೀಳ್ಸಿದ್ದೀರಾ. ಓಲೆ ಸಿಕ್ಕಿದೆ ಉಂಗುರ ಸಿಕ್ಕಿಲ್ಲ ಎಂದು ಗಿಲ್ಲಿ ವಿರುದ್ಧ ಅಶ್ವಿನಿ ಗರಂ ಆಗಿದ್ದಾರೆ.

ಯಾರೋ ಕೋತಿ ಆಟ ಆಡುಸ್ತಾರೆ ಅಂತ ಆಡೋದಲ್ಲ. ನನ್ನ ಡೈಮಂಡ್ ರಿಂಗ್ ಸಿಗಲಿಲ್ಲ ಅಂದ್ರೆ ನಾನಂತು ಸುಮ್ನೆ ಇರಲ್ಲ ಎಂದು ಅಶ್ವಿನಿ ಗೌಡ ಎಚ್ಚರಿಕೆ ನೀಡಿದ್ದು, ಅಶ್ವಿನಿ ಮಾತು ಕೇಳಿ ಅಬ್ಬ ರಿಚ್ ಕಿಡ್ ಎಂದು ಕಾವ್ಯಾ, ಗಿಲ್ಲಿ  ಶಾಕ್ ಆಗಿದ್ದಾರೆ.

ಇನ್ನು ಅಶ್ವಿನಿ ಗೌಡ ಮಾತಿಗೆ ಭಯ ಪಟ್ಟು ಗಿಲ್ಲಿ ನಟ ಮೇಕಪ್ ಬಾಕ್ಸ್​ನಲ್ಲಿ ಡೈಮೆಂಡ್ ರಿಂಗ್ ಇತ್ತಂತೆ ಅಂತ ಅಸುರ ಕಾಕ್ರೋಚ್ ಸುಧಿಗೆ ಹೇಳಿದ್ದಾರೆ. ಇದು ಅವರ ಕುತಂತ್ರ ಇದ್ದರೂ ಇರಬಹುದು ಎಂದ ಕಾಕ್ರೋಚ್ ಸುಧಿ ಅಶ್ವಿನಿ ಗೌಡರ ಮೇಕಪ್ ಕಿಟ್ ವಾಪಸ್ ಕೊಡಲು ನಿರಾಕರಿಸಿದ್ದಾರೆ.