ನೇಹಾ-ಚಂದನ್ ಮಗಳ ಮೊದಲ ವರ್ಷದ ಹುಟ್ಟುಹಬ್ಬ ಆಚರಿಸಿದ್ದು ಹೇಗೆ ಗೊತ್ತಾ..?

ಮಗಳು ಹುಟ್ಟಿದ ನಂತರ ಚಂದು ನೇಹಾ ಸೇರಿದಂತೆ ಸಹೋದರಿ ಸೋನು ಗೌಡ ಪ್ರಪಂಚವೇ ಬದಲಾಗಿದೆ. ಪ್ರತಿ ಕ್ಷಣ ಕುಟುಂಬದ ಖುಷಿ ಹೆಚ್ಚಿಸಿದ್ದಾಳೆ ಶಾರದ. ಸದ್ಯ ಸಂಭ್ರಮಕ್ಕೆ ಒಂದು ವರ್ಷ ತುಂಬಿದೆ. ಅರ್ಥಾತ್​ ಶಾರದ ಮೊದಲ ಬರ್ತ್​ ಡೇ ಸಂಭ್ರಮದಲ್ಲಿದ್ದಾಳೆ.

ಶಾರದಯ ಹುಟ್ಟುಹಬ್ಬವನ್ನ ಸರಳ ಸುಂದರವಾಗಿ ಆಚರಿಸಿದೆ ಕುಟುಂಬ. ಕುಟುಂಬವಿಲ್ಲದ ಕಂದಮ್ಮಗಳ ಜೊತೆ ಹಾಡಿ, ನಲಿದು ಕುಣಿದು ಖುಷಿ ಹಂಚಿ ಖುಷಿ ಪಟ್ಟಿದ್ದಾರೆ.

ಈ ಕುರಿತು ನೇಹಾ ಸುದೀರ್ಘ ಬರಹ ಬರೆದ ಮಗಳಿಗೆ ಬರ್ತ್​ ಡೇ ವಿಶ್​ ಮಾಡಿದ್ದಾರೆ. ಶಾರದಗೆ ತನ್ನ ಮೊದಲ ಹುಟ್ಟುಹಬ್ಬ ಮರಿಬಹುದು, ಆದರೆ ಈ ಅದ್ಭುತ ಮಕ್ಕಳೊಂದಿಗೆ ಆಚರಿಸಿರೋದು ನಮಗೆ ನಿಜಕ್ಕೂ ವಿಶೇಷ ಮತ್ತು ಅರ್ಥಪೂರ್ಣವಾಗಿದೆ.

ಮಕ್ಕಳ ಜೊತೆ ಸಮಯ ಕಳೆದಿದ್ದು ಅವ್ರ ನಗು ಕಲಿಸಿದ ಪಾಠ. ನನಗೆ ಸಂತೋಷ ಮತ್ತು ತೃಪ್ತಿ ನೀಡಿತು. ಈ ವಿಶೇಷ ಅನುಭವಕ್ಕಾಗಿ ನಿಜವಾಗಿಯೂ ಕೃತಜ್ಞಳಾಗಿದ್ದೇನೆ ಎಂದು ನೇಹಾ ಬರೆದುಕೊಂಡಿದ್ದು, ಮಗಳಿಗೆ ಸಂತೋಷದ ಕ್ಷಣಗಳನ್ನ ಗಿಫ್ಟ್​ ನೀಡಿದ್ದಾರೆ.