ಮೊಹ್ಮದ್ ಶಮಿಗೆ ಹೈಕೋರ್ಟ್​ನಲ್ಲಿ ಹಿನ್ನಡೆ.. ಪತ್ನಿ, ಮಗಳಿಗೆ ಜೀವನಾಂಶದ ಒಟ್ಟು ಮೊತ್ತ ಕೇಳಿ ದಂಗು..!

ಕ್ರಿಕೆಟಿಗ ಮೊಹಮ್ಮದ್ ಶಮಿಗೆ ಮಾಜಿ ಪತ್ನಿ ಹಸೀನಾ ಜಹಾನ್ ಹಾಗೂ ಮಗಳಿಗೆ ಜೀವನಾಂಶ ನೀಡಲು ಕೋಲ್ಕತ್ತಾ ಹೈಕೋರ್ಟ್ ಆದೇಶ ನೀಡಿದೆ. ಮಾಜಿ ಪತ್ನಿ ಹಸೀನಾ ಜಹಾನ್​ಗೆ ತಿಂಗಳಿಗೆ 1.5 ಲಕ್ಷ ರೂಪಾಯಿ ಹಾಗೂ ಮಗಳಿಗೆ ತಿಂಗಳಿಗೆ 2.5 ಲಕ್ಷ ರೂಪಾಯಿ ಹಣ ನೀಡಲು ಹೈಕೋರ್ಟ್ ಆದೇಶ ನೀಡಿದೆ.

ಪತ್ನಿ, ಮಗಳಿಗೆ ಒಟ್ಟಾರೆ ತಿಂಗಳಿಗೆ 4 ಲಕ್ಷ ರೂಪಾಯಿ ಜೀವನಾಂಶ ನೀಡಲು ಹೈಕೋರ್ಟ್ ಆದೇಶ ನೀಡಿದೆ. ಈ ಮೊತ್ತವನ್ನು ಕಳೆದ 7 ವರ್ಷಗಳ ಹಿಂದಿನಿಂದ ಲೆಕ್ಕ ಹಾಕಿ ನೀಡಲು ಹೈಕೋರ್ಟ್ ಆದೇಶ ನೀಡಿದೆ. 2023 ರಲ್ಲಿ ಜಿಲ್ಲಾ ಕೋರ್ಟ್ ಪ್ರತಿ ತಿಂಗಳು 1.30 ಲಕ್ಷ ರೂಪಾಯಿ ಜೀವನಾಂಶ ನೀಡಲು ಆದೇಶಿಸಿತ್ತು. ಈಗ ಹೈಕೋರ್ಟ್ ಅದಕ್ಕಿಂತ ಹೆಚ್ಚಿನ ಮೊತ್ತವನ್ನು ಜೀವನಾಂಶವಾಗಿ ನೀಡಲು ಆದೇಶಿಸಿದೆ. ಹೈಕೋರ್ಟ್‌ನ ಈ ಆದೇಶದಿಂದಾಗಿ ಮೊಹಮ್ಮದ್ ಶಮಿ ಪರ ಅಭಿಮಾನಿಗಳು ಅನುಕಂಪ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ಪ್ರತಿಷ್ಠಿತ HCG ಕ್ಯಾನ್ಸರ್ ಆಸ್ಪತ್ರೆಯಲ್ಲಿ ಅಕ್ರಮ ಕ್ಲಿನಿಕಲ್ ಟ್ರಯಲ್ ಆರೋಪ; ಬಡ ರೋಗಿಗಳೇ ಟಾರ್ಗೆಟ್..?

ಮೊಹಮ್ಮದ್ ಶಮಿಗೆ ಇಷ್ಟು ದೊಡ್ಡ ಮೊತ್ತವನ್ನು ಜೀವನಾಂಶವಾಗಿ ನೀಡಲು ಬಲವಂತ ಮಾಡಬಾರದು ಎಂದ ಅಭಿಮಾನಿಗಳು ಹೇಳಿದ್ದಾರೆ. ಮೊಹಮ್ಮದ್ ಶಮಿಯ ಆದಾಯವನ್ನು ಪರಿಗಣಿಸಿ ಇಷ್ಟೊಂದು ಮೊತ್ತ ನೀಡಲು ಆದೇಶ ನೀಡಿದ್ದಾಗಿ ಹೈಕೋರ್ಟ್ ಹೇಳಿದೆ. ಮಗಳ ಶಿಕ್ಷಣ ವೆಚ್ಚ, ವಿಚ್ಛೇದನಕ್ಕೂ ಮುನ್ನ ಹಸೀನಾ ಜಹಾನ್ ಜೀವನ ಮಟ್ಟ ಪರಿಗಣಿಸಿ ಈ ಆದೇಶ ನೀಡಿದ್ದಾಗಿ ಹೈಕೋರ್ಟ್ ಹೇಳಿದೆ. ಮೊಹಮ್ಮದ್ ಶಮಿ ಆದಾಯ, ಹಣಕಾಸಿನ ಸ್ಥಿತಿಯು ಹೆಚ್ಚಿನ ಜೀವನಾಂಶ ನೀಡುವಂತೆ ಆದೇಶ ನೀಡಲು ಕಾರಣವಾಗಿದೆ. ಹಸೀನಾ ಜಹಾನ್ ಇನ್ನೂ ಬೇರೆಯವರನ್ನು ವಿವಾಹವಾಗಿಲ್ಲ, ಮಗಳ ಜೊತೆ ಪ್ರತೇಕವಾಗಿ ವಾಸಿಸುತ್ತಿದ್ದಾರೆ. ಹೀಗಾಗಿ ಪತ್ನಿ, ಮಗಳಿಗೆ ತಿಂಗಳಿಗೆ 4 ಲಕ್ಷ ಜೀವನಾಂಶ ನೀಡುವಂತೆ ಆದೇಶ ನೀಡಿದ್ದಾಗಿ ಹೈಕೋರ್ಟ್ ಹೇಳಿದೆ.

ಇದನ್ನೂ ಓದಿ: RCB ಸ್ಟಾರ್ ದಯಾಳ್ ಜೊತೆಗಿನ ವಿಡಿಯೋ ಕರೆಯ ಸ್ಕ್ರೀನ್​ಶಾಟ್ ಹಂಚಿಕೊಂಡ ಸಂತ್ರಸ್ತೆ.. ಚಾಟ್ ಕೂಡ ವೈರಲ್

ಹೈಕೋರ್ಟ್ ತಮಗೆ ಹೆಚ್ಚಿನ ಜೀವನಾಂಶ ನೀಡುವಂತೆ ಹೈಕೋರ್ಟ್ ಆದೇಶ ನೀಡಿರುವುದಕ್ಕೆ ಹಸೀನಾ ಜಹಾನ್ ಖುಷಿಯಾಗಿದ್ದಾರೆ. ತಮ್ಮ ಪರ ಆದೇಶ ನೀಡಿದ ಹೈಕೋರ್ಟ್​ಗೆ ಹಸೀನಾ ಜಹಾನ್ ಧನ್ಯವಾದ ಹೇಳಿದ್ದಾರೆ. ಈ ಮೊದಲು ಮಗಳನ್ನು ಉತ್ತಮ ಸ್ಕೂಲ್​ಗೆ ಸೇರಿಸಲು ಸಾಧ್ಯವಾಗಿರಲಿಲ್ಲ. ಈಗ ಉತ್ತಮ ಸ್ಕೂಲ್ ಗೆ ಸೇರಿಸುತ್ತೇನೆ ಎಂದು ಹಸೀನಾ ಜಹಾನ್ ಹೇಳಿದ್ದಾರೆ. ತನಗೆ, ಮಗಳಿಗೆ ತಿಂಗಳಿಗೆ ಒಟ್ಟಾರೆ 10 ಲಕ್ಷ ರೂಪಾಯಿ ಜೀವನಾಂಶ ನೀಡಬೇಕೆಂದು ಹಸೀನಾ ಜಹಾನ್ ಹೈಕೋರ್ಟ್ ನಲ್ಲಿ ಮನವಿ ಮಾಡಿದ್ದರು. ಹೈಕೋರ್ಟ್ ಅಂತಿಮವಾಗಿ ಮೊಹಮ್ಮದ್ ಶಮಿಯ ಆದಾಯ, ಖರ್ಚು, ಹಸೀನಾ ಜಹಾನ್ ಖರ್ಚುವೆಚ್ಚ, ಮಗಳ ಶಿಕ್ಷಣದ ಖರ್ಚುವೆಚ್ಚ ಪರಿಗಣಿಸಿ, ತಿಂಗಳಿಗೆ ಒಟ್ಟಾರೆ ತಾಯಿ, ಮಗಳಿಗೆ 4 ಲಕ್ಷ ರೂಪಾಯಿ ಜೀವನಾಂಶ ನೀಡಬೇಕೆಂದು ಆದೇಶ ನೀಡಿದೆ. ಹೈಕೋರ್ಟ್ ಆದೇಶದ ಬಗ್ಗೆ ಮೊಹಮ್ಮದ್ ಶಮಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಹೈಕೋರ್ಟ್ ಆದೇಶದ ವಿರುದ್ಧ ಸುಪ್ರೀಂಕೋರ್ಟ್​ಗೆ ಮೇಲ್ಮನವಿ ಸಲ್ಲಿಸುವ ಅವಕಾಶ ಮೊಹಮ್ಮದ್ ಶಮಿಗಿದೆ.

ಇದನ್ನೂ ಓದಿ: 2ನೇ ಟೆಸ್ಟ್​ನಲ್ಲಿ ಸಾಯಿ ಸುದರ್ಶನ್​​ಗೆ ಕೊಕ್.. ಸ್ಟಾರ್​ ಆಲ್​ರೌಂಡರ್​ ತಂಡಕ್ಕೆ ಕಂಬ್ಯಾಕ್..!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ