ನಮ್ರತಾಗೆ ಕರ್ಣ-ನಿಧಿ ಫ್ಯಾನ್ಸ್ ಕಾಟ.. ಕೆಟ್ಟ ಕೆಟ್ಟ ಕಮೆಂಟ್ ವಿರುದ್ಧ ಸಿಡಿದೆದ್ದ ನಿತ್ಯಾ..!

ಕರ್ಣ ಧಾರಾವಾಹಿಯಲ್ಲಿ ನಿತ್ಯಾ ಪಾತ್ರಕ್ಕೆ ನಮ್ರತಾ ಬಣ್ಣ ಹಚ್ಚಿದ್ದಾರೆ. ಸ್ಟೋರಿ ಪ್ರಕಾರ ನಿಧಿ-ಕರ್ಣ ಪ್ರೀತಿ ಮಾಡ್ತಿದ್ದು, ಇವ್ರ ಪ್ರೀತಿಗೆ ಕೊಳ್ಳಿ ಇಡೋ ಕರ್ಣನ ಅಪ್ಪನೇ ತಂತ್ರ ರೂಪಿಸಿದ್ದಾನೆ. ಈ ಕುತಂತ್ರಕ್ಕೆ ನಿತ್ಯಾ-ತೇಜಸ್​ ಪ್ರೀತಿ ಹಾಗೂ ಕರ್ಣ-ನಿಧಿ ಪ್ರೀತಿ ಬಲಿಯಾಗಲಿದೆ. ಅರ್ಥಾತ್​ ಕರ್ಣ ಪರಿಸ್ಥಿಗೆ ಕಟ್ಟು ಬಿದ್ದು ನಿತ್ಯಾಗೆ ತಾಳಿ ಕಟ್ಟುತ್ತಾನೆ.

ಇದು ಮುಂದೆ ನಡೆಯೋ ಸ್ಟೋರಿ. ಈ ಕುರಿತು ಈಗಾಗ್ಲೇ ಪ್ರೊಮೋ ರಿಲೀಸ್​ ಆಗಿದೆ. ಪ್ರೊಮೋ ನೋಡಿದ ನಿಧಿ-ಕರ್ಣ ಅಭಿಮಾನಿಗಳು ಸಹಜವಾಗಿಯೇ ನಿತ್ಯಾ ಪಾತ್ರದ ಬಗ್ಗೆ ಬೇಸರ ಹೋರ ಹಾಕ್ತಿದ್ದಾರೆ.

ಇಷ್ಟ ಆಗಿದ್ರೇ ಓಕೆ. ಆದ್ರೆ ಕೆಲ ಕಿಡಿಗೆಡಿಗಳು ನಿತ್ಯಾ ಪಾತ್ರ ಮಾಡ್ತಿರೋ ನಮ್ರತಾ ವಿರುದ್ಧ ಕೆಟ್ಟ ಕೆಟ್ಟ ಪದಗಳನ್ನ ಬಳುಸುತ್ತಿದ್ದಾರೆ. ಅದೇಷ್ಟೇ ಬಾರಿ ನಟಿ ನಮ್ರತಾ ಅವರು ವಾರ್ನ್​ ಮಾಡಿದ್ರು, ಅದೇ ರಿಪೀಟ್​ ಆಗುತ್ತಿದೆ.

ವೈಯಕ್ತಿಕ ವಿಚಾರಗಳನ್ನ ತಗೊಂಡು, ನಮ್ರತಾ ಅವರ ತಾಯಿ ಹಾಗೂ ಕುಟುಂಬಕ್ಕೂ ಕೆಟ್ಟದಾಗಿ ಕಾಮೆಂಟ್​ ಮಾಡಿದ್ದಾರೆ. ಇದ್ರಿಂದ ನಮ್ರತಾ ಅವರ ಫ್ಯಾನ್​ ಪೇಜ್​ಗಳು ರೋಚ್ಚಿಗೆದ್ದಿದ್ದು, ಪ್ರತಿಯೊಂದು ಕಾಮೆಂಟ್​ನ ಫೋಟೋ ತೆಗೆದು ವಿತ್ ಪ್ರೂಫ್​ ಪೋಸ್ಟ್ ಮಾಡಿದ್ದಾರೆ.

ಪಾತ್ರವನ್ನ ಪಾತ್ರವಾಗಿ ನೋಡಿ. ಈ ರೀತಿ ಕಾಮೆಂಟ್​ ಪಾಸ್​ ಮಾಡಿದ್ರೆ ಸೈಬರ್​ ಕ್ರೈಂಗೆ ಕಂಪ್ಲೇಟ್​ ಮಾಡೋದಾಗಿ ಎಚ್ಚರಿಗೆ ನೀಡಿದ್ದಾರೆ ನಟಿ ನಮ್ರತಾ.