ಒಂದಲ್ಲಾ.. ಎರಡಲ್ಲಾ ವೇದಿಕೆ ಮೇಲೆ ಸೋನಲ್​ಗೆ 9 ಸರ್​ಪ್ರೈಸ್​ ಗಿಫ್ಟ್​ ಕೊಟ್ಟ ತರುಣ್​ ಸುಧೀರ್.. ಏನದು ಗೊತ್ತಾ?​

ತರುಣ್ ಸುಧೀರ್ ಮತ್ತು ಸೋನಲ್ ಅವರ ಮೊದಲ ವಿವಾಹ ವಾರ್ಷಿಕೋತ್ಸವ  'ಮಹಾನಟಿ ವೇದಿಕೆ ಮೇಲೆ ಅದ್ಧೂರಿಯಾಗಿ ನಡೆದಿದೆ. ವೇದಿಕೆ ಮೇಲೆ ಸೋನಲ್​ಗೆ ಬರೋಬ್ಬರಿ 9 ಗಿಫ್ಟ್​ಗಳನ್ನು ಸರ್​ಪ್ರೈಸ್​ ಆಗಿ ನೀಡಿದ್ದಾರೆ ತರುಣ್​ ಸುಧೀರ್​.

ಸ್ಟಾರ್​ ನಿರ್ದೇಶಕ ತರುಣ್ ಸುಧೀರ್ ಹಾಗೂ ಸೋನಲ್ ಮೊಂತೆರೊ ವೈವಾಹಿಕ ಜೀವನಕ್ಕೆ ಕಾಲಿಟ್ಟು ಆಗಸ್ಟ್​ 11ಕ್ಕೆ ಒಂದು ವರ್ಷ ತುಂಬಲಿದೆ. ಹೀಗಾಗಿ ತರುಣ್ ಸುಧೀರ್ ಹಾಗೂ ಸೋನಲ್ ಮೊಂತೆರೊಗೆ ಒಂದಾದ ಮೇಲೆ ಒಂದರಂತೆ ಗಿಫ್ಟ್​ಗಳನ್ನು ಕೊಟ್ಟಿದ್ದಾರೆ.

ಈ ಸ್ಟಾರ್​ ಜೋಡಿ 2024 ಆಗಸ್ಟ್ 11ರಂದು ಸಿಲಿಕಾನ್ ಸಿಟಿಯ ಪೂರ್ಣಿಮಾ ಪ್ಯಾಲೇಸ್‌ನಲ್ಲಿ ಅದ್ಧೂರಿಯಾಗಿ ಮದುವೆಯಾದರು. ಈ ಜೋಡಿಯ ಮದುವೆಗೆ ಸ್ಟಾರ್ ನಟ ನಟಿಯರು ಎಂಟ್ರಿ ಕೊಟ್ಟು ಶುಭ ಹಾರೈಸಿದ್ದರು.

ಆಗಸ್ಟ್ 11ರಂದು ಇವರ ಸುಖ ಸಂಸಾರಕ್ಕೆ ಒಂದು ವರ್ಷ ತುಂಬಲಿದೆ. ಸಾಮಾನ್ಯವಾಗಿ ಮೊದಲನೇ ವಿವಾಹ ವಾರ್ಷಿಕೋತ್ಸವ ಯಾವಾಗಲೂ ಸ್ಪೆಷಲ್ ಆಗಿರುತ್ತದೆ. ಅದೇ ರೀತಿ ತರುಣ್ ಹಾಗೂ ಸೋನಲ್​ಗೂ ದಂಪತಿಗೂ ಆಗಸ್ಟ್​ 11 ತುಂಬಾ ಸ್ಪೆಷಲ್ ದಿನ. ಮತ್ತೊಂದು ವಿಶೇಷ ಏನೆಂದರೆ ಆಗಸ್ಟ್​ 11ರಂದು ಸೋನಲ್​ ಅವರ ಹುಟ್ಟು ಹಬ್ಬ. ಹೀಗಾಗಿ ತರುಣ್​ ಸುಧೀರ್​ ದಂಪತಿಗೆ ವಿಶೇಷವಾದ ದಿನ ಅಂತಲೇ ಹೇಳಬಹುದು

View this post on Instagram

A post shared by Zee Kannada (@zeekannada)

ಇನ್ನೂ, ಮಹಾನಟಿ ವೇದಿಕೆ ಮೇಲೆ ತರುಣ್​ ಸುಧೀರ್​ 9 ಗಿಫ್ಟ್​ಗಳನ್ನು ಕೊಟ್ಟಿದ್ದಾರೆ. 12 ತಿಂಗಳನ್ನು ನೆನಪಿಸಿಕೊಳ್ಳುತ್ತಿದ್ದೇನೆ. ಈ ಹೂವಿನಂತೆ ನಮ್ಮ ಜೀವನ ಅರಳಲಿ. ನೀನು ನನ್ನ ಕುಟುಂಬವನ್ನು ಕಾಪಾಡ್ತೀಯಾ ಎಂಬ ನಂಬಿಕೆ ನನಗೆ ಇದೆ. ಹಿಂದಿನದ್ದನ್ನು ನಾನು ಯೋಚನೆ ಮಾಡುವುದಿಲ್ಲ. ಈ ಸಮಯವನ್ನು ಖುಷಿಯಾಗಿ ಇಡುತ್ತೇನೆ ಎಂದಿದ್ದಾರೆ.

ಮೊದಲು ತರುಣ್​ ಸುಧೀರ್​ ಹೂಗುಚ್ಛ ಕೊಟ್ಟಿದ್ದಾರೆ. ಇದಾದ ಬಳಿಕ ಇಷ್ಟವಾದ ಚಾಕೊಲೇಟ್, ಕ್ಯಾರಮೆಲ್ ಪಾಪ್ ಕಾರ್ನ್, ಟೆಡ್ಡಿ ಬೇರ್, ಮದುವೆ ದಿನ ಕ್ಲಿಕ್ಕಿಸಿಕೊಂಡ ಬ್ಯೂಟಿಫುಲ್​ ಫೋಟೋ, ಅರಿಶಿನ ಕುಂಕುಮ ಹಾಗೂ ಮಲ್ಲಿಗೆ ಹೂ, ಸೀರೆ, ಕಾಲಗೆಜ್ಜೆ ಹಾಗೂ ಅವರ ಕೈಯಾರೆ ಬರೆದ ಪತ್ರವನ್ನು ಕೊಟ್ಟಿದ್ದಾರೆ. ಇದಕ್ಕೆ ಪ್ರತಿಯಾಗಿ ಸೋನಲ್​ ಮಂಡಿಯೂರಿ ಉಂಗುರವನ್ನು ತೊಡಿಸಿದ್ದಾರೆ. ಇನ್ನೂ, ಈ ಇಬ್ಬರ ಸೀನ್​ ನೋಡಿ ಕಾರ್ಯಕ್ರಮದಲ್ಲಿ ನೆರೆದಿದ್ದ ಎಲ್ಲರೂ ಫುಲ್​ ಫಿದಾ ಆಗಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ