ಸುಬ್ಬು ಮನ ಗೆದ್ದ ಶ್ರಾವಣಿ.. ಮದುವೆ ಸಂಭ್ರಮದ ಮೇಕಿಂಗ್ ಝಲಕ್ -Photos

ಶ್ರಾವಣಿ ಸುಬ್ರಮಣ್ಯ ಪ್ರೀತಿಯ ಮೇರವಣಿಗೆಗೆ ದಾಂಪತ್ಯದ ನಂಟು ಶುರುವಾಗಿದೆ. ಸಾಕಷ್ಟು ಅಡೆತಡೆಗಳ ನಡುವೆ ಶ್ರಾವಣಿ ಕೊನೆಗೆ ಸುಬ್ಬು ಮನಸ್ಸು ಗೆದ್ದು ಅಧಿಕೃತವಾಗಿ ಸುಬ್ಬು ಪತ್ನಿಯಾಗಿದ್ದಾಳೆ.

ಜನ ಮೆಚ್ಚಿದ ಜೋಡಿ ಶ್ರಾವಣಿ ಸುಬ್ರಮಣ್ಯ ಮದುವೆ ಯಾವಾಗಪ್ಪ ಆಗುತ್ತೆ ಅಂತ ಕಾಯ್ತಾಯಿದ್ದ ವೀಕ್ಷಕರ ಮನ ತಣಿಸಿದೆ ಮದುವೆ ಸಂಚಿಕೆಗಳು. ತೆರೆಮೇಲಿನ ಸಡಗರ.. ಸಂಭ್ರಮ.. ಫೈಟು.. ಕಣ್ಣೀರು ನೀವು ನೋಡಿಯೇ ಇರ್ತೀರಾ. ತೆರೆ ಹಿಂದೆ ಏನೇನಾಯ್ತು ಅನ್ನೋದ್ರ ಮೇಕಿಂಗ್ ದೃಶ್ಯಗಳು ಇವಾಗಿವೆ.

ಇನ್ನು ಇದಕ್ಕೂ ಮೊದಲು ಸುಬ್ಬುಗೆ ಶ್ರಾವಣಿ ಮೇಲೆ ಇರೋದು ಪ್ರೀತಿನಾ? ಸ್ನೇಹಾನಾ ಎಂಬುದನ್ನ ತಿಳಿಸೋಕೆ ಸ್ಪೆಷಲ್ ಸಂಚಿಕೆ ಮಾಡಿದ್ರು. ಅಲ್ಲಿ ಆಂಜನೇಯನ ಸುಬ್ಬು ಪ್ರಶ್ನೆ ಮಾಡ್ತಾನೆ.

ಆಗ ಗಾಳಿ ಮೂಲಕ ಭಜರಂಗಿ ಉತ್ತರ ಕೊಡ್ತಾನೆ. ಆ ಗಾಳಿ ಹೇಗೆ ಕ್ರಿಯೇಟ್​ ಮಾಡ್ತಾರೆ? ವರ ಕೊಡೋ ಅಂದ ತಕ್ಷಣ ಹೂವು ಹೇಗೆ ಬೀಳುತ್ತೆ ಎಂಬ ಕೂತಹಲಕ್ಕೆ ಉತ್ತರ ಇಲ್ಲಿದೆ.

ಇನ್ನು ಮದುವೆ ನಂತರದ ಹಲವು ಫೋಟೋಗಳನ್ನ ಶ್ರಾವಣಿ ಪಾತ್ರಧಾರಿ ಆಸಿಯಾ ಫೀರ್​ದೋಸ್​ ಹಂಚಿಕೊಂಡಿದ್ದು, ಲೈಟ್ಸ್​ ಕ್ಯಾಮರಾ ಹಾಗೂ ಮದುವೆ. ಈಗ ಶ್ರಾವಣಿ ಸುಬ್ಬು ಎರಡು ದೇವ ಒಂದು ಜೀವ ಎಂದು ಬರೆದುಕೊಂಡಿದ್ದಾರೆ.

ಒಟ್ನಲ್ಲಿ ಶ್ರಾವಣಿ ಸುಬ್ರಮಣ್ಯ ಮ್ಯಾರೀಡ್​ ಲೈಫ್​ನ ವಿಶೇಷ ಸಂಚಿಕೆಗಳು ನಿಮಗೂ ಖುಷಿ ಕೊಟ್ಟಿವೆ ಅನ್ಕೋತಿವೆ. ಪ್ರತಿದಿನ ಸಂಜೆ 6 ಗಂಟೆಗೆ ಶ್ರಾವಣಿ ಸುಬ್ರಮಣ್ಯ ವೀಕ್ಷಿಸಬಹುದು.