BBK 12 : ರಕ್ಷಿತಾ ಶೆಟ್ಟಿ ಮೈ ಮೇಲೆ ದೆವ್ವ ! ಜಾಹ್ನವಿ-ಅಶ್ವಿನಿ ಪಿತೂರಿಗೆ ಕಣ್ಣೀರಿಟ್ಟ ರಕ್ಷಿತಾ !

ರಕ್ಷಿತಾ ಶೆಟ್ಟಿ ಮೈ ಮೇಲೆ ದೆವ್ವ ಬಂದಿತ್ತು. ಆಪ್ತಮಿತ್ರ ಸಿನಿಮಾದ ರಾ.. ರಾ.. ಸಾಂಗ್​ ಹೇಳ್ಕೊಂಡು ಡ್ಯಾನ್ಸ್ ಮಾಡ್ತಿದ್ರು ಎಂದು ಅಶ್ವಿನಿ & ಜಾಹ್ನವಿ ಬಿಗ್​ಬಾಸ್​ ಮನೆಯಲ್ಲಿ ಪುಕಾರು ಹರಡಿಸಿದ್ದಾರೆ. ಇವರಿಬ್ಬರ ಮಾತಿನಿಂದ ಮನನೊಂದ ರಕ್ಷಿತಾ ಬಿಕ್ಕಿಬಿಕ್ಕಿ ಅತ್ತಿದ್ದಾರೆ.

ನಿನ್ನೆ ರಾತ್ರಿ ಬೆಡ್​ ರೂಂ ಪಕ್ಕ ಕುಳಿತು ಅಶ್ವಿನಿ, ಜಾಹ್ನವಿ, ಮಲ್ಲಮ್ಮ, ಸತೀಶ್, ಕಾಕ್ರೋಜ್ ಸುಧಿ & ರಕ್ಷಿತಾ ಹರಟೆ ಹೊಡೆಯುತ್ತಿದ್ದರು. ಈ ವೇಳೆ ಅಶ್ವಿನಿ ಅವಳಿಗೆ ಜ್ಞಾನ ಇರಲಿಲ್ಲ. ಏನಾಗಿದ ಅಂತ ಮರೆತೋಗಿದ್ದಾಳೆ. ಎಲ್ಲರೂ ಮಲಗಿದ್ದಾರೆ. ರಕ್ಷಿತಾ ಎಲ್ಲೋದ್ಲು ಅಂತ ಎಲ್ಲಾ ಕಡೆ ಹುಡುಕುದ್ವಿ. ಪ್ರತಿ ರಾತ್ರಿ 12 ಗಂಟೆಗೆ ರಕ್ಷಿತಾ ಬಾತ್​ ರೂಂನಲ್ಲಿ ಇರ್ತಾಳೆ. ನಾನು-ಜಾಹ್ನವಿ ಭಯ ಪಟ್ಕೊಂಡು ಕೂತಿದ್ವಿ. ಅವಳ ಅವತಾರಗಳೆಲ್ಲ ಆದ್ಮೇಲೆ ಹೊರ ಬಂದ್ಲು ಎಂದಿದ್ದಾರೆ.. ಇನ್ನು ಇವರ ಮಾತುಗಳಿಗೆಲ್ಲ ಜಾಹ್ನವಿ ಕುಮ್ಮಕ್ಕು ನೀಡಿದ್ದಾರೆ. ಇವರಿಬ್ಬರು ಮಾತು ಕೇಳಿದ ಕಾಕ್ರೋಚ್ ಸುಧಿ ಏನ್ ಮೇಡಂ ಹಿಂಗ್ ಹೇಳ್ತಿದ್ದೀರಾ ಅಂತ ಭಯ ಪಟ್ಟಿದ್ದಾರೆ.

ಇಷ್ಟಕ್ಕೆ ಸುಮ್ಮನಾಗದ ಅಶ್ವಿನಿ ಮನೆಯ ಇತರೆ ಸ್ಪರ್ಧಿಗಳಿಗೂ ದೆವ್ವದ ಕಥೆ ಕಟ್ಟಿ ಭಯ ಪಡೆಸಿದ್ದಾರೆ. ಮಧ್ಯ ರಾತ್ರಿ 1 ಗಂಟೆಗೆ ರಾರಾ ಸಾಂಗ್​ಗೆ ರಕ್ಷಿತಾ ಡ್ಯಾನ್ಸ್ ಮಾಡ್ತಿದ್ಲು. ಲವ್ ಅಂತೆಲ್ಲ ಏನೇನೋ ಮಾತಾಡ್ತಿದ್ಲು. ಆಮೇಲೆ ಅವಳೇ ನಾರ್ಮಲ್​ಗೆ ಬಂದ್ಲು.  ಅಷ್ಟೊತ್ತಲ್ಲಿ ಅವಳನ್ನ ಮಾತಾಡಿಸುವಷ್ಟೂ ಧೈರ್ಯ ಇಲ್ಲ ನಮ್ಗೆ. ಅವಳು ಡ್ಯಾನ್ಸ್ ಮಾಡಿ ಬಂದ್ಮೇಲೆ ನಾವು ಓಡೋದ್ವಿ. ನಮ್ಮನ್ನ ನೋಡಿ ಎಂಥ ಮಾಡ್ತಿದ್ದೀರಾ ಅಂತ ಸ್ಮೈಲ್ ಮಾಡುದ್ಲು. ಇದರಿಂದಲೇ ಭಯ ಪಟ್ಟು 3 ದಿನದಿಂದ ನಾನು-ಜಾಹ್ನವಿ ಅವಳನ್ನ ಅವಾಯ್ಡ್ ಮಾಡ್ತಿದ್ದೀವಿ ಎಂದು ಅಶ್ವಿನಿ ಮನೆಯವರಿಗೆಲ್ಲ ಭಯ ಪಡೆಸಿದ್ದಾರೆ.

ಇದರಿಂದ ಮನನೊಂದ ಬಿಗ್​ಬಾಸ್​ ಮನೆಯ ಅತ್ಯಂತ ಕಿರಿಯ ಸ್ಪರ್ಧಿಯಾಗಿರುವ ರಕ್ಷಿತಾ ಶೆಟ್ಟಿ ನಾನು ಡ್ಯಾನ್ಸ್ ಮಾಡಿಲ್ಲ. ನನ್ಗೆ ರಾ.. ರಾ.. ಸಾಂಗ್​ ಗೊತ್ತೇ ಇಲ್ಲ. ಇವರೆಲ್ಲ ಯಾಕೆ ಹೀಗೆ ಸುಳ್ಳು ಆಪಾಧನೆ ಮಾಡ್ತಿದ್ದಾರೆ. ನನ್ಮೇಲೆ ಭೂತ ಬರುತ್ತಾ ಅಂತ ಜನರು ಅಂದ್ಕೊಳ್ಳೋದಿಲ್ವಾ ? ಇವರ ಮಾತುಗಳಿಂದ ನನ್ಗೆ ನೋವಾಗಲ್ವಾ ? ಎಂದು ಮಂಜು ಭಾಷಿಣಿ, ಕಾವ್ಯಾ, ಸ್ಪಂದನಾ, ಅಶ್ವಿನಿ S. N & ರಾಶಿಕಾ ಬಳಿ ಹೇಳಿಕೊಂಡು ರಕ್ಷಿತಾ ಶೆಟ್ಟಿ ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ.